1 Samuɛl 24:11 - Kazambale lé Sebe Sauunu 1979

¹¹ Bé ye ibo yuɛ nya sin léé, Gakelebale i pa an lee kyɔ gɔmaguru gi. Wo an tunu léé, maa i gyɛ; naa, maa i vo yé maa léé, anzan a Gakelebale lé nyɔnɔzénnwiinzan nya, amalé an ’ka dan an bɛ mané lɛ a ma lo.

1 Samuɛl 24:11 ပူးပေါင်းရင်းမြစ်များ

2 Samuɛl 1:14

David lé a lɛ léé: Mɛmalé i ’ka kana lɛ i bɛ nwale ma Gakelebale lé nyɔnɔzénnwiinzan ma lo, yé bé gyɛɛ?

2 Minwiinzannu 5:13

A wuozannu bié we fele a lɛ we gi, yé wo léé: An ti, dé balelayezan we plɛplɛ fe i lɛ kɔɔn, ’té i ’kanɔ a kɛla loo? Yé dé é a fe i lɛ léé, ’i zuru yé i gi é bɔ nii? É ’ka lé i ’bɛ kɛlɛ loo?

JOB (Job) 10:16

Dé é dɔ an gi léé, maa an ’wuo nwa, i an zuo bin‐é bélé golizra zo, I an bla é ziin ilé we blɛnblɛn kɛlɛle nya,

Lɛrɛvɔ Sɛbɛ 119:161

Minwiinzannu éé nyané paan an ta é pla, Naa, gligli éé zén‐é an gi i dére saa lé we ma.

Lɛrɛvɔ Sɛbɛ 140:11

’Wo kyɛnyɛ zén wo ta ma. ’Wo wo vuli kyɛ va ma, ’Wo wo vuli gurunu lé wo ’ka bɔa bɔrale lɛ wo gi lo, wo wɔlɛ ma ma.

Lɛrɛvɔ Sɛbɛ 35:7

Wo séli vɔ an lee, ’té an ’ka we do kɛlɛ lɛ wo lɛ lo, Wo guru blɛn bo anlé tɛrɛla nyaale we ma, ’té an ’ka we do kɛlɛ lɛ lo.

Lɛrɛvɔ Sɛbɛ 59:3

’I an si wenaané kɛlɛzannu lee, ’I an si minyɛzanamunu lee.

Lɛrɛvɔ Sɛbɛ 7:5

Dé an wenaané kɛlɛ mi lé a bli ke an ma drɔɔ, a lɛ, Mi lé éé yaan an ta, ’té maa ’ka we do kɛlɛ lɛ lo, dé maa a kyeen wo,

Wegɔnévɔlenu 15:1

We zi pale dére drɔɔ nya éé bliflizan bli dɔralaan, naa, dére blɛn fele éé bliflile gi gya.

Jérémi Lé Wuvɔ Sɛbɛ 4:18

Ko nyanézannu ko pa bo, Léé, té ko bɔra kolé vuun la lo, Kozé bɔ nyaana, kolé yinu lɛ sɔɔ, Kozé nyaa.

Ézékiɛl 13:18

Bé fe léma: Mizan Gakelebale léma: Lomu lé woo ’wuoplalafɛ kɛla munu faa bɛpolu zunlafɛnu nya, ’té woo mi grɔgrɔnu valé mi kpégélénénu lé ’wuomasɔnu kɛla mi boennu siale ana we ma, we tɔntɔn ’é bɔ wo ma ma. É dɔ ka gi léé, ka anlé munu boen sian ana, ’té kabozen sié we gii?

Misé 7:2

Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

WENÉNÉ LE JAN A GYE (Évangile selon Jean) 15:25

Naa, we ’ko bɔ, dére lé é ke é gyɛle wolé bélidɔwe gi, a lɛsɔɔle we ma; é léé: Wo an za pa é pla.

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.

1 Samuɛl 18:27

Bléyinu lé wa dɔ, wo ’ka tan bɔ lɛ lo yé David valé é vamunu go yé wo Filisitinu mi wuru do gyɛ; é da wo gɔnédɔna kɔlɛ kuru nya yé é wo nɔ wo ’léé lɛ sɔɔle nya, kɛlɛle minwiinzan lu zana nya we gi. Yé Saul é lu Mikal nɔ a lɛ a na nya.

1 Samuɛl 23:14

David nyana bwi gi fɛna plɛplɛna, yé é mɔn gɔ lé ke Zif bwi la, a nwiin. Saul a a ginina yifaama, naa, Bale ’ka a pa lɛ ’bɛ lee lo.

1 Samuɛl 23:23

’Ka nagini, yé fɛ faa lé éé yɔɔan ana, ’ka wona dɔɔ, ’bɛ zuo dé ka da an va é ziin, dé ka sɔbɛlawe fe an lɛ, maa dan go lɛ ka va. Dé é a tɛrɛ ’ko la, maa dan a gini lɛ Juda lé mi baanu méléna.

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.

1 Samuɛl 26:18

Yé é lé é ziin léé: An mɛ we ɛ kɛlɛ turu anzan lɛ yé anzan é wuozan zuo bin‐éé? Mɛ we ɛ ke an nwiin?

1 Samuɛl 26:20

Yiba! Té an nyɛ é zana tɛrɛ bɛ la Gakelebale yara ma baa lo! Izraɛl nwiinzan zi sia gɔa ginile we gi, woo doo ginian gɔnu nwiin fɛanzo, a zo.

1 Samuɛl 26:23

Gakelebale é dan mi faa do do banwo lɛ a kɛlɛwe tegele valé a yarapale we la yɛrama; naa, Gakelebale i pa kyɔ an lee, yé maa ’ka a va léé, an bɛ nwa Gakelebale lé nyɔnɔzénnwiinzan ma lo.