1 Samuɛl 25:38 - Kazambale lé Sebe Sauunu 1979

³⁸ ’Bɛ zuo yi vu, Gakelebale Nabal gyɛ yé é ga.

1 Samuɛl 25:38 ပူးပေါင်းရင်းမြစ်များ

2 Samuɛl 6:7

Gakelebale bli fli Uza ma yé Bale a gyɛ é nya do a saanle we ma. Uza ga ’bɛna Bale lé kɛsu sɔnɔ.

2 Minwiinzannu 15:5

Gakelebale minwiinzan blɛn bla yé é kɛlɛ pantɛngyɛzan nya fɔɔ yé é ga, ’té éé nyanaan kɔn do gi é yɛrama. ’Té minwiinzan be Jotan ɛ ke a bɛgizan nya, ’té é ana tɛrɛ la munu lé we blé.

2 Minwiinzannu 19:35

’Bɛ béli duo nya, Gakelebale lé lanje da yé é munu gyɛ Asirinu lé sɔkɔn dɔna mi baa yɔ ziɛn wɔlɛ vu ta fié, é ta lé mi wuru soru. Wo nwa bladi aan wo, bé ye, migalenu saa lé.

2 Minwiinmunu lé Wezuofe Sɛbɛ 10:15

’Bɛ zo lé minwiinzan blɛn ’ka é tɔné dɔ lɛ munu lɛ lo; naa, a we si Gakelebale va, dére lé Gakelebale a fe Silozan Akija lɔlu nya Nébat be Jéroboam lɛ, a lɛ sɔɔle we gi.

2 Minwiinmunu lé Wezuofe Sɛbɛ 13:20

Abija bléyi va, Jéroboam ’ka plɛplɛ ye lɛ é dɛrɛ lo. Gakelebale a gyɛ yé é ga.

Lɛrɛvɔ Sɛbɛ 104:29

Dé i yara si wo ta, ’bɛ éé gi bɔrɔ paan wo ma, I i flinle sié wo lee yé woo gaan, Yé woo nɔlaan é ziin ’wolé vun nya.

Lɛrɛvɔ Sɛbɛ 73:19

Yé bé gini do, keletɔɔn, wozé nyaa. Wo wo si ana é kele, yé ana vo é pla.

Fwile 12:29

Tu la, né vininnu faa lé ke Éjipiti tɛrɛ la, Gakelebale wo gyɛ, é sia Faraɔn lé ke é nyanale élé webleblin ta, ’bɛlé né vinin ma fɔɔ yé é bɔ bokɔngizan lé né vinin ma, ’bɛ valé winu lé né vininnu ma.

Kelewenu 12:23

É ’ka Kazambale tɔ bɔ lɛ we ’ko gi lo, amalé a bléyi duo nya Mizambale lé lanje do a gyɛ. Yé klé a ble yé é ga.

1 Samuɛl 25:33

I ’wuo zin drɔɔ ’é vo ma, yé bii lé i mi nyɛ zanale yi ga an lee kyɔ yé i an bɛ kun, i drɔɔ ’é vo ma!

1 Samuɛl 25:37

Naa, é bladi, nwɛ si Nabal yuɛi, yé we lé é bɔ, a na a faa zuo fe a lɛ. Nabal zuru dia yé é kɛlɛ bélé gɔlɛ zo.

1 Samuɛl 26:10

Yé David léé: Gakelebale a é yuɛma. A gyɛle a Gakelebale do kpen ɛ lee, dé azé yi ɛ bɔ yé é gaoo, dé é go guli dan lɛ yé é zamaga wooo, ’té yee lé.

1 Samuɛl 6:9

’Ka yuɛ vo a zuo; dé é gié élé tɛrɛ glɛ zi ta Bɛt‐Sémɛs vazia, ’té Gakelebale ɛ we tɔntɔn blɛn ’ko kɛlɛ ko lɛ; dé ’bɛ kaan lo, ko dan a gi dɔɔ lɛ léé, yeean é ko gyɛ lo, ’té we ’ko bɔ ko ma é pla.