1 Samuɛl 2:3 - Kazambale lé Sebe Sauunu 1979

³ Té ka we blɛnblɛn fe é dɛrɛ lo; Té boblɛn dére é si ka ’léé é dɛrɛ lo; Naa, Gakelebale a Bale lé é we faa dɔɔ, a nya, Yé éé mi kɛlɛwenu faa va ginian.

1 Samuɛl 2:3 ပူးပေါင်းရင်းမြစ်များ

1 Minwiinzannu 8:39

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu faa gibli dɔɔ,

JOB (Job) 31:6

Bale ’é an dan kilo tegele ta ma, Yé é dan a ye lɛ léé, gun ’ka anlé tawobɛ ma lo.

Lɛrɛvɔ Sɛbɛ 147:5

Kozan a blɛn, é a plɛplɛfaazan nya, Alé gikinile glɛ ’ka lo.

Lɛrɛvɔ Sɛbɛ 17:10

Woo ginyané kɛla munu lɛ, We blɛnblɛnnu fele a wo ’léé,

Lɛrɛvɔ Sɛbɛ 31:18

Gakelebale, dé maa i tɔ laa té yara an gyɛ lo. Yara ’é mi nyanénu gyɛ ma, ’Wo zun mi galenu nyanana ’wo lɔlu lɛ tanle nya ma.

Lɛrɛvɔ Sɛbɛ 44:21

Dé é a kɔɔn léé, ko gi san kolé Bale tɔ ma, Yé ko ko bɛ soi bɛn bɛnu lé bale vazia,

Lɛrɛvɔ Sɛbɛ 75:5

Munu lé woo wobo ze vɔa, maa lé wo lɛ léé, té ka kabo ze vɔ lo. Yé maa lé mi nyanénu lɛ léé, té ka ’wuo nwa lo.

Lɛrɛvɔ Sɛbɛ 94:4

Woo za vɔa, woo we fé dére blɛnblɛn nya; Munu faa lé woo wenaané kɛla, woo wobo ze vɔa.

Wegɔnévɔlenu 16:2

Mi lé tawobɛ faa a wéiin ébo yuɛ gi, naa, mi lé éé mi bligiwenu daan ékema, Gakelebale lé.

Wegɔnévɔlenu 24:12

Dé bé fe léé: Aa! ko ’ka gi dɔɔ lɛ lo baa? Mi lé éé mi gi bli daan ékema, é ’ka a yé loo? Mi lé éé i boen tabin‐é, é ’ka a gi dɔɔa loo? É ’ka dan mi faa do do banwo lɛ wo kɛlɛwe yɛrama loo?

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Ézai 26:7

We drɔle a mi tegele lé zi nya; Bii lé i ke tegele, i mi tegele lé zi ta bɔa ékema.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Ézékiɛl 35:13

Kalé wefedérenu nya lé ka nwa an ma; ka dérenu fe an ma kiɛre, maa a ’ma.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Daniɛl 5:27

Tékɛl, ’bɛ gi léé, wo i dan kilo la, yé wa ye léé, i bɛn ’ka lo.

Malasi 3:13

Gakelebale léé: Ka a dére nyané fena an ma. Yé ka léé: Ko mɛ we ɛ fe i ma dére nyané nyaa?

Ébrunu 4:12

Naa, Kazambale dére a é yuɛma, yé a ’lɛ a, yé a ’lɛ mini gwɔun‐o gwɔun‐an a ’léé ke fié, a ta, yé éé wɔraan fɔɔ yé éé mi boen valé é léli kini‐é ékema, yé éé mi wɔlɛ vɔna é ke ’léénu valé mi zununu kinié ékema yé éé migiblinu lé we valé mi bɔn‐in bɔrɔlenu lé we va sié.

Jozué 22:22

Bale, Bale, Gakelebale, Bale, Bale, Gakelebale a gi dɔɔ, yé Izraɛl é dan a gi dɔɔ lɛ. Dé ko kɛlɛ nwale nya Gakelebale ma we gi, dé ko kɛlɛ tɔnégiplɛplɛ we nya Gakelebale ma, té é da bɔ ko va yi ’ko nya lo.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Weblezannu 9:38

Zébul a zi pa a lɛ léé: Biian bé fe léé, Abimélɛk a de nya yé ko plaan a wuoo? I lɔlu a sin kyɛɛn? Munu lé i serele bo wo ma, woan wo dan bɛ loo? ’I tawo sin, ’i guli dan a va!

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.