1 Samuɛl 25:28 - Kazambale lé Sebe Sauunu 1979

²⁸ Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.

1 Samuɛl 25:28 ပူးပေါင်းရင်းမြစ်များ

2 Samuɛl 5:2

É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

2 Samuɛl 7:11

bélé bléyian va lé maa anlé munu Izraɛl taweblezannu dɔ ’bɛ bléyi zo lo. Maa flinle nɔ i lɛ, i sile i nyanémunu lee nya. Yé Gakelebale lé i lɛ léé, ’é dan i fan lɛ.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

2 Samuɛl 7:27

Lai sunyanu lé Gakelebale, Izraɛl lé Bale, biibozen ɛ a nagɔɔn i wuozan lɛ, a fele nya léé, ’é dan i fan lɛ. Bɛwemalé i wuozan bli ta dɔ plɛplɛ ba ’ko zorole i lɛ we ma.

1 Minwiinzannu 15:3

Wenyané faa lé a ti a kɛlɛ é vinin, ébo nɔ ’bɛ faa kɛlɛle lɛ; a bli faa ’ka Gakelebale, alé Bale lɛ, a tra David bli a fɛan zo, a zo lo.

1 Minwiinzannu 15:5

Naa, we lé ke tegele Gakelebale yuɛ gi, David a kɛlɛ, yé é ’ka é yara si lɛ alé bélidɔwe do kpen kɛlɛle ta lo alé tɛrɛla faa gi, ’té dé é ’ka Éti mi Uri lé we nya lo.

1 Minwiinzannu 9:5

maa dan ilé plale mi nwiin lé webleblin dɔ lɛ gligli Izraɛl, maa fe i ti David lɛ fɛan zo, a zo, léé, é ’ka dan vuru lɛ ’é paizan nyanale ma Izraɛl lé webleblin ta lo.

Minwiinzannu lé Wezuofe Sɛbɛ 17:10

bléyian va lé maa weblemunu dɔ anlé munu Izraɛl nwiin ’bɛ bléyi zo lo. Maa ka nyanézannu faa gyɛ yara nya. Gakelebale é dan ilé kɔn dɔ lɛ, maa ɛ fe i lɛ.

Minwiinzannu lé Wezuofe Sɛbɛ 17:25

Oo anlé Bale, biibozen a gɔɔn i leezan lɛ léé, i dan a kulu vo lɛ ana. ’Bɛlé we ma lé é dɔ i leezan ’wuo gi léé, é dan bazoro lɛ i lɛ.

2 Minwiinmunu lé Wezuofe Sɛbɛ 20:15

Yé Jakaziɛl léma: Juda munu faa valé Jérusalɛm munu, ’kaa valé minwiinzan blɛn Jozafat, ’ka an ban ka tɔné nya. Gakelebale lé ka lɛ léma: Té ka kana lo; té di é kini ka gi mi gu blɛn ’ko lé we ma monomono lo, naa, Bale é dan ka ta guli dan lɛ, ka kaan lo.

Lɛrɛvɔ Sɛbɛ 7:3

Dé wo da an wi kini ékema bélé golizra lé Éé mi minié ’té a bɔvazan do kpen ’ka lo, a zo.

Lɛrɛvɔ Sɛbɛ 89:29

Maa dan anlé zin tadɔ lɛ azé nya yifaama, Yé anlé gipawe é dan vo lɛ é dɔbɛ gi yifaama.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

WENÉNÉ LÉ LUK A GYE (Évangile selon Luc) 23:41

Ko gale yara lé; kolé wenyané ma ban lé; naa, mi ’ko ’ka wenyané do kpen kɛlɛ lɛ lo.

WENÉNÉ LÉ LUK A GYE (Évangile selon Luc) 23:47

We lé é bɔ sunyayɔsoru ’lɛzan a ye aan wo, é Bale tɔ bɔ yé é léé: Mi ’ko a mi tegele nya webozen nya.

