1 Samuɛl 2:8 - Kazambale lé Sebe Sauunu 1979

⁸ Éé nyanégyɛzan sié vun va, Éé lee korozan sié bli la, Wo nyanale mi blɛnnu va we gi, Éé nyanana zima no wo lɛ wozé nya. Naa, tɛrɛ lé wɛyili a Gakelebale lee, Yé wo ta lé é tɛrɛ dɔra.

1 Samuɛl 2:8 ပူးပေါင်းရင်းမြစ်များ

Wepélisiananu 41:14

Faraɔn mi nwunvɔ Jozɛfu laana. Wa bɔra bokɔn gi fiéfié. É puoma gun bo, élé sɔ tavɔɔ yé é go Faraɔn va.

Wepélisiananu 41:40

Maa i dɔ kyɔ anlé kɔngimunu nwiin, yé anlé munu faa é dan i lɛdɔ lɛ a ma wenu faa lé bé fé wo lɛ, a ma. Maa ɛ ke minwiinzan blɛn nya; dé maa kaan lo, mi bɛ ’ka mini lɛ i lɛ lo.

2 Samuɛl 7:8

Sin, bé fe an wuozan David lɛ léma: Lai sunyanu lé Gakelebale léma: Maa i si bwi gi, ’blanu zuo, i kɛlɛle anlé munu Izraɛl nwiinzan nya we gi;

1 Minwiinzannu 16:2

Maa i nwa vun va, yé maa i dɔ anlé munu Izraɛl nwiinzan nya; naa, i tawo Jéroboam lé tawobɛ zo, yé i anlé munu Izraɛl kɛlɛ wenyané kɛlɛzannu nya, yé wolé wenyané an bli fli, bɛwemalé

2 Minwiinzannu 9:6

Jéu nwa yé é wɔra kɔn gi, yé pɛniɛ nyɔnɔ zén a nwiin, yé é lé a lɛ léé: Gakelebale, Izraɛl lé Bale léma: Maa nyɔnɔ zén i nwiin i kɛlɛle Gakelebale lé munu Izraɛl nwiinzan blɛn nya we gi.

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

JOB (Job) 2:8

Yé Job bɔple sia, ’té éé ma kɔɔn‐an a nya yé é nyana kyɛyee va.

Lɛrɛvɔ Sɛbɛ 102:25

Maa léé: Anzé Bale, bii lé i yi ’léé ’ka lo, Té i an yinu bɔi a ta lo.

Lɛrɛvɔ Sɛbɛ 104:5

É tɛrɛ gane vɔ gligli, A ma ’ka dan nyɔɔn lɛ pelo.

Lɛrɛvɔ Sɛbɛ 107:41

Naa, éé nyanégyɛzannu sié wolé nyané gi, Yé éé wo gɔnɔlamunu kɛla kiɛre bélé trubɛnu zo.

Lɛrɛvɔ Sɛbɛ 24:2

Naa, é a gane vɔ wɛyi va, Yé é a dɔ gligli yuunu va.

Lɛrɛvɔ Sɛbɛ 75:3

Bale léé: Yi lé maa a dɔ, dé a yi bɔ Maa dan we ble lɛ tegele.

Lɛrɛvɔ Sɛbɛ 75:4

Tɛrɛ ma ’éé nyɔɔnma, yee valé é tafɛnu faa nya; Maa, an dan alé wɛyilinu dɔ lɛ gligli. Ka ye do.

Lɛrɛvɔ Sɛbɛ 75:7

Naa, mi kɛlɛle blɛn ’ka sié, dé yirinwanazia léé? dé yirivɔnazia léé? Dé nyéné saa lé fɛna léé? wona lo.

Bale Lé We Gifezan 4:14

dé é si bokɔn gioo, dé wa yaa nyanégyɛzan nya élé tɛrɛ laoo, é bɔalɛ é pla munu nwiin.

Ézai 22:23

Maa dan a dɔ lɛ gligli bélé pɔnté lé laso kua a ma, a zo. É dan kɛlɛ lɛ é ti lé kɔngimunu tɔbɔmafɛ nya.

Daniɛl 2:48

’Bɛ zuo minwiinzan blɛn Daniɛl kɛlɛ blɛn, yé é blɛ wezan kiɛre kɛlɛ a lɛ. É a dɔ Babilɔn tɛrɛ faa nwiinzan nya, yé é a kɛlɛ Babilɔn wedɔɔzannu faa nwiinzan nya.

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 6:3

Lélibozen ɛ ke Daniɛl gi, amalé a tɔ mini minwiinzannu valé minisinu zé ta. Yé é dɔ minwiinzan blɛn gi léé, ’é Daniɛl plaan tɛrɛ faa nwiin.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.

1 Samuɛl 15:17

Samuɛl léé: Bléyian va lé i ke kiéné ibo yuɛ gi, i ’ka kinin lɛ Izraɛl bɛnnu nwiinzan nya loo? Gakelebale ’ka nyɔnɔ zén lɛ i nwiin i kɛlɛle Izraɛl nwiinzan nya we gi loo?