1 Samuɛl 18:12 - Kazambale lé Sebe Sauunu 1979

¹² Gakelebale a David va yé é si Saul va, amalé Saul kana David lee.

1 Samuɛl 18:12 ပူးပေါင်းရင်းမြစ်များ

2 Samuɛl 5:10

David kɛlɛle blɛn gi go gyɛle nya, ’té Gakelebale, lai sunyanu lé Bale a a va.

2 Minwiinmunu lé Wezuofe Sɛbɛ 17:3

Gakelebale a Jozafat va. Éé tawoo é tra David kɛlɛwe vininzannu yɛrama, é ’ka Baalnu nagini lɛ lo, azama.

Lɛrɛvɔ Sɛbɛ 51:11

’I anlé wenyanénu si ana, ’I anlé weplenu faa fwi.

Lɛrɛvɔ Sɛbɛ 53:5

Munu lé woo weple kɛla, dé wedɔɔle saan wo gii? É sɔ wo lɛ léé, wo anlé munu ble bélé fɛblele zo; Wo ’ka Bale tɔ laan pelo.

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

WENÉNÉ LÉ LUK A GYE (Évangile selon Luc) 8:37

Kana blɛn zén Jérazé tɛrɛlamunu faa gi, amalé wo faa lé Jézu lɛ léé: ’I go, té i vo ko va ’ko lo. Jézu vɔ ’yitagoro gi yé é nɔla é pa gi.

Kelewenu 24:25

Naa, we tegele koo, mi lé ébo kunle we faa gi koo, we lé Bale é dan a ble lɛ munu va koo, Pɔl vo wo fena a lɛ. Kana zén Félis gi yé é léé: ’I go é bléyi. Dé maa bléyi do ye yé maa dan i laa lɛ.

Kelewenu 7:9

Guniwuonu Jozɛfu ma maawo yé wa dan yé mi lé ’bɛ a lɔ, ’bɛ go a nya Éjipiti tɛrɛ la.

Weblezannu 1:19

Gakelebale a Judanu va; yé wo gɔ si, naa, wo ’ka bɔ lɛ fɛna pɛblɛɛna munu binle lɛ lo, ’bɛnu lé foliɛwɔlɛ goronu a, ’bɛzama.

Weblezannu 16:20

Yé é léé: Samsɔn, Filisitinu baa i ta! Yé é vuo yé é léé: Maa dan bɔra lɛ bélé é vinin zo, yé maa dan so lɛ wo lee. É ’ka a gi dɔɔ lɛ léé, Gakelebale si é va lo.

1 Samuɛl 16:18

A wuomunu va mi do léé: Bé ye, maa Bɛtléɛm mi Izai be do ye, yé é kɔnɔ gyɛle dɔɔ; é a mi plɛplɛ nya é ziin, nyanazan nya, gulidanzan nya, éé we fé é zima yé a yara a nɔnɔmi yé Gakelebale a a va.

1 Samuɛl 16:4

We lé Gakelebale a fe Samuɛl lɛ é a kɛlɛ yé é go Bɛtléɛm. Fla mi segelenu da a va kana nya wo gi yé wo léé: I da ginanawe ɛ fe lɛɛ?

1 Samuɛl 18:15

Saul a ye léé, we faa nyian é wo a ma yifaama yé é kana a lee;

1 Samuɛl 18:20

David sɔ Saul lu Mikal lɛ. Wa zuo fe Saul lɛ yé é sɔ a lɛ.

1 Samuɛl 18:29

Saul lé kanale David lee gi go gyɛle nya, yé é kɛlɛ a nyanézan nya élé tɛrɛla faa gi.

1 Samuɛl 20:13

Gakelebale ’é we kɛlɛ Jonatan lɛ élé plɛplɛ faa nya ma! Dé é dɔ an ti gi léé, ’é wenyané kɛla i lɛ, maa dan ’bɛ zuo fe lɛ i lɛ é ziin, yé maa dan zi nɔ lɛ i lɛ yé i go drɔɔ; Gakelebale ’é kɛlɛ i va ma, fɛan zo lé é kɛlɛ an ti va, a zo.

1 Samuɛl 22:13

Saul lé a lɛ léé: Mɛmalé bii valé Izai be é péli vɔ an maa? Mɛmalé i buru valé gwɔun nɔ a lɛ, yé i we laa Gakelebale lee a lɛ, a nwale an ma we gi, yé é an ma we ble fɛan zo lé é ke a kɛlɛna kyɔ, a zoo?

1 Samuɛl 28:15

Samuɛl lé Saul lɛ léé: Mɛmalé i an ma kyɛ dɔ an laale nyaa? Saul a zi pa léé: Maa a we tɔntɔn blɛn gi; Filisitinu a guli danna an va yé Gakelebale si an va; dé é a balelayemunu nyaoo, dé é a nyɛ fla nyaoo, Gakelebale ’ka we zi paan an lɛ ’bɛ do nya lo. We lé é a lé maa kɛlɛ, maa i laa léé, bé fe an lɛ.

1 Samuɛl 3:19

Samuɛl tin. Gakelebale a a va yé ’bɛ dére do kpen ’ka vo lɛ a yuɛ zuo lo.