1 Samuɛl 22:17 - Kazambale lé Sebe Sauunu 1979

¹⁷ Yé minwiinzan lé vlanburumunu lé wo ke é dɔle é sɔnɔ, wo lɛ léé: ’Ka nɔla, ’ka Gakelebale banzannu gyɛ; naa, wo nana David va, wa gi dɔɔ é zima léé, é vɔ fli gi, yé wo ’ka a fe lɛ an lɛ lo. Naa, minwiinzan wuozannu ’ka a va léé, ’wo bɛ nwa Gakelebale banzannu gyɛle we gi lo.

1 Samuɛl 22:17 ပူးပေါင်းရင်းမြစ်များ

2 Samuɛl 15:1

’Bɛ zuo, Abusalɔm goro valé wisoonu ye, é valé mi yɔ fié wɔlɛ vu léé, wo vlan buruwo a ’lɛ, wo nya.

1 Minwiinzannu 1:5

Agit be Adonija blii boblɛn nya fɔɔ yé é léé: Maa ɛ dan kɛlɛ lɛ minwiinzan nya. Yé é goro valé wisootazannu ye, é valé mi yɔ fié wɔlɛ vu lé woo vlan buruwo a ’lɛ, wo nya.

1 Minwiinzannu 14:27

Roboam mibotakuunfɛnu kɛlɛ zéné nya wo pa gi, yé é wo bɛ pa vlanburuzannu nwiinzannu lé woo yuɛ paan minwiinzan lé kɔn ’léé ta, wo lee.

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

2 Minwiinzannu 10:25

É nyaa winu kyɛblele nya aan wo, Jéu lé vlanburuzannu valé sunyanu nwiinzannu lɛ léé: ’Ka wɔra, ’ka wo gyɛ, té a do kpen é bɔra lo. Yé wo wo gyɛ gwɔun nya. Vlanburuzannu valé sunyanu nwiinzannu go wo gyɛle nya yé wo bɔ Baal lé kɔn wɔlɛ ma.

Fwile 1:17

Naa, dɔtrɔlomu kana Kazambale lee yé wo ’ka Éjipiti mununwiinzan blɛn lɛdɔ lɛ a ma lo; wo nénu vo é yuɛma.

Kelewenu 4:19

Piɛri valé Jan a zi pa wo lɛ léé: É dɔ ka gi kaa? Dé ko ka dére lɛdɔmale mini Kazambale dére ta, ’bɛ a tegele Kazambale yuɛ gii?

1 Samuɛl 14:45

Munu lé Saul lɛ léé: Jonatan lé é Izraɛl si we blɛn gi ’naan, yee ɛ gaan? Monomono lo! Gakelebale a é yuɛma. Yee valé Bale we kɛlɛ ékeva kyɔ, amalé a nwin gɔ do kpen ’ka dan dia lɛ tɛrɛ va lo. ’Bɛ zo lé munu Jonatan béli yé é ’ka ga lɛ lo.

1 Samuɛl 2:31

Bé ye, bléyian nya lé maa dan i bɛ tua lɛ yé maa dan i ti lé munu bɛ tua lɛ, yé mi kwa ’ka dan kɛlɛ lɛ ka gɔnɔ la é dɛrɛ lo, ’bɛ bléyi bɔ.

1 Samuɛl 20:33

Yé Saul élé din vuli Jonatan va, a gyɛle we gi. Jonatan a gi dɔɔ léé, é a é ti gi léé, ’é David gya.

1 Samuɛl 22:13

Saul lé a lɛ léé: Mɛmalé bii valé Izai be é péli vɔ an maa? Mɛmalé i buru valé gwɔun nɔ a lɛ, yé i we laa Gakelebale lee a lɛ, a nwale an ma we gi, yé é an ma we ble fɛan zo lé é ke a kɛlɛna kyɔ, a zoo?

1 Samuɛl 22:16

Minwiinzan léé: Asimélɛk, bii valé i ti lé munu é dan ga lɛ.

1 Samuɛl 25:17

Sin, ’i gi bɔrɔ yé we lé i dan a kɛlɛ lɛ, bé gi dɔɔ ma, naa, kozan valé élé kɔn é dan sɛrɛ lɛ webozen nya. Yé é a mi naané nya fɛan zo, é ’ka dɔa mi do kpen gi léé, ’é we fe a lɛ lo.

1 Samuɛl 8:11

É léé: Mi lé é dan pla lɛ ka nwiin é dan we kɛlɛ lɛ ka lɛ ’ko zo: É dan ka benu si lɛ, yé é dan wo pla lɛ élé goronu gi valé élé wisootamunu va, wolé vlan burule alé goro ’lɛ we ma;