1 Samuɛl 24:15 - Kazambale lé Sebe Sauunu 1979

¹⁵ Mi kyɛn ma lé Izraɛl minwiinzan zi siaa? Mi kyɛn lé bé zuo bin‐éé? Blén gale lé, gɔa lé.

1 Samuɛl 24:15 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 24:22

Wezinnu lé Zakari ti Jéojada a kɛlɛ minwiinzan blɛn Joas lɛ, a sele ’ka dɔ lɛ a gi lo, yé é a be gyɛ. Zakari a gana bléyian va, é léé: Gakelebale ’é ana yeoo ye, yé ’é we tegele kɛlɛ ma.

Lɛrɛvɔ Sɛbɛ 119:154

’I dɔ an zuo yé ’i an tabo, ’I an vo é yuɛma ilé blivolɛdére yɛrama.

Lɛrɛvɔ Sɛbɛ 35:1

David zé lé. Gakelebale, ’i an ta guli dan an mazannu va, Munu lé woo guli daan an va, ’i guli dan wo va ma.

Lɛrɛvɔ Sɛbɛ 43:1

Baleoo, Bale, ’i anlé we ble yé ’i dɔ an zuo, bɛn lé éé wenyané fé Bale lé zi ma, alé we ma. ’I an si munu lé woo dabli valé weple kɛla, wo lee.

Misé 1:2

’Kaa munu faa, ’ka tɔné dɔ. Tɛrɛ valé é tafɛnu, ’ka we ’ma ma. Mizan Gakelebale ’é kɛlɛ ka ma wefezan nya ma, Mizan lé ke élé fuakɔn ’lɛzan gi, yee lé.

Misé 7:9

Maa wenyané kɛlɛ Gakelebale ma, amalé maa dan an ’wuo dɔ lɛ alé bliflile wuo fɔɔ yé é dɔ an zuo, yé é anzé kɛlɛ néné. É dan go lɛ an nya fɛna fu na, yé maa dan alé we tegele nagini lɛ.

Weblezannu 11:27

Maa ’ka i ’namawe kɛlɛ lɛ lo, yé bé kɛlɛ naané an va zia, guli danle an va nya. Weblezan, Gakelebale, ’é kɛlɛ weblezan nya kyɔ Izraɛl lé nénu valé Amɔn lé nénu méléna ma!

1 Samuɛl 17:43

Filisiti mi lé David lɛ léé: Maa a blén nya yé i dan an va yili nyaa? Yé alé yonu yɔɔle a ma zuo

1 Samuɛl 24:12

An ti, bé nagini, ilé sɔ lɔlu lé ke an lee ’ko, bé ye. Maa ilé sɔ lɔlu bɔi, yé maa ’ka i gyɛ lɛ fɛan zo lo bɛ, bé ye yé bé gi dɔɔ léé, weple valé nwale mi ma ’ka an giébɛ nya lo, yé an ’ka wenyané kɛlɛ lɛ i lɛ lo. Yé bii, i an ma we ble, anlé tɛrɛla nyaale we ma.

1 Samuɛl 25:39

David a ’ma léé, Nabal ga yé é léé: Gakelebale lé é dɔ an zuo, sɔnɔ lé Nabal a wo an lɛ, alé we ma, yé é wenyané kɛlɛle yi ga é wuozan lee, ’wa drɔɔ vo ma. Gakelebale Nabal lé we ple nɔla ébo nwiin. David mi pa zia Abigail va alé bwɛ we fele we ma a lɛ.

1 Samuɛl 26:20

Yiba! Té an nyɛ é zana tɛrɛ bɛ la Gakelebale yara ma baa lo! Izraɛl nwiinzan zi sia gɔa ginile we gi, woo doo ginian gɔnu nwiin fɛanzo, a zo.

1 Samuɛl 26:4

yé é mimavɔɔzannu pa zia yé é a ’ma wéiin léé, Saul bɔ.