1 Samuɛl 17:45 - Kazambale lé Sebe Sauunu 1979

⁴⁵ David lé Filisiti mi lɛ léé: I a dana an va gwɔun koo, din koo, toané din koo, wo nya; naa, maa a gona i va lai sunyanu lé Gakelebale tɔ nya, Izraɛl lé sunyanu lé Bale lé bé sɔnɔ, a tɔ nya.

1 Samuɛl 17:45 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 14:10

Aza Gakelebale, élé Bale laa, yé é léé: Gakelebale, bii do kpen ɛ bɔalɛ yé i bɔ mi tɔɔtɔɔ valé mi plɛplɛ va. Gakelebale, kolé Bale, ’i bɔ ko va. Naa, ko paan bii ɛ ta, yé ko bɔra sunya gu blɛn ’ko yara i tɔ gi. Gakelebale, bii ɛ ke kolé Bale nya; té mi i kele lo ma.

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Lɛrɛvɔ Sɛbɛ 124:8

Gakelebale tɔ éé bɔa ko va, Gakelebale ɛ la valé tɛrɛ kɛlɛ.

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 20:8

Munu ’ko, wa é pale wolé goronu ta, yé a koɛnu a é pale wolé wisoonu ta; Naa, ko ’ko, ko Gakelebale kolé Bale tɔ laan.

Lɛrɛvɔ Sɛbɛ 3:8

Gakelebale, ’i nwa. Anzé Bale, ’i an si we gi. Naa, i an nyanézannu faa blin gya, I mi plenu suiɛnu yélié.

Lɛrɛvɔ Sɛbɛ 44:6

Ilé plɛplɛ nya lé ko ko nyanézannu guru zanaan a gi, I tɔ nya lé ko ko mazannu ’wiié.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 37:28

Naa, dé i nyanaoo, dé i bɔraoo, dé i wɔraoo, maa a gi dɔɔ, Dé i bli fli an ma, maa a gi dɔɔ.

2 Korɛnt Munu 10:4

Gulidanfɛnu lé ko guli daan wo nya bɛ, wo ’ka tɛrɛla gulidanfɛnu nya lo; naa, wa plɛplɛ Kazambale lé plɛplɛ nya fla plɛplɛ guru zanale a gi we ma.

2 Korɛnt Munu 3:5

Maa ’ka a fena léé, kobozen é bɔa ko ’wuogibɔrɔmawe do kɛlɛle lɛ, bélé fɛan zo lé éé sié kobozen va, a zo lo; naa, ko bɔle we kɛlɛle lɛ éé sié Kazambale ɛ va.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

1 Samuɛl 17:10

Filisiti mi lé é ziin léé: Maa gɔné nagɔɔn‐an Izraɛl lé sunyanu lɛ kyɔ. ’Ka gɔné do nɔ an lɛ yé ko kɛlɛ a nya.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.

1 Samuɛl 17:6

A ganeyɔɔfɛ a zéné nya yé toané din a é dunle a bɛapanu ta.