1 Samuɛl 23:2 - Kazambale lé Sebe Sauunu 1979

² David we laa Gakelebale lee léé: ’An go yé an guli dan Filisitinu ’konu vaa? Yé Gakelebale lé a lɛ léé: ’I go, i dan Filisitinu gyɛ lɛ yé i dan Kéila munu si lɛ we gi.

1 Samuɛl 23:2 ပူးပေါင်းရင်းမြစ်များ

2 Samuɛl 2:1

’Bɛ zuo, David we laa Gakelebale lee yé é léé: ’An goo Juda lé fla do taa? Gakelebale a zi pa léé: ’I go. David léé: ’An go kyɛɛn? Yé Gakelebale léé: ’I go Ébrɔn.

2 Samuɛl 5:19

David we laa Gakelebale lee léé: Maa nwa Filisitinu maa? I dan wo pa lɛ an lee? Yé Gakelebale lé David lɛ léé: ’I nwa, naa, maa dan Filisitinu pa lɛ i lee.

2 Samuɛl 5:23

David we laa Gakelebale lee. Yé Gakelebale léé: Té i nwa wo ma wo ’lɛzia lo; ’i gié wo zuozia yé i dan bɔ lɛ wo ma muriéyilinu yara.

Minwiinzannu lé Wezuofe Sɛbɛ 14:10

David we laa Kazambale lee, yé é léé: É a lé an go guli dan Filisitinu vaa? I dan wo pa lɛ an lee? Yé Gakelebale lé a lɛ léé: ’I go, maa dan wo pa lɛ i lee.

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Jérémi 10:23

Oo Gakelebale maa a gi dɔɔ léé, A se ’ka blami lɛ léé, é ’ébo lé zi si a va lo, A se ’ka tawozan lɛ léé, é ’ébo lé tawogane drɔ lo.

Mi Nɔnɔle 27:21

É a lé é go Balebanzan Éléazaa va, yé ’bɛ é dan alé wenu laa lɛ urim lee Gakelebale ’lɛ, yé ’bɛ é dan a ma we fe lɛ, yé Jozué koo, Izraɛl munu faa koo, wo dan go lɛ Éléazaa dére ta, yé wo dan da lɛ a dére ta.

Jozué 9:14

Izraɛl munu wolé tawofɛnu si yé wo ’ka a gi laa lɛ Gakelebale lee lo.

Weblezannu 1:1

Jozué gale zuo, Izraɛl lé nénu we laa Gakelebale lee léé: Ko va mi kyɛɛn ɛ dan nwa lɛ é vinin gulidanle Kanaannu va we maa?

1 Samuɛl 10:22

Wo we zuo laa Gakelebale lee é ziin léé: Mi bɛ ana é ziin? Yé Gakelebale léé: Bé ye, é a é yɔɔle kɔnénu méléna.

1 Samuɛl 14:37

Yé Saul a laa Bale lee léé: Maa go Filisitinu zuoo? I dan wo pa lɛ Izraɛlnu lee? Naa, é ’ka a zi pa lɛ a lɛ bléyi ’ko nya lo.

1 Samuɛl 23:3

Naa, David lé munu lé é lɛ léé: Bé ye, ko kana Juda tɛrɛ la ’ko; dé ko go Kéila Filisitinu lé sunyanu ma nii?

1 Samuɛl 23:4

David we laa Gakelebale lee é ziin. Gakelebale a zi pa a lɛ léé: ’I nwa, ’i go Kéila, naa, maa Filisitinu paan i lee.

1 Samuɛl 23:6

Asimélɛk be Abiataa da vlan nya David va bléyian va, é da éfɔdi nya é lee.

1 Samuɛl 30:8

Yé David we laa Gakelebale lee léé: ’An go sunyanu palu ’ko zuoo? Maa dan a dɔ lɛ wo maa? Gakelebale lé a lɛ léé: ’I go wo zuo, naa, i dan a dɔ lɛ wo ma, yé i dan munu si lɛ wo lee.