1 Samuɛl 3:13 - Kazambale lé Sebe Sauunu 1979

¹³ Maa a fe a lɛ léé, maa dan an lɛdɔ lɛ alé munu gi lɛɛfaama, a glɛ ’ka lo, wenyané lé a benu a kɛlɛ, ’té wo ’wobo vɔn a nya bɛ, é a gi dɔɔ yé é ’ka we pla lɛ wo lɛ lo, a we ma.

1 Samuɛl 3:13 ပူးပေါင်းရင်းမြစ်များ

1 Minwiinzannu 1:6

A ti ’ka we pla lɛ a lɛ alé tɛrɛla faa gi, léé, mɛmalé i ’bɛ kɛlaa? lo. Yé é ziin, Adonija a é nɔnɔmi é baba yé wa yaa Abusalɔm zuo.

1 Minwiinzannu 2:44

Yé minwiinzan lé Siméi lɛ léé: Wenyané faa lé bé kɛlɛ an ti David lɛ, bé gi dɔɔ i bli gi; Gakelebale ’é ilé weple dɔ i nwiin ma.

2 Minwiinmunu lé Wezuofe Sɛbɛ 20:12

Kolé Baleoo Bale, i ’ka dan wolé we ble lɛ loo? Naa, ko ’ka plɛplɛ mi gu blɛn lé wo bié ko ma bɛ, wo ’lɛ lo. Yé wean é a lé ko a kɛlɛ, ko ’ka a gi dɔɔa lo. Naa, ko yuɛ a i lɛ.

Wegɔnévɔlenu 19:18

Bléyian va lé i be éé we maan, ’i we lɛdɔ a gi, naa té i bli é fli fɔɔ yé bé gyɛ yé é ga lo.

Wegɔnévɔlenu 29:15

Vlewɔlɛ valé mi drɔle, woo mi kɛla wedɔɔzan nya, naa, né lé wa vo é pla é dan é bu gyɛ lɛ yara nya.

Bale Lé We Gifezan 7:22

bé gi dɔɔ é zima léé, gɔnɔ ke nya biibozen bale pa mi bɛnu ma.

Ézékiɛl 18:30

Izraɛlnu, bɛwemalé maa dan ka faa do do lé we ble lɛ kalé wekɛlɛbɛ yɛrama. A zo lé Mizan Gakelebale a fe. ’Ka da é ziin, yé ’ka daan kalé bélidɔwe sɔnné sɛrɛlenu faa ma, léé, té weple é kɛlɛ ka sɛrɛfɛ nya lo.

Ézékiɛl 7:3

Sin, Izraɛl zé é dan nyaa lɛ; an bli é dan fli lɛ i ma, yé maa dan ilé we ble lɛ i kɛlɛwenu yɛrama; maa dan ilé bozowenu faa dɔ lɛ i nwiin.

Joɛl 3:12

Bɛnnu ’é vuo, yé ’wo gɔ gié Gɔ worona lé wa laama Jozafat, a vazia ma. Ana lé maa dan nyana lɛ ka zi bɛnnu faa lé we blele we ma.

Matio 10:37

Mi lé é ti valé é bu we minié an ta, a yara ’ka lé, ’é kɛlɛ anzé nya lo; yé mi lé é be valé é lu we minié an ta, a yara ’ka lé, ’é kɛlɛ anzé nya lo;

Bélidɔwesɛbɛ Fiézan 17:12

Balebanzan lé Gakelebale, kalé Bale a dɔ Gakelebale bɔle we gi, dé mi do ébo kɛla blɛn yé é ’ka ’é tɔné dɔa ’bɛzan dére lɛ lo, dé é ’ka ’é tɔné dɔa weblezan dére lɛ lo, ’wo ga dɔ a nwiin.

Bélidɔwesɛbɛ Fiézan 21:18

Dé mi do be a, yé é ’ka mi zin nya lo, yé é a wemaplɛplɛzan nya, dé é ’ka tɔné dɔa é ti valé é bu dére lɛ lo, dé wo we lɛdɔ a gi faa yé é ’ka wo lɛdɔama duowo lo,

1 Jan 3:20

Naa, dé kaa bli kaa gyɛ we nya, Kazambale a blɛn é mini kaa bli ta, yé é we faa dɔɔ.

1 Samuɛl 2:12

Éli benu a mi vɔnlenu nya yé wo ’ka Gakelebale dɔɔa lo.

1 Samuɛl 2:17

Pɛniɛnu ’ko nyé yéli Gakelebale banfɛnu ma, amalé wo we blɛn dɔ wobo nwiin Gakelebale va.