1 Samuɛl 17:34 - Kazambale lé Sebe Sauunu 1979

³⁴ David lé Saul lɛ léé: I wuozan a é ti lé ’blanu tabinna. Yé dé golizra léé, dé urisi léé, dé é da trubɛ va ’bla do si lɛ,

1 Samuɛl 17:34 ပူးပေါင်းရင်းမြစ်များ

Wepélisiananu 31:39

Maa ’ka da lɛ wi tuolenu nya i lɛ lo, maa a sɛrɛlenu banwo an boan. Yee lé wa kyeenwo an lee é yiéyi valé é béli, i wo laa an lee.

2 Samuɛl 17:8

Yé Usai léé: I i ti valé é vamunu lé bli ta plɛplɛ dɔɔ. Wo bli a é flile bélé kua lé wo alé nénu sia, a zo. I ti a gulidanzan nya yé é ’ka dan yii lɛ kyɔ munu va lo;

2 Samuɛl 23:20

Kabiséɛl mi do be Jéojada be Bénaja a do. É a nyanazan nya yé é tɔ ye élé we blɛn kɛlɛle ma. Moab mi fié lé wo mini ’wo bɔlunu faa ta, é wo gyɛ. Yi do nya ’té glasépun a dana, é zun guru gi yé é golizra gyɛ.

Minwiinzannu lé Wezuofe Sɛbɛ 11:22

Jéojada be Bénaja lé é si Kabiséɛl, é a nyanazan nya yé a tɔ a é bɔle é kɛlɛwenu ma. Moab mi fié lé wo mini ’wo bɔlunu faa ta, é wo gyɛ. É zun ’yiguru do gi, yé é golizra gyɛ ’bɛna, yian nya lé glasépun a dana, a yi nya.

Lɛrɛvɔ Sɛbɛ 143:5

We kyɛnnu lé bé kɛlɛ, wo sele a an gi, An bɔn‐in bɔrɔan i panyanamanu faa ma, An ’wuo gi bɔrɔan i bɛ panyanamanu ma.

Ézékiɛl 34:12

’Blapazan a élé ’bla fwilalenu méléna fɛan zo, ’té éé wo ginian bɛ, a zo lé maa dan anlé ’blanu gini lɛ, yé fɛana lé wo kini ékema yé wo go, yian nya lé fɛna gunu dɔra yé té yiri ’ka bié lo bɛ, maa dan wo si lɛ ’bɛna yé maa da wo nya an va.

Amɔs 3:12

Gakelebale léma: Dé ’bla pin fié léé, dé a tɔné kuru léé, ’blatabinzan éé wo soo golizra ’léé fɛan zo, Izraɛlnu lé wo ke é nyanale Samari blin blɛn valé sɔ vlɛzan lé wo si Damas, wo ta, wo dan so lɛ we lee a zo.

Zakari 11:16

Naa, maa dan mipazan dɔ bɔra lɛ é ziin tɛrɛ ’ko la, yé ’blanu lé wo ke zamaga wona, é ’ka dan wo gi bɔrɔ pa lɛ lo; é ’ka dan go lɛ ’bla boronénu nagini lɛ lo, yé é ’ka dan a tuozannu tuona paa lɛ lo, yé é ’ka dan a plɛplɛnu mawe kɛlɛ lɛ lo; naa, é dan a nyɔnɔzannu wi ble lɛ, yé é dan wo wi kini lɛ ékema fɔɔ yé é bɔ wo sɔnéwɔlɛ ma.

Zakari 9:7

Maa dan yobanwi nyɛ valé a nɛ so lɛ a ’léé; yee é ziin, é dan vo lɛ kolé Bale zé nya. É dan kɛlɛ lɛ bélé Juda nwiinzan do zo, yé Ékrɔn é dan kɛlɛ lɛ bélé Jébusinu zo.

WENÉNÉ LÉ LUK A GYE (Évangile selon Luc) 2:8

’Bɛna mi, ’blatabinzannu éé yiié féi, yuɛpale wolé trubɛnu va we gi é béli.

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

Rom munu 5:4

yé yara pale we la éé guli ’wuo voo mi lɛ é gi danle gi, yé guli ’wuo vole ko lɛ ’ko, éé dan bli kɛlɛle fɛ lɛ nya,

Ébrunu 11:33

Blipale nya lé wo bɛntɛrɛnu kele, wo we tegele kɛlɛ, wo dɔ blivolɛdérenu ta, wo golizranu lɔlu lɛ tan;

Wegɔɔnle 13:2

Wi lé maa a ye, é a bélé kua zo; yé a ganenu a bélé wi blɛn urisi gane zo, yé a ’léé a bélé golizra ’léé zo. Dragɔn lé plɛplɛ koo, alé webleblin koo, alé se blɛn koo, é wo nɔ wi lɛ.

Weblezannu 14:6

Gakelebale Léli Samsɔn kun; yé Samsɔn golizra wi kini ékema bélé fɛan zo lé woo boliné wi kinié ékema, a zo, ’té fɛ do kpen ’ka a lee lo. We lé é a kɛlɛ, é ’ka a fe lɛ é ti valé é bu lɛ lo.

1 Samuɛl 17:15

David si Saul va yé é nɔla Bɛtléɛm é ti lé ’blanu tabinle we gi.

1 Samuɛl 17:33

Saul lé David lɛ léé: I ’ka bɔalɛ léé, i guli dan Filisiti mi ’ko va lo, naa, bii a né nya yé é sia a kiéné la bléyi va é a gulidanzan nya.

1 Samuɛl 17:35

maa vlan buruwo a zuo yé maa a gya, yé maa ’bla sié a lɔ ma. Dé é nwa an ma, maa a kunwo é bɔrɔ ma yé maa a gya yé éé gaan.