1 Samuɛl 2:35 - Kazambale lé Sebe Sauunu 1979

³⁵ Yarapawelazan lé é dan we kɛlɛ lɛ an bli valé an boen yɛrama, maa dan a dɔ lɛ Balebanzan nya; maa dan alé kɔn ’léé drɔɔ vo lɛ, yé é dan tawo lɛ yifaama anlé nyɔnɔzénnwiinzan yara.

1 Samuɛl 2:35 ပူးပေါင်းရင်းမြစ်များ

2 Samuɛl 7:11

bélé bléyian va lé maa anlé munu Izraɛl taweblezannu dɔ ’bɛ bléyi zo lo. Maa flinle nɔ i lɛ, i sile i nyanémunu lee nya. Yé Gakelebale lé i lɛ léé, ’é dan i fan lɛ.

2 Samuɛl 7:27

Lai sunyanu lé Gakelebale, Izraɛl lé Bale, biibozen ɛ a nagɔɔn i wuozan lɛ, a fele nya léé, ’é dan i fan lɛ. Bɛwemalé i wuozan bli ta dɔ plɛplɛ ba ’ko zorole i lɛ we ma.

1 Minwiinzannu 1:45

Balebanzan Sadɔk valé balelayezan Natan nyɔnɔ zén a nwiin Giɔn, a kɛlɛle minwiinzan nya we ma. Wo si ’bɛna yé wo da é ziin wobo nɔle nya gi nanale lɛ, yé fla bɔ gyɛ; vun wele lé bé ’ma bɛ, a gi lé ke bɛ.

1 Minwiinzannu 1:8

Naa, Balebanzan Sadɔk koo, Jéojada be Bénaja koo, balelayezan Natan koo, Siméi koo, Réi koo, David lé nyanazannu koo, wo ’ka Adonija va lo.

1 Minwiinzannu 11:38

Dé i an dére lɛdɔma, dé i anlé zinu ta tawo, we lé ke é drɔle an yuɛ gi, dé i ’bɛ kɛlɛ anlé bélidɔwe ta tawole valé an sɔnné pale nya, an wuozan David a kɛlɛ fɛan zo, a zo, maa dan kɛlɛ lɛ i va, yé maa dan ilé kɔn dɔ lɛ gligli, maa David zé dɔ fɛan zo, a zo, yé maa dan Izraɛl nɔ lɛ i lɛ.

1 Minwiinzannu 2:35

Minwiinzan blɛn Jéojada be Bénaja dɔ sunyanu faa nwiinzan nya Joab pa gi, yé é Balebanzan Sadɔk dɔ Abiataa pa gi.

Minwiinzannu lé Wezuofe Sɛbɛ 29:22

’Bɛ yi la wo fɛ ble yé wo fɛ mini Gakelebale ’lɛ gi nanale blɛn nya; wo David be Salomɔn dɔ ’wo nwiinzan blɛn nya a gɔnɔ fiézan nya, yé wo nyɔnɔ zén a nwiin Gakelebale ’lɛ a kɛlɛle minwiinzan nya we ma, yé wo nyɔnɔ zén Sadɔk nwiin léé, ’é kɛlɛ Balebanzan nya.

Lɛrɛvɔ Sɛbɛ 18:50

Bɛwemalé, Gakelebale, an dan i tɔ zin fe lɛ bɛnnu méléna, Yé an dan lɛrɛ vɔ lɛ i tɔ kɛlɛle blɛn we ma.

Lɛrɛvɔ Sɛbɛ 2:2

Mɛmalé tɛrɛ la minwiinzan blɛnnu éé nwaan ’Té mi blɛnnu woo péli vɔa wo va do Gakelebale valé élé nyɔnɔzénnwiinzan maa?

Fwile 1:21

Dɔtrɔlomu kana Kazambale lee, amalé Kazambale wolé kɔn gi munu drɔɔ vo.

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

Mi Nɔnɔle 25:13

É dan kɛlɛ lɛ gipawe lé a glɛ ’ka lo, a nya, yee valé é kulunu zé nya lɛɛfaama. É ’élé Bale lɛi maawo, azama, yé é Izraɛlnu lé wenyané ’yibo.

Ébrunu 2:17

Bɛwemalé é a lé é kɛlɛ é zuanénu zo we faa gi, léé, ’é kɛlɛ Balebanmunu ’lɛzan lé a nyanai éé zén‐é ’té éé yara paan we la, a nya Kazambale lé nyanama gi, munu lé wenyanénu ’yibole we ma.

1 Samuɛl 10:10

Wo bɔ Gibéa aan wo, wo kee balelayezannu palu do nya. Bale Léli a kun yé é balelawe fe wo va.

1 Samuɛl 10:9

Yé dé Saul é nwun zi dɔ Samuɛl ta yé wo kini ékema tɔɔn, Bale bli dɛrɛ nɔ a lɛ, yé tɔmasenu ’ko, wo faa lɛ sɔɔ yee yi duo nya.

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.

1 Samuɛl 16:13

Wibéli lé nyɔnɔ ke a gi, Samuɛl a si, yé é nyɔnɔ zén a nwiin a bwenu yuɛ va. É sia yi ’ko ma, Gakelebale Léli éé David kunwo yifaama. Samuɛl nwa yé é go Rama.

1 Samuɛl 2:36

Yé dé i gɔnɔlazan‐oo zan‐an vo, é dan dia lɛ é yara a ’lɛ, gɔɔli wɔlɛ do valé buru kuru do yele we ma, yé é dan a fe lɛ léé: ’I Bale lé nyanama kiéné nɔ an lɛ, maa a pa, fɛblele kiéné yele we gi.

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.

1 Samuɛl 3:1

Samuɛl kiéné a Gakelebale lé nyanama pana Éli va. ’Bɛ bléyi va ’té Gakelebale ’ka we fé mi lɛ fiéfié lo, ’té woo yuɛzi we yé do do.

1 Samuɛl 7:9

Samuɛl nyɔ ma ’blané si yé é a kyɛ ble Gakelebale lɛ é ta lé é kɔn‐an. É siaa Gakelebale lɛ Izraɛl lé we ma, yé Gakelebale a ’ma.

1 Samuɛl 8:3

Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.

1 Samuɛl 9:12

Wa zi pa wo lɛ léé: Iin, é a i ’lɛ miɛ, ’ka go fiéfié, naa, munu a saraka bona balebanna loru na, amalé é da kyɔ.

1 Samuɛl 9:13

Dé ka bɔ fla, ka dan a ye lɛ faa yé é go balebanna loru fɛblele we gi; é a lé é saraka drɔɔ vo, amalé dé é ’ka tan da lɛ lo, munu ’ka dan fɛ ble lɛ lo; dé é a drɔɔ vo faa, ’bɛ zuo yé munu lé wo wo laa, wo dan fɛ ble lɛ. Amalé ’ka go, ka dan a ye lɛ laoɛ.