1 Samuɛl 25:39 - Kazambale lé Sebe Sauunu 1979

³⁹ David a ’ma léé, Nabal ga yé é léé: Gakelebale lé é dɔ an zuo, sɔnɔ lé Nabal a wo an lɛ, alé we ma, yé é wenyané kɛlɛle yi ga é wuozan lee, ’wa drɔɔ vo ma. Gakelebale Nabal lé we ple nɔla ébo nwiin. David mi pa zia Abigail va alé bwɛ we fele we ma a lɛ.

1 Samuɛl 25:39 ပူးပေါင်းရင်းမြစ်များ

2 Samuɛl 1:16

Yé David lé a lɛ léé: I nyɛ a ibo nwiin; bé fe léé, ’é Gakelebale lé nyɔnɔzénnwiinzan gyɛ, amalé ibo lɔlu we nɔ i lɛ.

1 Minwiinzannu 2:44

Yé minwiinzan lé Siméi lɛ léé: Wenyané faa lé bé kɛlɛ an ti David lɛ, bé gi dɔɔ i bli gi; Gakelebale ’é ilé weple dɔ i nwiin ma.

Esitɛɛ 7:10

Yé wo Aman dun yili lé é a kɛlɛ kɔɔn Maadosé zé nya bɛ, a ma. Yé minwiinzan blɛn bliflile ta zana.

Esitɛɛ 9:25

Naa, dé Esitɛɛ go minwiinzan blɛn va, minwiinzan blɛn a fe yé wa gyɛ sɛbɛ gi léé: Wenyané lé Aman é gi bɔrɔ kɔɔn a nya léé, ’é a kɛla Juifinu lɛ bɛ, é nɔla yeebozen ta, yé wo yee valé é benu dun yili ma.

Lɛrɛvɔ Sɛbɛ 7:16

Éé migyɛguru boo, éé a lɛ soo, Yé migyɛguru lé é a bo bɛ, éé diaan a gi.

Lɛrɛvɔ Sɛbɛ 9:5

Naa, i an dɔ an dɔna yé i dɔ an zi, I nyanaan ilé webleblin ta weblezan tegele nya.

Wegɔnévɔlenu 18:22

Mi lé é le si, é fɛ zin ye; é a zin do lé é a ye Gakelebale va, a nya.

Wegɔnévɔlenu 19:14

Mi é bɔalɛ yé é kɔn valé fuafɛnu ye é tinu zara nya, naa, ’wuoata le a Gakelebale lé blɛ nya.

Wegɔnévɔlenu 22:23

naa, Gakelebale é dan dɔ lɛ wo zuo, yé munu lé wo wolé fɛnu si é dan wolé tɛrɛla si lɛ wo lee.

Wegɔnévɔlenu 31:10

Mi kyɛn ɛ bɔalɛ yé é le tegele yee? A wea é mini gɔlɛwezan pɛrɛlnu ta.

Wegɔnévɔlenu 31:30

Zin a dabli nya, yé yara nɔnɔmi a fɛ boa nya; lezan lé éé kanaan Gakelebale lee, yee lé wo dan a tɔ bɔ lɛ.

Wegɔné Ma Lɛrɛ 8:8

Ko zuané le do ana, A nyɔ ’ka tan lo; Dé wo da ko zuané ma laa lɛ yian nya, Ko dan alé we kɛlɛ lɛ kaa?

Misé 7:9

Maa wenyané kɛlɛ Gakelebale ma, amalé maa dan an ’wuo dɔ lɛ alé bliflile wuo fɔɔ yé é dɔ an zuo, yé é anzé kɛlɛ néné. É dan go lɛ an nya fɛna fu na, yé maa dan alé we tegele nagini lɛ.

2 Korɛnt Munu 13:7

Naa, ko a bazorona Kazambale lɛ léé, té ka wenyané do kpen kɛlɛ lo; kobo drɔle tegele we gi kaan lo, naa, kalé wezin kɛlɛle we gi, yé ko kɛlɛ bélé yaragyɛmunu zo.

1 Tɛsalɔnik munu 5:23

Mi vo drɔɔ Bale bozen ’é ka kɛlɛle sauun lɛ sɔɔ; ka léli koo, kabozen koo, ka kɔlɛ koo, wo faa ’é vo é tadɔle, ’té gun ’ka a ma lo fɔɔ yé Kaazan Jézu Krist dayi é bɔ.

2 Timoté 4:18

Mizan é dan an si lɛ wenaanénu faa wuo, yé é dan an béli lɛ, yé é dan go lɛ an nya élé lagi fuatɛrɛ la. ’Wa tɔ bɔ lɛɛfaama ma. Amɛɛn.

Weblezannu 5:2

Wo minwiinmunu dɔ Izraɛl munu ’lɛ, Yé munu wobo nɔ gulidanle lɛ. ’Wo Gakelebale drɔɔ vo ma!

1 Samuɛl 24:15

Mi kyɛn ma lé Izraɛl minwiinzan zi siaa? Mi kyɛn lé bé zuo bin‐éé? Blén gale lé, gɔa lé.

1 Samuɛl 25:26

Sin, anzan, é a webozen nya léé, Gakelebale a é yuɛma, yé i léli a é yuɛma fɛan zo, Gakelebale ɛ i bɛ kun yé é nyɛ zanale yi ga i lee. I nyanémunu, munu lé wa a va léé, wo wenaané kɛlɛ anzan lɛ, ’wo kɛlɛ Nabal zo ma.

1 Samuɛl 25:32

David lé Abigail lɛ léé: Izraɛl lé Bale, Gakelebale lé é i nwunvɔ kyɔ keele we gi an nya, ’wa drɔɔ vo ma.

1 Samuɛl 25:34

Naa, Gakelebale, Izraɛl lé Bale lé é anlé we tɔntɔn kɛlɛle i lɛ yi ga, é a é yuɛma. Dé i ’ka kɔɔn da lɛ an va é kele lo, ’té tu ’kanɔ kinié Nabal lé mi do kpen ta lo.

1 Samuɛl 25:40

David wuozannu bɔ Abigail va Kaamɛl yé wo lé a lɛ léma: David ko pa zia i va, i sile é na nya we ma.

1 Samuɛl 26:10

Yé David léé: Gakelebale a é yuɛma. A gyɛle a Gakelebale do kpen ɛ lee, dé azé yi ɛ bɔ yé é gaoo, dé é go guli dan lɛ yé é zamaga wooo, ’té yee lé.