1 Samuɛl 16:1 - Kazambale lé Sebe Sauunu 1979

¹ Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 16:1 ပူးပေါင်းရင်းမြစ်များ

1 Minwiinzannu 8:16

É sia yian nya lé maa anlé munu Izraɛl si Éjipiti tɛrɛ la fɔɔ kyɔ, maa ’ka fla do si lɛ a va Izraɛl bɛngɔnɔnu faa va, léé, ’wo kɔn dɔ ana an tɔ nya lo, naa, maa David si a va léé, ’é pla anlé munu Izraɛl nwiin.

2 Minwiinzannu 9:1

Balelayezan Élizé balelayezannu va mi do laa yé é lé a lɛ léé: ’I sɔ dɔ i tɛrɛ la, ’i nyɔnɔ kuo kiéné ’ko si yé ’i goan i lee Ramɔt lé ke Galaad tɛrɛ la, ana.

2 Minwiinzannu 9:3

’I nyɔnɔ kuo kiéné si, yé bé zén a nwiin yé bé fe léé: Gakelebale léma: Maa nyɔnɔ zén i nwiin léé, i kɛlɛ Izraɛl minwiinzan blɛn nya. ’Bɛ zuo ’i kɔn lɛ so yé ’i vlan buru, té i dɔ lo.

2 Minwiinzannu 9:6

Jéu nwa yé é wɔra kɔn gi, yé pɛniɛ nyɔnɔ zén a nwiin, yé é lé a lɛ léé: Gakelebale, Izraɛl lé Bale léma: Maa nyɔnɔ zén i nwiin i kɛlɛle Gakelebale lé munu Izraɛl nwiinzan blɛn nya we gi.

Minwiinzannu lé Wezuofe Sɛbɛ 11:3

’Bɛ zo lé Izraɛl lé mi segelenu faa da minwiinzan va Ébrɔn, yé David é gi pa do wo va Ébrɔn, Gakelebale yuɛ va. Wo nyɔnɔ zén David nwiin a kɛlɛle Izraɛl nwiinzan nya we ma, Gakelebale dére lé Samuɛl a fe, a yɛrama.

Minwiinzannu lé Wezuofe Sɛbɛ 28:4

Gakelebale, Izraɛl lé Bale an si an ti gɔnɔ la, an kɛlɛle Izraɛl nwiinzan blɛn nya lɛɛfaama we ma; naa, é Juda si a va yé é né vininzan dɔna nɔ ’bɛ lɛ; yé é an ti gɔnɔ si a va Juda kulunu va, yé an ti benu va é maa ɛ si a va, léé, an pla Izraɛl faa nwiin.

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Jérémi 11:14

Jérémi, té bii é dɔ munu ’ko lé we gi lo; té i dére nwa wo ma zanté vɔlenu valé wo ma bazorolenu nya lo. Naa, dé we tɔntɔn bɔ wo ma, dé wo an laa, maa ’ka dan tɔné dɔ lɛ wo lɛ lo.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 6:30

Woo wo laama gɔɔlifu bo. Naa, Gakelebale sɔn vɔ wo ma, azama.

Jérémi 7:16

Yé bii, té i dɔ mi ’konu lé we gi lo. Té i dére éé bié wolé zanté vɔlenu valé wo ma bazorole nya lo. Té i wo mawe fe an lɛ dunuvɔmadére nya lo, naa, maa ’ka dan an tɔné dɔ lɛ i lɛ lo, azama.

Zakari 4:14

Yé é léé: Mi fié lé woo dɔa Tɛrɛfaazan ’lɛ, ’té wo nyɔnɔ zén wo nwiin bɛ, wo lé.

Rom munu 15:12

Ézai lé é ziin léé: Izai punla é dan nɛɛ lɛ Yé é dan nwa lɛ yé é dan pla lɛ bɛnnu nwiin; Bɛnnu bli é dan vo lɛ yee ɛ lɛ.

Ébrunu 11:32

A kyɛn lé maa dan a fe lɛ é ziin? Mi pɔnénu zé gi febléyi ’ka an lee lo; Jédéɔn koo, Barak koo, Samsɔn koo, Jɛfeté koo, David koo, Samuɛl valé balelayemunu koo, wozé gi fe bléyi ’ka an lee lo.

1 Jan 5:16

Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.

1 Samuɛl 10:1

Samuɛl nyɔnɔ kuoné si yé é a zén Saul nwiin. É pwɛpwɛ vɔ a ma yé é léé: Gakelebale ’ka nyɔnɔ zén lɛ i nwiin i plale alé munu nwiin we ma loo?

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 15:26

Samuɛl lé Saul lɛ léé: I sɔn vɔ Gakelebale dére ma, yé Gakelebale sɔn vɔ i ma, té i kɛlɛ Izraɛl nwiinzan nya é dɛrɛ lo we gi, amalé an ’ka dan go lɛ i va lo.

1 Samuɛl 15:35

Samuɛl ’ka go lɛ we lɛ Saul va é dɛrɛ lo fɔɔ yé a gayi bɔ a zo; naa, Gakelebale é bli nɔla Saul kɛlɛle Izraɛlnu nwiinzan blɛn nya ma, amalé Samuɛl Saul ma wuvɔ.

1 Samuɛl 16:15

Saul wuomunu lé é lɛ léé: Bé ye, Bale lé léli naané do a nyané pana i ta.

1 Samuɛl 16:23

Yé dé Bale lé léli a Saul ta David éé kɔnɔ sian, ’té éé a gya; yé Saul é vo drɔɔ yé a fila é vɔ yé léli naané é si Saul va.

1 Samuɛl 17:12

Éfraim mi lé é si Bɛtléɛm, Juda tɛrɛ la, wa laama Izai, ’té a be a sɔraa yé Saul bléyi va é a é kwa yé a lɛɛ a kiɛre, David a ’bɛ be nya.

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.