1 Samuɛl 22:4 - Kazambale lé Sebe Sauunu 1979

⁴ Yé é da wo nya Moab minwiinzan va, yé wo nyana a va bléyi faa lé David a wo nya kɔn plɛplɛ gi, a bléyi va.

1 Samuɛl 22:4 ပူးပေါင်းရင်းမြစ်များ

2 Samuɛl 24:11

’Bɛ é tu kini, bléyian va lé David nwa, ’bɛ bléyi va Gakelebale é dére fe balelayezan Gad lé é ke David va fɛnayezan nya, a lɛ léé:

2 Samuɛl 8:2

É guli dan Moab munu va yé é wo yia tɛrɛ va yé é bawɔrɔ dan wo yiale ’léé ma; é bawɔrɔ nya fié munu gyɛ yé é bawɔrɔ nya do munu vo é yuɛma. Yé Moabnu pla David wuo, ’té woo gɔɔli banwoo a lɛ.

Minwiinzannu lé Wezuofe Sɛbɛ 11:16

David a guliyɔɔkɔn plɛplɛ gi, ’té Filisitinu lé sunya palu do a é nyanale Bɛtléɛm.

Minwiinzannu lé Wezuofe Sɛbɛ 12:16

Bɛnjamɛn valé Juda mi kenu é ziin, wo go David va alé fɛna plɛplɛna.

Minwiinzannu lé Wezuofe Sɛbɛ 21:9

Gakelebale we fe David lé fɛnayezan Gad lɛ léé:

Minwiinzannu lé Wezuofe Sɛbɛ 29:29

Minwiinzan blɛn David kɛlɛwenu, a vininzannu valé a voélazannu, wa é gyɛle fɛnayezan Samuɛl koo, balelayezan Natan koo, balelayezan Gad koo, wolé sɛbɛnu gi;

2 Minwiinmunu lé Wezuofe Sɛbɛ 29:25

É Lévinu dɔ Gakelebale lé kɔn gi, kɔanu koo, gitaanu koo, kɔnɔnu koo, wo nya wo lee, David koo, minwiinzan blɛn lé fɛnayezan Gad koo, balelawefezan Natan koo, wo dére yɛrama. Naa, Gakelebale lé bélidɔwe lé é a nɔ ’élé balelayezannu lɔlu nya, yee lé.

Néémi 6:11

Maa a zi pa léé: Maa? Maa yɔɔma? Yé é ziin, mi pla bélé maa zo, é bɔa wɔrale lɛ Bale lé fɛna tinle na yé é vo é yuɛmaa? Maa ’ka dan wɔra lɛ ’bɛna pelo.

Lɛrɛvɔ Sɛbɛ 11:1

Lɛrɛ lé David a vɔle gɔɔn lɛrɛvɔmunu ’lɛzan lɛ. An vɔa Gakelebale ɛ zi. É kɛlɛ ka yé ka fé an lɛ léé: ’I fwi, ’i go gɔblɛnnu nwiin bélé miané zoo?

Matio 10:23

Dé wo nyané pa ka ta fla do ta, ’ka fwi ana yé ’ka go fla bɛ la. Maa lé ka lɛ webozen nya léé, ka giéle Izraɛl lé flanu la lɛ ’ka dan sɔɔ lɛ lo, ’té maa blami Be da.

1 Samuɛl 22:3

David si ’bɛna yé é go Misipé, Moab tɛrɛ la. É lé Moab nwiinzan lɛ léé: Ilé zanté, ’i zi nɔ an ti valé an bu lɛ léé, wo nyana i va, fɔɔ yé we lé Bale é dan a kɛlɛ lɛ an lɛ yé maa a gi dɔɔ.

1 Samuɛl 22:5

Balelayezan Gad lé David lɛ léé: Té i vo kɔn plɛplɛ gi lo, ’i go, ’i go Juda tɛrɛ la. Yé David go yé é bɔ Érɛt pɔrɔ gi.