1 Samuɛl 15:28

Samuɛl lé a lɛ léé: Gakelebale i kɛlɛle Izraɛl nwiinzan nya se si i lee kyɔ yé é a nɔ mi bɛ lé ’bɛ ke é zima é mini bii ta, a lɛ.

1 Samuɛl 17:47

Yé mi gbau ’ko faa é dan a gi dɔɔ lɛ léé, Gakelebale ’ka mi sié we gi gwɔun valé din nya lo. Guliwuo éé voo Gakelebale lɛ. Yé é dan ka pa lɛ ko lee.

1 Samuɛl 18:17

Saul lé David lɛ léé: Bé ye, maa dan an lu vininzan Mérab nɔ lɛ i lɛ; naa, ’i nyanama pa an va nyanabli nya é wo, yé ’i Gakelebale lé gulinu dan. Naa, Saul lé ébo lɛ léé: Maa ’ka a va léé, maa bɛ mané a ma lo, naa, Filisitinu lé, ’bɛnu a gyɛ.

1 Samuɛl 2:35

Yarapawelazan lé é dan we kɛlɛ lɛ an bli valé an boen yɛrama, maa dan a dɔ lɛ Balebanzan nya; maa dan alé kɔn ’léé drɔɔ vo lɛ, yé é dan tawo lɛ yifaama anlé nyɔnɔzénnwiinzan yara.

1 Samuɛl 22:14

Asimélɛk lé minwiinzan lɛ léé: Tɔnégidrɔɔzan David, minwiinzan lu zana, ’té éé tawoo ilé bélidɔwe ta, yé wa lɛdɔma ilé kɔn gi, i wuozannu va mi kyɛn ɛ ke a bɔmazan nyaa?

1 Samuɛl 24:11

Bé ye ibo yuɛ nya sin léé, Gakelebale i pa an lee kyɔ gɔmaguru gi. Wo an tunu léé, maa i gyɛ; naa, maa i vo yé maa léé, anzan a Gakelebale lé nyɔnɔzénnwiinzan nya, amalé an ’ka dan an bɛ mané lɛ a ma lo.

1 Samuɛl 24:17

David nya dére ’konu fele nya Saul lɛ aan wo, Saul léé: An be David, i dére lé weboen nyaa? Yé Saul sia wu nya.

1 Samuɛl 24:21

Sin, bé ye, maa a gi dɔɔ léé, i dan pla lɛ Izraɛl nwiin, yé plale Izraɛl nwiin se é dan kɛlɛ lɛ i lɛ.

1 Samuɛl 24:4

Wo bɔ ’blagɔrɔ lé é ke zi sɔnɔ, ana; yé é gɔmaguru ye ’bɛna yé é wɔra sɔ zénle é gane ta we gi. David valé élé munu a gɔmaguru wɔlɛ ma mi.

1 Samuɛl 25:24

’Bɛ zuo é ’wuo wɔra a gane wuo yé é léé: Anzan, wenyané ’ko a an nwiin ma! ’I zi nɔ i wuo le lɛ léé, ’é we fe i lɛ, yé ’i tɔné dɔ i wuo le dére lɛ.

1 Samuɛl 29:3

Filisitinu lé gulizilɛzannu léé: Ébrunu ’ko a mɛ kɛlɛna ’koo? Yé Akis a zi pa Filisitinu lé gulizilɛzannu lɛ léé: Izraɛl nwiinzan Saul wuozan David kaan loo? É mɔn an va yé é sia a dayi ma ko va fɔɔ kyɔ, maa ’ka we do kpen ye lɛ a ma lo.

1 Samuɛl 30:26

David da Siklag aan wo é gulizarafɛ ke nɔ é béénu, Juda lé mi segelenu lɛ a fele nya wo lɛ léé: Kazé blɛ lé wa si Gakelebale nyanézannu lee gulizarafɛ nya, yee lo.