1 Samuɛl 25:29 - Kazambale lé Sebe Sauunu 1979

²⁹ Dé mi do nwa i zuo binle we gi, ilé tɛrɛla nyaale we gi, ’té anzan léli ta a é dɔle Gakelebale, ilé Bale lé fɛwezan pakɛsu gi, yé é dan i nyanézannu léli vuli lɛ bélé fɛan zo lé mi éé siagigɔlɛ vulian, a zo.

1 Samuɛl 25:29 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

2 Samuɛl 4:8

Wo go Isi‐Bɔsɛt ’wuo nya David lɛ Ébrɔn yé wo lé minwiinzan lɛ léé: I nyanézan Saul lé é sɔ a lɛ léé, ’é i gya, a be Isi‐Bɔsɛt ’wuo lo; Gakelebale anzan minwiinzan lé we lɛgi pa kyɔ Saul valé é kulu ma.

JOB (Job) 27:22

Kazambale éé sawɔlɛnu vulian a va, ’té a nyanai ’ka zén‐é a ta lo, Yé é sɔ mi nyané lɛ léé, ’é vlaburu yé é so wo lee.

Lɛrɛvɔ Sɛbɛ 116:15

Woan Gakelebale sɔ wo lɛ, Wo gale wea a lee.

Lɛrɛvɔ Sɛbɛ 54:3

Baleoo, Bale, i tɔ lé we ma, ’i an si we gi Yé ’i we tegele kɛlɛ an lɛ ilé plɛplɛ nya.

Lɛrɛvɔ Sɛbɛ 66:9

É kobozen vo é yuɛma, Yé é ’ka nyi si lɛ léé, ko saan lo.

Jérémi 10:18

Naa, Gakelebale léma: Ka ye, sin maa dan go lɛ tɛrɛ ’ko la munu nya baa, bélé paalu lé gɔlɛ vulile zo; maa dan wo kun lɛ léé, wo nyanézannu ’é bɔ wo ma.

Malasi 3:17

Lai sunyanu lé Gakelebale léma: Yian nya lé maa anlé fɛnu ma’lɛrɛ, wo dan kɛlɛ lɛ anlé fɛwezannu nya. Maa dan wezin kɛlɛ lɛ wo lɛ, bélé mi éé wezin kɛla ’é lɛdɔmabe lɛ fɛan zo, a zo.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

WENÉNÉ LE JAN A GYE (Évangile selon Jean) 17:21

wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:23

’té maa a wo gi, ’té bii a an gi, wo kɛlɛle tegele mi do nya we gi, yé tɛrɛlamunu a gi dɔɔ léé, bii ɛ an pa zia yé wa dɔɔ é ziin léé, wo sɔ i lɛ, bélé an sɔ i lɛ fɛan zo a zo.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Samuɛl 2:9

É dan é yuɛ pa lɛ é sɔlɛzannu ganepa va, Naa, mi naané é dan zamaga wo lɛ gunutinu va. Naa, guliwuo ’ka dan vo lɛ mi lɛ élé plɛplɛ ma lo.