1 Samuɛl 17:26 - Kazambale lé Sebe Sauunu 1979

²⁶ David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:26 ပူးပေါင်းရင်းမြစ်များ

2 Minwiinzannu 19:4

Dérenu lé Rabasaké a fe, ’té azan, Asirimunu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

2 Minwiinmunu lé Wezuofe Sɛbɛ 32:17

Yé Asiri nwiinzan blɛn Gakelebale, Izraɛl lé Bale sɔnɔsɛbɛ gyɛ, yé é lé a ma léé: Fɛan zo lé bɛnnu lé yonu ’ka bɔ lɛ ’wolé munu sole lɛ an lee lo, a zo duo lé Ézékia lé Bale ’ka dan élé munu so lɛ an lee lo.

Néémi 5:9

Yé maa léé: We lé ka ke a kɛlɛna ’ko, é ’ka é zima lo. É ’ka lé ka tawo kanale nya kolé Bale lee loo? Dé ka kɛlɛ ’bɛ zo, bɛnnu lé ke ko nyanézannu nya, wo ’ka dan ko sɔnɔ lɛ loo?

Lɛrɛvɔ Sɛbɛ 44:13

I ilé munu daan é pla, I ’ka a yé léé, wo wea lo,

Lɛrɛvɔ Sɛbɛ 74:18

Mi nyanézan éé Gakelebale sɔnɔan, Yé tawomunu woo serele boo i tɔ ma, wenu ’ko sele ’é dɔ i gi ma.

Lɛrɛvɔ Sɛbɛ 79:12

Mizan, sɔnɔnu lé ko punmazannu a wo ko lɛ, ’Bé lɛgi pa wo ma gɔnɔ sɔrafié ma.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi 9:25

Ka ye, Gakelebale léma: A yi é dan bɔ lɛ, yé munu faa lé wo gane ke é dɔle, ’té wo bli ’ka é sile ’wo kɛlɛwe kyɛnnu lɛ lo, maa dan we lɛdɔ lɛ wo gi.

Jérémi 9:26

Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Ézékiɛl 28:10

I dan ga lɛ bɛnnu lee, bélé munu lé wo gane ’ka é dɔle lo, wo gale zo. Naa, maa Mizan Gakelebale, maa ɛ fe.

Daniɛl 5:23

I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Daniɛl 6:27

Yee ɛ mi soo we lee, yé éé mi sié we gi. Yee ɛ tɔmasenu valé we blɛnnu kɛla la gi valé tɛrɛ la. Yee ɛ Daniɛl so golizranu lé plɛplɛ lee.

Daniɛl 9:16

Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

Joɛl 2:19

Gakelebale a zi vɔ élé munu lɛ léé: Ka ye, maa dan ’sa koo, Dɔrɔ dɛrɛ koo, nyɔnɔ koo, wo pa lɛ ka lɛ zia, Yé ka dan kan lɛ wo nya, Yé maa ’ka dan ka gyɛ lɛ yara nya bɛnnu méléna é dɛrɛ lo.

Bélidɔwesɛbɛ Fiézan 5:26

Naa, mi kyɛn ɛ Bale yuɛmale dére ’ma wefena kyɛ méléna, fɛan zo lé ’wa ’ma, a zo, yé azan vo é yuɛmaa?

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

1 Samuɛl 11:2

Naa, Amɔn mi Nakas a zi pa wo lɛ léé: Wean ta lé kaa gi paan do, yee lo; dé ka nyi si yé maa ka faa bɛyila yuɛnu so yé é kɛlɛ yaraɛwe nya Izraɛl faa ma, ’té é nyaa.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:10

Filisiti mi lé é ziin léé: Maa gɔné nagɔɔn‐an Izraɛl lé sunyanu lɛ kyɔ. ’Ka gɔné do nɔ an lɛ yé ko kɛlɛ a nya.

1 Samuɛl 17:30

Yé é nwun zi dɔ é bwe ta yé é kun wefele ma mi bɛ lɛ yé é yee we duo laa a lee. Munu a zi pa a lɛ bélé é vinin zo.

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.

1 Samuɛl 31:4

Yé Saul lé élé gulidanfɛnu kɔné sizan lɛ léé: ’Ilé gwɔun si é kɔlɛ gi yé ’i an fɔn a nya, dé ganedɔlomunu ’ko é da maa fɔn yé wo we nana an ma. Kana zén alé gulidanfɛnu kɔnésizan gi yé é ’ka a nyi si lɛ lo. Yé Saul élé gwɔun si yé ébo vɔ a ’léé.