1 Samuɛl 26:24 - Kazambale lé Sebe Sauunu 1979

²⁴ Yé ilé tɛrɛla kɛlɛ an yuɛ gi blɛn kyɔ fɛan zo, a zo duo lé anlé tɛrɛla é dan kɛlɛ lɛ blɛn Gakelebale yuɛ gi, yé é dan an si lɛ nyanéblele faa gi.

1 Samuɛl 26:24 ပူးပေါင်းရင်းမြစ်များ

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

2 Samuɛl 4:9

David a zi pa Béérɔt mi Rimɔn benu Rékab valé Baana lɛ léé: Gakelebale lé é an si gawe faa gi, é a é yuɛma!

Lɛrɛvɔ Sɛbɛ 144:2

É a wezinkɛlɛzan nya an lɛ; é a an tin‐évafɛ plɛplɛ nya. É a an yɔɔna plɛplɛ valé an siéwegizan nya. É a an takuunzan valé an vɔzizan nya. Yee ɛ anlé munu plaan an wuo.

Lɛrɛvɔ Sɛbɛ 18:1

Gakelebale wuozan David lɛrɛ ’ko vɔle gɔɔn lɛrɛvɔmunu ’lɛzan lɛ. É lɛrɛ ’ko vɔ Gakelebale lɛ bléyian va lé Gakelebale a si a nyanézannu faa valé Saul lee. É léé:

Lɛrɛvɔ Sɛbɛ 18:25

É ziin, Gakelebale anzé kɛlɛ anlé wedrɔle yɛrama, An bɛnu gibɔle a yuɛ gi yɛrama.

Lɛrɛvɔ Sɛbɛ 18:48

Bale ɛ ke anlé we lɛgipazan nya, Yé éé munu plaan an wuo,

Lɛrɛvɔ Sɛbɛ 34:20

We tɔntɔn éé bɔa mi tegelenu ma gɔnɔ kiɛre, Naa, Gakelebale éé wo sié ’bɛ we gi yifaama.

Lɛrɛvɔ Sɛbɛ 54:7

Wenaané é dan bɔ lɛ an mazannu ma; ’I wo kulu ga yarapalale nya.

Matio 5:7

Nyanaizénmunu a bɛan ’bɛ gi bɛ, ’bɛ a é zima wozé nya, naa, Bale é dan nyanai zén lɛ wo ta.

Matio 7:2

Bɛan zo lé i mi bɛ ma we blé, a bɛ duo gi lé wo dan i ma we ble lɛ. I fɛ no mi lɛ fɛan zo, a zo lé wo dan izé nɔ lɛ.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

2 Tɛsalɔnik munu 3:2

yé ko si tavozannu valé mi lɛrɛlɛrɛnu lee, naa, mi faa bli ’ka é pale lo.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.

1 Samuɛl 18:30

Filisitinu lé tɔmunu woo dan Izraɛl va guli dan lɛ; dé wo da vu, David lé wo kelele mini Saul wuozannu zé ta, yé é tɔ ye.

1 Samuɛl 24:16

Gakelebale é dan kɛlɛ lɛ kolé weblezan nya, é dan maa valé bii lé we ble lɛ; é dan an nagini lɛ yé é dan anlé we fe lɛ, yé é dan we tegele kɛlɛ lɛ an lɛ an sile i lee nya.