1 Samuɛl 17:28 - Kazambale lé Sebe Sauunu 1979

²⁸ A bwe vininzan Éliab, é David lé wefele munu ’konu lɛ ’ma, yé a bli fli David ma. Yé é léé: Mɛmalé i da, yé ’blanu lé wo ’ka di lo bɛ, i wo vo bwi gi de ɛ vaa? Maa ilé boblɛn valé i bli nyané dɔɔ. Guli naginile we gi lé i da.

1 Samuɛl 17:28 ပူးပေါင်းရင်းမြစ်များ

Wepélisiananu 37:11

A va maawole a é bwenu bli gi, naa, we ’konu sele voo a ti gi.

Wepélisiananu 37:4

A bwenu a ye léé, Jozɛfu sɔ wo ti lɛ é mini wo faa ta, bɛwemalé a za a wo gi. Wo ’ka bɔa we drɔɔ fele lɛ a lɛ lo.

Wepélisiananu 37:8

A bwenu lé a lɛ léé: I dan pla lɛ ko nwiin? Bii ɛ dan kɛlɛ lɛ ko nwiinzan nyaa? Alé nyɛgyɛlenu valé a dérenu lé we ma, a za kɛlɛ é ziin é bwenu bli gi blɛn é mini é vinin ta.

2 Minwiinmunu lé Wezuofe Sɛbɛ 11:18

Roboam David valé Abisail be Jérimɔt lu Maalat si é na nya. Abisail a Izai be Éliab lu nya.

Lɛrɛvɔ Sɛbɛ 35:11

Vié wenayezannu nwaan an ma; Yé wenu lé maa ’ka wo dɔɔa lo, woo wo laan an lee.

Wegɔnévɔlenu 18:19

Bwe lé wa ’namawe kɛlɛ, a yele a tɔntɔn é mini fla plɛplɛ ta, yé alé zavɔle a bélé kɔn lɛ tan gbaklé lé é ke foliɛwɔlɛ plɛplɛ nya, a zo.

Wegɔnévɔlenu 27:4

Bliflikaiizan gi a é pɔnpɔn, yé bliflile a bélé ’yiyoro plɛplɛ zo, naa, mi kyɛɛn ɛ bɔa dɔle lɛ maabole mi va maa?

Bale Lé We Gifezan 4:4

Maa a ye léé, nyanama faa valé blabole faa a blami lé maawole nya é wo é bɔluzan ma. ’Bɛ a é ziin boawe valé fuzuobinwe nya.

Matio 10:36

yé mi nyanézannu é dan kɛlɛ lɛ élé kɔngimunu nya.

Matio 27:18

É a gi dɔɔ léé, wa maawona Jézu va amalé wo da a nya ’é lɛ.

Maak 3:21

Wenu lé é bɔ mi, Jézu gɔnɔlamunu a ’ma aan wo, wo léé: A ’wuo a sɛrɛna, yé wo da a laa lɛ.

SEBE LÉ JUD A GYE (Épitre de Jude) 1:10

Naa, munu ’ko, wozé a é yɛrama. We lé wo ’ka a gi dɔɔa lo, yee lé woo a ma we fé sɔnɔdére nya, yé we lé wa dɔɔ woboan bélé winu lé wedɔɔle zo, wo ’wobo sɛra a gi.

1 Samuɛl 16:13

Wibéli lé nyɔnɔ ke a gi, Samuɛl a si, yé é nyɔnɔ zén a nwiin a bwenu yuɛ va. É sia yi ’ko ma, Gakelebale Léli éé David kunwo yifaama. Samuɛl nwa yé é go Rama.

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.

1 Samuɛl 17:29

David a zi pa léé: Maa kɛlɛ kaa? I léé, té ’an we loo?