1 Samuɛl 17:36 - Kazambale lé Sebe Sauunu 1979

³⁶ ’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.

1 Samuɛl 17:36 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:17

Yé Asiri nwiinzan blɛn Gakelebale, Izraɛl lé Bale sɔnɔsɛbɛ gyɛ, yé é lé a ma léé: Fɛan zo lé bɛnnu lé yonu ’ka bɔ lɛ ’wolé munu sole lɛ an lee lo, a zo duo lé Ézékia lé Bale ’ka dan élé munu so lɛ an lee lo.

Ézai 10:15

Zaa ébo tɔ bɔa, mi lé éé nyanama paan a nya, a lɛɛ? Sii éé dére blɛnblɛn fé, mi lé éé nyanama paan a nya, a lɛɛ? ’Bɛ a bélé fɛan zo lé vlewɔlɛ ’é nwazan nyunu léé, ’bɛ ’é nwa, bélé yili ’é duunzan nwa, a zo.

Ézai 36:15

Dé Ézékia a fe ka lɛ léé, Gakelebale é dan ka si lɛ a lee, Asirinu nwiinzan ’ka dan fla ’ko si lɛ lo, té ka bli é vo Gakelebale lɛ Ézékia dére ta lo.

Ézai 36:18

Té Ézékia é dabli kɛlɛ ka lɛ a fele nya léé: Gakelebale é dan kaa si lɛ we gi, lo. Bɛn bɛnu bɛ, wozé balenu wo so Asirinu nwiinzan lee?

Ézékiɛl 28:10

I dan ga lɛ bɛnnu lee, bélé munu lé wo gane ’ka é dɔle lo, wo gale zo. Naa, maa Mizan Gakelebale, maa ɛ fe.

Ézékiɛl 32:19

I nɔnɔmi mini kyɛnzan lɛɛ? ’I zun, yé ’i yia ganedɔlomunu va.

Daniɛl 5:23

I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Zakari 12:3

’Bɛ yi la maa dan Jérusalɛm kɛlɛ lɛ migɔnɔnu faa lɛ bélé gɔlɛ bɛnzan zo; munu faa lé wo dan a wuo vɔ lɛ, é dan wo gyɛ lɛ, yé tɛrɛ la bɛnnu faa é dan zén lɛ ékeva yé wo péli vɔ a ma.

Zakari 2:8

Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:10

Filisiti mi lé é ziin léé: Maa gɔné nagɔɔn‐an Izraɛl lé sunyanu lɛ kyɔ. ’Ka gɔné do nɔ an lɛ yé ko kɛlɛ a nya.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:35

maa vlan buruwo a zuo yé maa a gya, yé maa ’bla sié a lɔ ma. Dé é nwa an ma, maa a kunwo é bɔrɔ ma yé maa a gya yé éé gaan.

1 Samuɛl 17:37

David lé é ziin léé: Gakelebale lé é an si golizra sɔnéwɔlɛ valé urisi bɛlaa lee, é dan an si lɛ Filisiti mi ’ko lee é ziin. Yé Saul lé David lɛ léé: ’I go, yé Gakelebale ’é kɛlɛ i va ma.

1 Samuɛl 18:17

Saul lé David lɛ léé: Bé ye, maa dan an lu vininzan Mérab nɔ lɛ i lɛ; naa, ’i nyanama pa an va nyanabli nya é wo, yé ’i Gakelebale lé gulinu dan. Naa, Saul lé ébo lɛ léé: Maa ’ka a va léé, maa bɛ mané a ma lo, naa, Filisitinu lé, ’bɛnu a gyɛ.

1 Samuɛl 31:4

Yé Saul lé élé gulidanfɛnu kɔné sizan lɛ léé: ’Ilé gwɔun si é kɔlɛ gi yé ’i an fɔn a nya, dé ganedɔlomunu ’ko é da maa fɔn yé wo we nana an ma. Kana zén alé gulidanfɛnu kɔnésizan gi yé é ’ka a nyi si lɛ lo. Yé Saul élé gwɔun si yé ébo vɔ a ’léé.