1 Samuɛl 16:7 - Kazambale lé Sebe Sauunu 1979

⁷ Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.

1 Samuɛl 16:7 ပူးပေါင်းရင်းမြစ်များ

Wepélisiananu 4:5

naa, é ’ka Kain zé nyi si lɛ lo yé é ’ka ’bɛ ban‐ɛn ble lɛ lo. Kain bli fli, yé é yara kyɛ vɔ a gi.

2 Samuɛl 14:25

Mi do kpen ’ka Izraɛl yé ’bɛ nɔnɔmi gié Abusalɔm ta lo; é sia a gane bulii fɔɔ yé é bɔ a nwiin loru, a kɔlɛ ma a yɔrɔyɔrɔyɔrɔ.

2 Samuɛl 7:20

Mɛ we lé David éé bɔa a fele lɛ i lɛ é ziin? Mizan Gakelebale, i i wuozan dɔɔ.

1 Minwiinzannu 8:39

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu faa gibli dɔɔ,

Minwiinzannu lé Wezuofe Sɛbɛ 17:18

Fua blɛn lé bé nɔ i leezan David lɛ, mɛ we lé maa fé é dɛrɛ ’bɛ maa? I i leezan dɔɔ.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

2 Minwiinmunu lé Wezuofe Sɛbɛ 6:30

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu gibli dɔɔ.

JOB (Job) 10:4

I yuɛ a blami yuɛ nya ’Té i yɛrɛ yé bélé blami zoo?

JOB (Job) 35:5

’I yuɛ vɔ lanu gi, ’i gi bɔrɔ, Latinu a baa i ta loru fɛan zo, bé ye do.

Lɛrɛvɔ Sɛbɛ 139:2

Dé an nyanaoo, dé an nwaoo, i ’bɛ dɔɔ; Dé i a baaoo, i an ’wuogibɔrɔle dɔɔ;

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Wegɔnévɔlenu 15:11

Dé Gakelebale éé gamunu nyanana valé guru blɛn yé ’naan, ’té blaminu bli nii? É ’ka ’bɛ yé loo?

Wegɔnévɔlenu 16:2

Mi lé tawobɛ faa a wéiin ébo yuɛ gi, naa, mi lé éé mi bligiwenu daan ékema, Gakelebale lé.

Wegɔnévɔlenu 24:12

Dé bé fe léé: Aa! ko ’ka gi dɔɔ lɛ lo baa? Mi lé éé mi gi bli daan ékema, é ’ka a yé loo? Mi lé éé i boen tabin‐é, é ’ka a gi dɔɔa loo? É ’ka dan mi faa do do banwo lɛ wo kɛlɛwe yɛrama loo?

Wegɔnévɔlenu 31:30

Zin a dabli nya, yé yara nɔnɔmi a fɛ boa nya; lezan lé éé kanaan Gakelebale lee, yee lé wo dan a tɔ bɔ lɛ.

Jérémi 11:20

Naa, lai sunyanu lé Gakelebale lé é ke weblezan tegele nya, ’té éé mi bli valé mi giwe dɔɔan. Maa dan ilé we lɛgi pana ye lɛ wo ma, naa, anlé we bɛ paan bii ɛ lee.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 20:12

Lai sunyanu lé Gakelebale éé mi tegele gi daan, Éé mi bli giwe valé a bɔn‐in bɔrɔlenu va ginian. Maa dan ilé we lɛgi pana ye lɛ wo ma, Naa, maa anlé we bɛ paan bii ɛ lee.

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

WENÉNÉ LE JAN A GYE (Évangile selon Jean) 7:24

’Ka we va sina ye faa yé ’ka we gi bɔi ’é bɔina.

WENÉNÉ LE JAN A GYE (Évangile selon Jean) 8:15

Ka we blé blaminu lé weblebɛ yɛrama. Maa ’ka mi do kpen lé we blé lo.

Kelewenu 1:24

Yé wo bazoro léé: Mizambale, mi faa gi bli dɔɔzan, mi fié lé ko wo si ’ko, dé yeean sɔ i lɛ, bé gɔɔn ko lɛ,

2 Korɛnt Munu 10:10

Ka léé, anlé sɛbɛnu a tɔntɔn, wa plɛplɛ, naa, dé maabozen ana, maa a tɔɔtɔɔ, ’té an dérenu a boadérenu nya.

2 Korɛnt Munu 10:7

’Ka we ’ko nagini tegele do. Dé é dɔ mian gi léé, é a Krist zé nya, ’bɛzan ’é gi bɔrɔ é ziin léé, dé yee a Krist zé nya, ko é ziin ko a Krist zé nya.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

1 Piɛri 2:4

’Ka bié Jézu va; gɔlɛ yuɛmale lé, munu sɔn vɔ a ma yé Kazambale a si élé fɛwezan nya bɛ, ’ka bié a va;

1 Piɛri 3:4

naa, ’lɛrɛfɛ lé é ke é yɔɔle mi gi, ’té é ’ka sɛra lo, ’ka ’lɛrɛ ’bɛ nya. Yee lé ke bli zin valé bli drɔɔ nya. Yee ɛ ke fɛwezan nya Kazambale yuɛ gi.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

1 Samuɛl 2:3

Té ka we blɛnblɛn fe é dɛrɛ lo; Té boblɛn dére é si ka ’léé é dɛrɛ lo; Naa, Gakelebale a Bale lé é we faa dɔɔ, a nya, Yé éé mi kɛlɛwenu faa va ginian.

1 Samuɛl 9:2

A be do ana, wa laama Saul; é a mi boroné nɔnɔmi nya, é a é nɔnɔmi é mini Izraɛl lé nénu faa ta yé wo va mi torolenu éé bɔa a puo wuo.