1 Samuɛl 20:2 - Kazambale lé Sebe Sauunu 1979

² Jonatan a zi pa a lɛ léé: Monomono lo! I ’ka dan ga lɛ lo. Dé é a we kiéné nyaoo, dé é a we blɛn nyaoo, dé an ti ’ka tan wean ga vɔ lɛ an ta lo, é ’ka a kɛla é pla lo; é kɛlɛ kaa yé an ti we ’ko yɔɔ an maa? É ’ka a zo lo.

1 Samuɛl 20:2 ပူးပေါင်းရင်းမြစ်များ

Wepélisiananu 44:7

Yé wo lé a lɛ léé: Mɛwemale anzan we ’ko zo fe ko maa? Bale ’é dɔ ’é wuomunu zi, té wo ’bɛ zoɛ we kɛlɛ lo ma.

Lɛrɛvɔ Sɛbɛ 40:6

Gakelebale, anzé Bale, ilé we blɛnnu valé i gidanmawenu lé Woo wezin kɛla ko lɛ, i wo gi gyɛ. I zoɛ mi ’ka lo. É sɔ an lɛ léé, an ilé we ’konu faa zana dɔɔ yé maa a nwɛɛn fɛfaana, Naa, wo ’léé a kiɛre fɛan zo, an ’ka bɔa wo faa zuo fele lɛ lo.

Wegɔnévɔlenu 29:24

Mi lé yee valé kyeenwozan éé fɛ gulian, é a ébozen nyanézan nya; éé balepadére maan, yé é ’ka a fé lo.

Ézai 50:5

Mizan Gakelebale an tɔné lɛ so, Yé maa ’ka sɔn vɔ lɛ a ma lo, Maa ’ka gyɛ lɛ an zuo pelo.

WENÉNÉ LÉ LUK A GYE (Évangile selon Luc) 20:16

É dan da lɛ yé é féinwiinzannu ’konu gyɛ zamaga nya, yé é dɔrɔféi bɛ pa mi bɛnu lee. Wo ’bɛ ’ma aan wo, wo léé: Té ’bɛ é kɛlɛ lo ma.

WENÉNÉ LE JAN A GYE (Évangile selon Jean) 15:15

We lé mi a kɛla, a wuozan ’ka a dɔɔa lo, bɛwemalé maa ’ka ka laan an wuomunu é dɛrɛ lo; we faa lé maa a ’ma an Ti va, maa ka bɔn‐in kini a nya, bɛwemalé maa ka laa an béénu.

WENÉNÉ LE JAN A GYE (Évangile selon Jean) 17:8

yé dérenu lé bé pa an ’léé, maa a fe wo lɛ yé wa nyi si yé wa gi dɔɔ webozen nya léé, i va lé maa si, yé wo dɔ a ta léé, bii ɛ an pa zia.

Jozué 22:29

Nwale Gakelebale ma valé diérale Gakelebale zuo, ko gi bɔrɔle a ’bɛ ma baa; balebanna bɛ lé é ’ka Gakelebale kozé Bale zé lé ke é nyanana ’lɛ, a nya lo, a kɛlɛle balebanwi kyɛblele valé Bale banle valé saraka bole we gi, ko gi bɔrɔle a ’bɛ ma baa.

Jozué 24:16

Munu a zi pa léé: Gakelebale vole yé ko bale bɛnu bɔ, ko gi bɔrɔle a ’bɛ ma baa!

1 Samuɛl 14:45

Munu lé Saul lɛ léé: Jonatan lé é Izraɛl si we blɛn gi ’naan, yee ɛ gaan? Monomono lo! Gakelebale a é yuɛma. Yee valé Bale we kɛlɛ ékeva kyɔ, amalé a nwin gɔ do kpen ’ka dan dia lɛ tɛrɛ va lo. ’Bɛ zo lé munu Jonatan béli yé é ’ka ga lɛ lo.

1 Samuɛl 20:1

David fwi Najɔt, Rama sɔnɔ. É go Jonatan va, yé é léé: Mɛ lé maa kɛlɛɛ? Anlé weple a kaa? Anlé wenyané a kaa i ti yuɛ gi, yé é a a va léé, é anlé tɛrɛla nyaa?

1 Samuɛl 20:12

Jonatan lé David lɛ léé: Gakelebale, Izraɛl lé Bale a anlé wenayezan nya. An dan an ti gi dan lɛ tɛlɛ. Dé ’bɛ kaan lo, tɛlama. Dé é kɛlɛ léé, a bli a é zima David vazia, dé maa ’ka mi pa lɛ zia a zuo fena i lɛ lo,

1 Samuɛl 20:3

David lé é ziin bale ’nyɔɔnle nya léé: I ti a gi dɔɔ é zima léé, maa a mi zin nya i yuɛ gi, yé é léé, té Jonatan a gi dɔɔ lo ma; ’bɛ é dan ’na lɛ a ma. Naa, Gakelebale a é yuɛma yé i léli a é yuɛma. Gane pa do kpen ɛ ke maa valé gale méléna.

1 Samuɛl 9:15

Naa, Saul dale ’lɛ yi do Gakelebale we fe Samuɛl lɛ yé é léé: