1 Samuɛl 17:46 - Kazambale lé Sebe Sauunu 1979

⁴⁶ Kyɔ Gakelebale é dan i pa lɛ an lee, an dan i gyɛ lɛ yé an dan i ’wuo kini lɛ; kyɔ an dan Filisitinu galenu nɔ lɛ lagi mianénu valé tɛrɛlawinu lɛ. Yé tɛrɛ faa é dan a gi dɔɔ lɛ léé, Izraɛl lé Bale ana.

1 Samuɛl 17:46 ပူးပေါင်းရင်းမြစ်များ

Wepélisiananu 40:19

Yi fié a yaazan nya Faraɔn é dan i ’wuo kini lɛ, yé é dan i dun lɛ yili la yé mianénu é dan i wi ble lɛ.

2 Samuɛl 18:28

Akimaas siaa yé é lé minwiinzan lɛ léé: Ana a drɔɔ! É dia é bli la minwiinzan ’lɛ, yé é yara bua tɛrɛ va yé é léé: Munu lé wo bɛ nwa anzan minwiinzan ma, Gakelebale, ilé Bale lé é wo pa i lee, ’wa drɔɔ vo ma.

2 Samuɛl 21:10

Aja lu Risipa bɔlɔ do si yé é a pla é wuo gɔlɛ ta, yé é vo migale ’konu tabinna. É sia fɛ gyɛle pélisia bléyi va fɔɔ yé lɛɛ da wo ta, é ’ka a nyi si lɛ léé, lai mianénu é bié wo sɔnɔ yiéyi lo, yé é ’ka a nyi si lɛ léé, bwigiwinu é bié wo sɔnɔ é béli lo.

1 Minwiinzannu 8:43

’bé ’ma lanu gi, i nyanana, yé we faa lé bɛn ’ko a laa i lee, ’bé nɔ a lɛ ma, léé, tɛrɛ la bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

1 Minwiinzannu 8:60

tɛrɛ la bɛnnu faa lé a gi dɔɔle we gi léé, Gakelebale ɛ ke Bale nya, a bɛ ’ka lo.

2 Minwiinzannu 19:19

Sin, Gakelebale, kolé Bale! ’I ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya, oo Gakelebale!

2 Minwiinzannu 5:15

Naaman valé é vamunu faa nɔla Bale lé mi va é ziin. É bɔ aan wo é go a va yé é léé: Bé ye, maa gi dɔɔ léé, Bale ’ka tɛrɛ bɛ la lo, ’té dé é ’ka Izraɛl tɛrɛ nya lo. Yé sin, ilé zanté, blɛ lé i wuozan é dan a kɛlɛ lɛ i lɛ, bé si.

Lɛrɛvɔ Sɛbɛ 31:8

Ilé zin ma lé an gi é dan nana lɛ fɔɔ yé é gié é glɛ ta; Naa, i an ye nyanaizénlazan nya, yé bé gi dɔɔ léé, anboen a nyané blena.

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Ézai 37:20

Sin, Gakelebale kolé Bale, ’i ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Ézai 56:9

’Kaa bwigiwinu faa valé pɔrɔgiwinu faa, ’ka da, ’ka fɛ ble.

Jérémi 19:7

Fɛkona, maa dan Juda munu valé Jérusalɛm munu lé wepladérenu gi sɛrɛ lɛ tata. Maa dan wo gyɛ lɛ wo nyanézannu lé gwɔun nya, yee valé munu lé é sɔ ’bɛnu lɛ léé, ’wo wo gyɛ, ’bɛnu bɛ nya. Maa dan wo galenu nɔ lɛ lagi mianénu valé tɛrɛlawinu lɛ wolé fɛblele nya.

Jérémi 34:20

maa dan wo pa lɛ wo nyanézannu lé é sɔ ’bɛnu lɛ turu léé, ’wo wo gya, ’bɛnu lee, yé wo galenu é dan kɛlɛ lɛ lagi mianénu valé tɛrɛlawinu blefɛ nya.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Daniɛl 3:29

Bélidɔwe lé maa a nɔ sin, yee lé ke ’ko: Munu faa lé, dé é a bɛn‐o bɛn‐an gi, dé é a migɔnɔoo gɔnɔan nya, dé é a déreoo dérean vɔzan nya, dé é wenaané fe Sadrak koo, Mésak koo, Abɛd‐Négo koo, wolé Bale ma, wo dan ’bɛzan wi kini lɛ ékema, yé wo dan alé kɔn ’wii lɛ yé wa kɛlɛ é ’bin nya. Naa, bale bɛ ’ka ana yé ’bɛ é mi sié we gi bélé wozé Bale zo lo.

Matio 24:28

Fɛana lé fɛ gale ke, ana lé golanu é dan zén lɛ ékeva.

Bélidɔwesɛbɛ Fiézan 28:26

Ka galenu é dan kɛlɛ lɛ la gi mianénu faa valé tɛrɛlawinu faa lé fɛblele nya; mi do kpen ’ka dan wo bin lɛ lo.

Bélidɔwesɛbɛ Fiézan 7:2

Dé Gakelebale, kalé Bale wo pa ka lee yé ka wo kele, ’ka wo gyɛ tata; té ka gi pa do wo nya lo; té ka wo ma we vo lo.

Bélidɔwesɛbɛ Fiézan 7:23

Gakelebale, kalé Bale é dan bɛn ’konu pa lɛ ka lee; é dan wo fwila lɛ fɔɔ yé é wo gyɛ tata.

Jozué 10:8

Gakelebale lé Jozué lɛ léé: Té i kana wo lee lo, naa, maa wo nɔ i lɛ, yé wolé mi do kpen ’ka dan dɔ lɛ i ’lɛ lo.

Jozué 4:24

tɛrɛlamunu faa lé a gi dɔɔle we ma lé Gakelebale bɛ a plɛplɛ, yé kanale Gakelebale kazé Bale lee ’é vo ka gi yifaama.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:44

é léé: ’I da an va, yé maa dan i wi nɔ lɛ lagi mianénu valé bwi gi winu lɛ.