1 Samuɛl 23:17 - Kazambale lé Sebe Sauunu 1979

¹⁷ yé é lé ’bɛ lɛ léé: Té i kana we do kpen lee lo, naa, an ti Saul bɛ ’ka dan sɔ lɛ i nya lo. I dan pla lɛ Izraɛl nwiin, yé maa dan kɛlɛ lɛ i bɛgizan nya; an ti Saul a gi dɔɔ é zima é ziin.

1 Samuɛl 23:17 ပူးပေါင်းရင်းမြစ်များ

Lɛrɛvɔ Sɛbɛ 118:6

Gakelebale éé paan an va, an ’ka kanaan we do kpen lee lo; Blaminu é bɔa mɛ ɛ kɛlɛle lɛ an lɛɛ?

Wegɔnévɔlenu 14:26

Mi lé éé kanaan Gakelebale lee, a tɛn‐agifɛ a gligli, yé alé nénu yɔɔna a a sɔnɔ.

Wegɔnévɔlenu 19:21

Mi ’wuogibɔrɔwenu a di, naa, Gakelebale zé ’wuogibɔrɔwe ɛ a lɛ sɔɔan.

Ézai 35:3

Munu lé wo bɛ ke é zanale wo ma, ’ka wo bɛ dɔ plɛplɛ; Munu lé wo powuo wɔlɛ gi nyaa wo ma, ’ka wo powuo dɔ gligli.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

Kelewenu 28:16

Ko bɔ aan wo Rom, yé wo zi nɔ Pɔl lɛ léé, yee valé é tabin sunya, ’wo nyana kɔn do gi é yɛrama.

Kelewenu 5:39

Naa, dé é si Kazambale va ka ’ka bɔa a yi gale lɛ lo. Té ka bli si kabo lɛ yé ka guli dan Kazambale va lo.

Rom munu 15:24

Dé maa a gona ana, dé an nyanale ka va lɔrɔ si an ma sɛ, an bli a a lɛ léé, ka dan go lɛ an pa lɛ ana.

Ébrunu 13:6

Bɛwemalé, kaa bɔa a fele lɛ webozen nya léé: Mizambale éé bɔa an va, an ’ka dan kana lɛ fɛ do kpen lee lo; Mɛ lé blami é bɔa a kɛlɛle lɛ an lɛɛ?

1 Samuɛl 20:31

Dé Izai be vo é yuɛma, bii valé ilé kɛlɛle minwiinzan nya se ’ka dan dɔ lɛ gligli lo. Yé sin, ’i mi pa zia a ginina, yé ’i da a nya an lɛ ’ko, naa, a ga yara lé.

1 Samuɛl 22:23

’I vo an va, té i kana we do kpen lee lo, naa, mian é ke kwa kulina léé, ’é anlé tɛrɛla nyaa, yee duo ɛ ke kwa kulina léé, ’é izé nyaa; dé i a an va, ’té i ta béli a é dɔle.

1 Samuɛl 24:19

Bé nagɔɔn kyɔ léé, i wi zin kɛla an vazia, Gakelebale an pa i lee, yé i ’ka an gyɛ lɛ lo, azama.

1 Samuɛl 24:20

Dé mi valé é nyanézan kee ’naan, é a vo tawona drɔɔ élé zi taa? We lé bé kɛlɛ an lɛ kyɔ, Gakelebale ’é i banwo a we ma ma.

1 Samuɛl 24:21

Sin, bé ye, maa a gi dɔɔ léé, i dan pla lɛ Izraɛl nwiin, yé plale Izraɛl nwiin se é dan kɛlɛ lɛ i lɛ.

1 Samuɛl 24:4

Wo bɔ ’blagɔrɔ lé é ke zi sɔnɔ, ana; yé é gɔmaguru ye ’bɛna yé é wɔra sɔ zénle é gane ta we gi. David valé élé munu a gɔmaguru wɔlɛ ma mi.

1 Samuɛl 25:30

Weboen faa lé Gakelebale a fe i lɛ, dé Gakelebale a faa lɛ sɔɔ anzan lɛ, yé é i pla Izraɛl nwiin,