1 Samuɛl 2:10 - Kazambale lé Sebe Sauunu 1979

¹⁰ Gakelebale nyanézannu ma é dan nyɔɔn lɛ; Lagiloru baabaana lé é dan élé zagele zun lɛ wo ta. Gakelebale é dan tɛrɛlamunu faa lé we ble lɛ. É dan plɛplɛ nɔ lɛ élé minwiinzan lɛ, Yé é dan élé Nyɔnɔzénnwiinzan lé plɛplɛ lɛ si lɛ.

1 Samuɛl 2:10 ပူးပေါင်းရင်းမြစ်များ

2 Samuɛl 22:14

Gakelebale we la gi bélé zagele banle zo; Lailoruzan dére zuoi éé goo wele nya;

2 Samuɛl 7:13

Yee ɛ dan kɔn dɔ lɛ an tɔ nya yé maa dan alé plale mi nwiin lé webleblin dɔ lɛ gligli.

2 Samuɛl 7:8

Sin, bé fe an wuozan David lɛ léma: Lai sunyanu lé Gakelebale léma: Maa i si bwi gi, ’blanu zuo, i kɛlɛle anlé munu Izraɛl nwiinzan nya we gi;

JOB (Job) 40:9

Dé bé kɛlɛ Maa dan i bɛ plɛplɛ tɔ bɔ lɛ.

Lɛrɛvɔ Sɛbɛ 132:17

Ana lé maa dan David lé plɛplɛ nwa lɛ, Anlé mi lé, an nyɔnɔ zén a nwiin, maa dan kyɛbɔ ma’lɛrɛ lɛ a lɛ.

Lɛrɛvɔ Sɛbɛ 148:14

É élé munu dɔ plɛplɛ; Alé yarapawelazannu faa a tɔ zin fé, Izraɛl munu lé wo ke a sɔnɔ, wa tɔ zin fé. ’Ka Gakelebale tɔ zin fe.

Lɛrɛvɔ Sɛbɛ 2:2

Mɛmalé tɛrɛ la minwiinzan blɛnnu éé nwaan ’Té mi blɛnnu woo péli vɔa wo va do Gakelebale valé élé nyɔnɔzénnwiinzan maa?

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 2:9

I dan wo ’wii lɛ ilé plaminwiin foliɛwɔlɛ nya. I dan wo ’wii lɛ bélé bɔdɔzan lé bɔ ’wiile zo.

Lɛrɛvɔ Sɛbɛ 20:6

Ilé ko sile we gi ma lé, ko gi é dan nana lɛ; Ko dan kolé drapo nwa lɛ kolé Bale tɔ nya; Gakelebale é dan ilé balekundére faa nyi si lɛ.

Lɛrɛvɔ Sɛbɛ 20:7

Maa a gi dɔɔ é kwakwa léé, Gakelebale éé nyɔnɔzénnwiinzan sié we gi; É dan alé bazorodére nyi si lɛ é nyanana sauunna la gi, É dan bɔ lɛ a va é bɛyi plɛplɛ nya.

Lɛrɛvɔ Sɛbɛ 21:1

Lɛrɛ lé David a vɔle gɔɔn lɛrɛvɔmunu ’lɛzan lɛ.

Lɛrɛvɔ Sɛbɛ 28:8

Gakelebale a élé munu lé plɛplɛ nya, Mi lé wo nyɔnɔ zén a nwiin, é a ’bɛ Siéwegi gɔlɛgɔ nya.

Lɛrɛvɔ Sɛbɛ 45:7

Baleoo, Bale, wo ’ka dan ilé webleblin si lɛ i lee monomono lo; Ilé pla mi nwiin soowolivwii a we tegele vwii nya.

Lɛrɛvɔ Sɛbɛ 89:17

Wo gi éé nanaan bléyi faa ma i tɔ lé we ma, Yé wobo tɔ bɔa ilé we tegele gi,

Lɛrɛvɔ Sɛbɛ 89:24

Maa dan a mazannu ’wii lɛ a ’lɛ, Yé munu lé a za ke wo gi, an dan wo bla lɛ.

Lɛrɛvɔ Sɛbɛ 89:25

An dan an yara pa lɛ alé we ta, yé an dan zin kɛlɛ lɛ a lɛ, Yé alé plɛplɛ é dan nwa lɛ an tɔ gi.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Fwile 15:6

Oo, Gakelebale, i bɛyibɛ ilé plɛplɛ nagɔɔn; Oo, Gakelebale, i bɛyibɛ ko nyanézan ’wii.

