1 Samuɛl 19:5 - Kazambale lé Sebe Sauunu 1979

⁵ é bli si é ga lɛ, é Filisiti mi gyɛ yé Gakelebale Izraɛl faa si we blɛn gi. Bé ye, yé i gi nana a we ma. Mɛmalé i dan wenyané kɛlɛ lɛ mi zin lɛ yé i David gyɛ é boaa?

1 Samuɛl 19:5 ပူးပေါင်းရင်းမြစ်များ

2 Samuɛl 23:10

É nwa yé é Filisitinu gyɛ fɔɔ a bɛ wɔlɛi nyaa a ma yé a bɛ kua gwɔun ma. Gakelebale wo si we blɛn gi ’bɛ yi la. Munu da Éléazaa zuo gulizarafɛnu si lɛ é pla.

Minwiinzannu lé Wezuofe Sɛbɛ 11:14

Wo dɔ yee féi méléna, yé wa takuun, yé wo Filisitinu gyɛ. Yé Gakelebale wo si we blɛɛn gi.

Minwiinzannu lé Wezuofe Sɛbɛ 11:18

Yé mi yaa ’ko gié Filisitinu lé sɔkɔnnu méléna, yé wo ’yi tɔ ’yiguru lé ke Bɛtléɛm fla zi gɔrɔ ’léé, a gi. Wo da a nya yé wa nɔ David lɛ, naa, David ’ka a nyi si lɛ léé, é a mini lo, amalé é a zana Gakelebale ’lɛ.

Lɛrɛvɔ Sɛbɛ 109:5

Wo anlé wezin lɛ gi paan wenaané nya, Wo sɔ an lɛ, ’té woo an za paan.

Lɛrɛvɔ Sɛbɛ 119:109

Maa a yifaama é bɔrale ga lɛ, Naa, an gi ’ka saan ilé bélidɔwe ma lo.

Lɛrɛvɔ Sɛbɛ 25:3

Munu faa lé wo bli ke i lɛ, wo fuu ’ka dan si lɛ wo ta lo. Munu lé wo yuɛ gi éé blaan é boa Wo ɛ fuu é dan si lɛ wo ta.

Lɛrɛvɔ Sɛbɛ 69:4

An lagi éé kinié siaale nya, an bɔrɔ gi éé gaan, An yuɛ pɛ ga a gi anlé Bale lɛbɛnle saa nya.

Lɛrɛvɔ Sɛbɛ 94:21

Woo zén‐é ékeva mi tegele lé tɛrɛla ma, Yé woo weanwiinlozan gya we nya.

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Jérémi 26:15

Naa, é a lé ka gi dɔɔ léé, dé ka an gyɛ, ’té ka weanwiinlozan gyɛwe dɔ kabo nwiin; ka koo, fla ’ko valé a tamunu koo, ka an gyɛwe dɔ ka nwiin. Naa, webozen lé, Gakelebale an pa ka lɛ zia dére ’konu faa fele ka lɛ we ma, azama.

Matio 27:24

Pilat a ye aan wo léé, wo ’ka ’é dére nyi sina lo, yé wele wooo gi gyɛ, é ’yi si yé é bɛ ma foli mi gu yuɛ va yé é léma: Mi tegele ’ko, an bɛ ’ka ’bɛ nyɛ wuo lo. Kalé we ’bɛ.

Matio 27:4

yé é léé: An wenyané kɛlɛ we?-?anwiinlozan pale nya ka lee. Wo lé a lɛ léé: ’Bɛ é mɛ ɛ kɛla ko lɛɛ? Ilé we bɛ.

WENÉNÉ LE JAN A GYE (Évangile selon Jean) 15:25

Naa, we ’ko bɔ, dére lé é ke é gyɛle wolé bélidɔwe gi, a lɛsɔɔle we ma; é léé: Wo an za pa é pla.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Filip munu 2:30

Naa, Krist lé nyanama lé we ma lé é vo sɛ yé é ga. Dé é kɛlɛ léé, ka ana, an mawenu lé kanɔ a kɛla, é bli si élé tɛrɛla lɛ, yé é wo kɛlɛ.

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Weblezannu 12:3

Maa ye léé, ka ’ka dana bɔna an va lo, an bli si an gale lɛ yé an go guli dan lɛ Amɔn benu va. Gakelebale wo pa an lee. Mɛwemalé kyɔ ka nwa an ma guli danle an va we maa?

Weblezannu 9:17

Naa, an ti ka ta guli dan, é bli si é gale lɛ, yé é ka si Madiannu lee;

1 Samuɛl 11:13

Naa, Saul léé: Wo ’ka dan mi do kpen gyɛ lɛ kyɔ lo, Gakelebale Izraɛl si we gi kyɔ, azama.

1 Samuɛl 14:45

Munu lé Saul lɛ léé: Jonatan lé é Izraɛl si we blɛn gi ’naan, yee ɛ gaan? Monomono lo! Gakelebale a é yuɛma. Yee valé Bale we kɛlɛ ékeva kyɔ, amalé a nwin gɔ do kpen ’ka dan dia lɛ tɛrɛ va lo. ’Bɛ zo lé munu Jonatan béli yé é ’ka ga lɛ lo.

1 Samuɛl 19:6

Saul Jonatan dére ’ma yé é Bale ’nyɔɔn a fele nya léé: Gakelebale a é yuɛma. David ’ka dan ga lɛ lo.

1 Samuɛl 20:32

Jonatan a zi pa é ti Saul lɛ léé: Mɛmalé wa gyaa? Mɛ lé é a kɛlɛɛ?

1 Samuɛl 22:14

Asimélɛk lé minwiinzan lɛ léé: Tɔnégidrɔɔzan David, minwiinzan lu zana, ’té éé tawoo ilé bélidɔwe ta, yé wa lɛdɔma ilé kɔn gi, i wuozannu va mi kyɛn ɛ ke a bɔmazan nyaa?

1 Samuɛl 28:21

Lezan bié Saul sɔnɔ yé é a ye léé, kana zén a gi é baba yé é lé a lɛ léé: Bé ye, i wuole é tɔné dɔ i lɛ; an bli si an ga lɛ, dérenu lé bé fe an lɛ, an tɔné dɔle nya wo lɛ.