1 Samuɛl 20:3 - Kazambale lé Sebe Sauunu 1979

³ David lé é ziin bale ’nyɔɔnle nya léé: I ti a gi dɔɔ é zima léé, maa a mi zin nya i yuɛ gi, yé é léé, té Jonatan a gi dɔɔ lo ma; ’bɛ é dan ’na lɛ a ma. Naa, Gakelebale a é yuɛma yé i léli a é yuɛma. Gane pa do kpen ɛ ke maa valé gale méléna.

1 Samuɛl 20:3 ပူးပေါင်းရင်းမြစ်များ

2 Samuɛl 15:21

Itai lé minwiinzan lɛ léé: Gakelebale a é yuɛma yé anzan minwiinzan a é yuɛma. Fɛana lé azan minwiinzan ke, dé gawe léoo, dé vole é yuɛma we léoo, ana lé i wuozan é dan kɛlɛ lɛ.

2 Minwiinzannu 2:2

Éli lé Élizé lɛ léé: ’I vo ’ko ma, naa, Gakelebale an nwunvɔ Bétɛl. Élizé lé a lɛ léé: Gakelebale a é yuɛma yé i léli a é yuɛma. An ’ka sié i zuo lo. Yé wo go Bétɛl.

2 Minwiinzannu 2:4

Éli lé a lɛ léé: Élizé, ’i vo ’ko ma, naa, Gakelebale an nwunvɔ Jériko. É lé a lɛ léé: Gakelebale a é yuɛma yé i léli a é yuɛma. Maa ’ka sié i zuo lo. Yé wo bɔ Jériko.

2 Minwiinzannu 2:6

Éli lé a lɛ léé: ’I vo ’ko ma, naa, Gakelebale an nwunvɔ Juudɛn. É léé: Gakelebale a é yuɛma yé i léli a é yuɛma. Maa ’ka sié i zuo lo. Yé wo fiénu vo tawona.

Lɛrɛvɔ Sɛbɛ 116:3

Maa a gabale gi, Gamunu nyanana lé nyanéblele bɔ an ma, Kleblele valé nyanéblele an gyɛ,

Jérémi 38:16

Minwiinzan blɛn Sédésias bale ’nyɔɔn Jérémi lɛ kyeen gi yé é léé: Gakelebale a é yuɛma; yee ɛ vole é yuɛma nɔ ko lɛ. Maa ’ka dan i gyɛ lɛ lo yé munu lé é sɔ wo lɛ léé, wo i gyɛ, maa ’ka dan i pa lɛ wo lee lo.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Bélidɔwesɛbɛ Fiézan 28:66

Kalé tɛrɛla é dan dɔ lɛ é gane la yifaama, bélioo, yiéyioo, ’té gligli éé zén‐é ka gi, ’té ka ’ka ka bélile gi dɔɔa lo.

Bélidɔwesɛbɛ Fiézan 6:13

’Ka kana Gakelebale, kalé Bale lee, ’ka a bɔ, ’ka bale ’nyɔɔn a tɔ nya.

Ébrunu 6:16

Dé munu a yo blena, fɛ lé ke blɛn é mini wobozen ta, yee lé wa blé yo nya, yé yoblele éé wo dére kɛla sɔbɛlawe nya, yé éé zavɔle nyaan.

1 Samuɛl 1:26

Ane léé: Anzan, ’i tɔné dɔ an lɛ. I léli a é yuɛma weboen nya, le lé é dɔ i sɔnɔ yi la ’ko, ’té éé bazoroan Gakelebale lɛ bɛ, maa lé.

1 Samuɛl 17:55

Saul David ye aan wo gona Filisiti mi va, é lé sunyanu nwiinzan Abinɛɛ lɛ léé: Abinɛɛ, pɛniɛ ’ko a de be nyaa? Abinɛɛ a zi pa léé: O minwiinzan, i léli a é yuɛma weboen nya fɛan zo, maa ’ka gi dɔɔa lo.

1 Samuɛl 20:2

Jonatan a zi pa a lɛ léé: Monomono lo! I ’ka dan ga lɛ lo. Dé é a we kiéné nyaoo, dé é a we blɛn nyaoo, dé an ti ’ka tan wean ga vɔ lɛ an ta lo, é ’ka a kɛla é pla lo; é kɛlɛ kaa yé an ti we ’ko yɔɔ an maa? É ’ka a zo lo.

1 Samuɛl 20:4

Jonatan lé David lɛ léé: Dé wean sɔ i lɛ, maa dan a kɛlɛ lɛ i lɛ.

1 Samuɛl 25:26

Sin, anzan, é a webozen nya léé, Gakelebale a é yuɛma, yé i léli a é yuɛma fɛan zo, Gakelebale ɛ i bɛ kun yé é nyɛ zanale yi ga i lee. I nyanémunu, munu lé wa a va léé, wo wenaané kɛlɛ anzan lɛ, ’wo kɛlɛ Nabal zo ma.

1 Samuɛl 27:1

David lé é bli gi léé: Yi do nya maa dan zamaga wo lɛ Saul lee; dé an go an ta yɔɔ lɛ Filisitinu lé tɛrɛ la yé Saul é daan an ginile ma Izraɛl tɛrɛ faa la, ’bɛ fila vɔ; ’bɛ zo lé an dan so lɛ a lee.