Bale Lé We Gifezan 12:14

An be, we lé é vo, we konu ’wo we paa i gi ma; sɛbɛpanu kɛlɛle ’ka nyaan lo, yé wedraanle a mi wɔlɛginyaawe nya.

Ézai 29:6

Lai sunyanu lé Gakelebale é dan da lɛ ka va, ’té zagelenu éé baan, ’té tɛrɛ ma éé nyɔɔn‐an yé ’té vun blɛn éé wé, ’té barikoko valé fu blɛnblɛn éé giéan, ’té kyɛnɛnɛ éé fɛnu blé.

Ézai 32:1

’Bɛ bléyi nya, munu nwiinzan é dan pla lɛ munu nwiin we tegele nya yé wolé mi segelenu é dan pla lɛ wo nwiin wedrɔle kɛlɛle nya.

Ézai 45:24

Wo dan a fe lɛ an lɛ léé: Gakelebale do kpen gi lé wetegele valé plɛplɛ ke; Munu faa lé wo bli fli a ma, Wo dan da lɛ a va, wo gi blinle wo ma we gi.

Ézékiɛl 29:21

’Bɛ yi la, maa dan plɛplɛ nɔ lɛ Izraɛl munu lɛ yé maa dan i ’léé lɛ so lɛ wo méléna, yé wo dan a gi dɔɔ lɛ léé, maa ɛ ke Gakelebale nya.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

WENÉNÉ LÉ LUK A GYE (Évangile selon Luc) 1:69

É ko siéwegizan plɛplɛ nwa é wuozan David gɔnɔ gi,

WENÉNÉ LÉ LUK A GYE (Évangile selon Luc) 19:27

Naa, an nyanézannu lé an plale wo nwiin ’ka sɔ lɛ wo lɛ lo, ’ka da wo nya ’ko, yé ’ka wo bɔrɔ bo an yuɛ va.

Kelewenu 10:38

Kazambale Léli Sauun valé plɛplɛ zén Nazarɛtzan Jézu ta fɛan zo, ka ’bɛ gi dɔɔ. Kazambale a Jézu va, amalé é gié flanu ta wezin kɛlɛle valé munu lé wo ke é plale yonufaatagɔné wuo, wo faa bélile nya.

Kelewenu 4:27

Wezen lé, Érɔd koo, Pɔns Pilat koo, bɛnnu koo, Izraɛl munu koo, wo faa ’wo péli vɔ do fla ’ko la i wuozan sauun Jézu ma, ’té bii nyɔnɔ zén a nwiin bɛ, a ma,

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Weblezannu 5:31

Oo Gakelebale, ’ko zo lé i nyanézannu faa ’é zamaga wo ma. Munu lé woo i lɔrɔ paan, wa bélé yiri zo, ’Té dé é bi élé plɛplɛ faa nya. Tɛrɛ vo drɔɔ lɛɛ yɔ fié wuo.

1 Samuɛl 12:13

Amalé ka nwiinzan lé ka a si a va, ka nwiinzan lé ka a ma laa, yee lo; ka ye, Gakelebale ka nwiinzan dɔ.

1 Samuɛl 12:17

Buruwɔlɛ gyɛbléyian ke ’ko loo? Maa dan Gakelebale laa lɛ yé é dan zagelenu ban lɛ yé é lɛɛ pa zia, kalé a gi dɔɔle we gi léé, ka wenyané kɛlɛ Gakelebale ma ka nwiinzan ma laale nya.

1 Samuɛl 12:18

Samuɛl Gakelebale laa, yé Gakelebale zagelenu ban yé é lɛɛ pa zia ’bɛ yi duo nya. Munu faa kana Gakelebale valé Samuɛl lee é baba.

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.

1 Samuɛl 15:28

Samuɛl lé a lɛ léé: Gakelebale i kɛlɛle Izraɛl nwiinzan nya se si i lee kyɔ yé é a nɔ mi bɛ lé ’bɛ ke é zima é mini bii ta, a lɛ.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 7:10

Samuɛl a wi kyɛ blena bléyian va, Filisitinu bié ’wiile Izraɛlnu ta we gi. Gakelebale élé zagele plɛplɛ ban Filisitinu ta yé é wo fwila. Izraɛlnu bɛ mini wo lɛ.