1 Samuɛl 17:10 - Kazambale lé Sebe Sauunu 1979

¹⁰ Filisiti mi lé é ziin léé: Maa gɔné nagɔɔn‐an Izraɛl lé sunyanu lɛ kyɔ. ’Ka gɔné do nɔ an lɛ yé ko kɛlɛ a nya.

1 Samuɛl 17:10 ပူးပေါင်းရင်းမြစ်များ

2 Samuɛl 21:21

Élé gɔné nagɔɔn Izraɛl lɛ; yé David bwe Siméa be Jonatan a gyɛ yé é ga.

2 Samuɛl 23:9

’Bɛ é zuo, Akoki be Dodo be Éléazaa ana. Gulidanzannu yaa lé wo go guli dan lɛ Davidnu nya, bléyian va lé Filisitinu zén ékeva gulidanle we ma, ’té Izraɛl lé munu vlan buru loru, é a wo va mi do nya.

2 Minwiinzannu 19:4

Dérenu lé Rabasaké a fe, ’té azan, Asirimunu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Néémi 2:19

Orɔn mi Sanbalat koo, miwuozan Amɔn mi Tobija koo, Arabu mi Gésɛm koo, wo we ’ko ’ma aan wo, wo we nana ko ma yé wo ko ye boawe kɛlɛzannu nya. Wo léé: Mɛ lé ka kɛla bɛɛ? Ka a nwana minwiinzan blɛn maa?

Wegɔnévɔlenu 16:18

Kulugale éé dan bo tɔbɔle zuo; saanle éé dan bo blɛn zuo.

Jérémi 9:23

Gakelebale léma: Té wedɔɔzan ébo tɔ bɔ élé wedɔɔle gi lo; Té mi plɛplɛ ébo tɔ bɔ élé plɛplɛ gi lo; Té fuablezan ébo tɔ bɔ élé fuafɛnu gi lo;

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

1 Samuɛl 17:11

Saul valé Izraɛlnu faa Filisiti mi dére ’konu ’ma yé wo kana yé wo gi nyɛ kini.

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.

1 Samuɛl 17:45

David lé Filisiti mi lɛ léé: I a dana an va gwɔun koo, din koo, toané din koo, wo nya; naa, maa a gona i va lai sunyanu lé Gakelebale tɔ nya, Izraɛl lé sunyanu lé Bale lé bé sɔnɔ, a tɔ nya.