1 Samuɛl 25:26 - Kazambale lé Sebe Sauunu 1979

²⁶ Sin, anzan, é a webozen nya léé, Gakelebale a é yuɛma, yé i léli a é yuɛma fɛan zo, Gakelebale ɛ i bɛ kun yé é nyɛ zanale yi ga i lee. I nyanémunu, munu lé wa a va léé, wo wenaané kɛlɛ anzan lɛ, ’wo kɛlɛ Nabal zo ma.

1 Samuɛl 25:26 ပူးပေါင်းရင်းမြစ်များ

Wepélisiananu 20:6

Kazambale lé a lɛ nyɛ fla léé: Maa a gi dɔɔ léé, i we ’ko kɛlɛ i bli gi fu nya. Maa é ziin, maa ilé wenyané kɛlɛle an ma yi ga. Bɛwemalé maa ’ka zi nɔ lɛ i lɛ léé, i bɛ mane a ma lo.

2 Samuɛl 18:32

Minwiinzan lé Kusi lɛ léé: Pɛniɛ Abusalɔm a drɔɔ? Kusi a zi pa léé: Anzan minwiinzan nyanézannu valé munu faa lé wo nwa i ma wenyané kɛlɛle i lɛ we gi, wo faa lé we ’é kɛlɛ pɛniɛ ’ko zé zo ma.

2 Minwiinzannu 2:2

Éli lé Élizé lɛ léé: ’I vo ’ko ma, naa, Gakelebale an nwunvɔ Bétɛl. Élizé lé a lɛ léé: Gakelebale a é yuɛma yé i léli a é yuɛma. An ’ka sié i zuo lo. Yé wo go Bétɛl.

2 Minwiinzannu 4:6

Bɔ faa fan aan wo, é lé é be lɛ léé: ’I bɔ do nɔ an lɛ é ziin. Naa, ’bɛ lé a lɛ léé: Bɔ bɛ ’ka lo. Yé nyɔnɔ bɔle kini.

Lɛrɛvɔ Sɛbɛ 44:3

I bɛ nya lé i bɛnnu bin ko tranu vole wo pa gi we ma. I nyané pa migɔnɔnu ta ko tranu sɔɔlale wo pa gi we ma.

Wegɔnévɔlenu 31:12

Lezan éé we zin kɛla é zana lɛ, é ’ka wenaané kɛla a lɛ lo, alé tɛrɛla faa gi.

Jérémi 29:22

Wo dan bale pa lɛ mi ma wo tɔ nya Judanu faa lé wo ke luu gi Babilɔn, wo va. Wo dan a fe lɛ léé: Fɛan zo lé Babilɔn nwiinzan blɛn Sédésias valé Akab vɔ kyɛ va é yuɛma, Gakelebale ’é izé kɛlɛ a zo ma.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Ébrunu 10:30

Naa, mi lé é a fe léé: Maa ɛ ke welɛgipazan nya, Maa ɛ we lɛdɔa mi gi, kaa ’bɛzan dɔɔ. Yee ɛ fe é ziin léé: Mizambale é dan élé munu lé we ble lɛ.

1 Samuɛl 1:26

Ane léé: Anzan, ’i tɔné dɔ an lɛ. I léli a é yuɛma weboen nya, le lé é dɔ i sɔnɔ yi la ’ko, ’té éé bazoroan Gakelebale lɛ bɛ, maa lé.

1 Samuɛl 2:9

É dan é yuɛ pa lɛ é sɔlɛzannu ganepa va, Naa, mi naané é dan zamaga wo lɛ gunutinu va. Naa, guliwuo ’ka dan vo lɛ mi lɛ élé plɛplɛ ma lo.

1 Samuɛl 20:16

’Bɛ zo lé Jonatan é gi pa do David kulunu va. Gakelebale ’é David lé we lɛgi pa a nyanézannu ma ma.

1 Samuɛl 20:3

David lé é ziin bale ’nyɔɔnle nya léé: I ti a gi dɔɔ é zima léé, maa a mi zin nya i yuɛ gi, yé é léé, té Jonatan a gi dɔɔ lo ma; ’bɛ é dan ’na lɛ a ma. Naa, Gakelebale a é yuɛma yé i léli a é yuɛma. Gane pa do kpen ɛ ke maa valé gale méléna.

1 Samuɛl 22:3

David si ’bɛna yé é go Misipé, Moab tɛrɛ la. É lé Moab nwiinzan lɛ léé: Ilé zanté, ’i zi nɔ an ti valé an bu lɛ léé, wo nyana i va, fɔɔ yé we lé Bale é dan a kɛlɛ lɛ an lɛ yé maa a gi dɔɔ.

1 Samuɛl 25:25

Té anzan é mi ple, Nabal ’ko lé we pa é bli gi lo, naa, éé we kɛla bélé é tɔ zo; a tɔ lé Nabal yé ’tu a gyɛ. Yé maa, i wuo le, munu lé anzan a pa zia maa ’ka wo ye lɛ lo.

1 Samuɛl 25:39

David a ’ma léé, Nabal ga yé é léé: Gakelebale lé é dɔ an zuo, sɔnɔ lé Nabal a wo an lɛ, alé we ma, yé é wenyané kɛlɛle yi ga é wuozan lee, ’wa drɔɔ vo ma. Gakelebale Nabal lé we ple nɔla ébo nwiin. David mi pa zia Abigail va alé bwɛ we fele we ma a lɛ.

1 Samuɛl 26:10

Yé David léé: Gakelebale a é yuɛma. A gyɛle a Gakelebale do kpen ɛ lee, dé azé yi ɛ bɔ yé é gaoo, dé é go guli dan lɛ yé é zamaga wooo, ’té yee lé.