1 Samuɛl 15:8 - Kazambale lé Sebe Sauunu 1979

⁸ É Amalɛk nwiinzan Agaga si é yuɛma yé é munu faa gyɛ tata gwɔun nya.

1 Samuɛl 15:8 ပူးပေါင်းရင်းမြစ်များ

1 Minwiinzannu 20:30

A pɔnénu vɔ fli gi yé wo go Afɛk yé flagɔrɔ zana mi baa vu ta yaa mi wuru soru lé wo vo, wo ta. Bɛn‐Adad vlan buru fla, yé é go wɔrale nya kɔnnu gi.

Minwiinzannu lé Wezuofe Sɛbɛ 4:43

Amalɛk munu lé wo vo, wo guli dan wo va, yé wo nyana ana fɔɔ kyɔ yi ’ko nya.

Esitɛɛ 3:1

We ’ko giéle zuo minwiinzan blɛn Asuérus Agaga mi Amédata be Aman tɔ nwa blɛn. É we faa se kɛlɛ a lɛ, yé é a pla ’é bɛgimunu faa nwiin.

Lévinu 27:29

Mi lé wa nɔ bale pale a ma nya, wo ’ka bɔa a tabole lɛ lo, ga ɛ ’bɛ nyaan.

Mi Nɔnɔle 24:7

’Yi wolé suonu fan ’té éé yoroan, Yé alé fɛwɔlɛnu é dan fan lɛ ’yi fanle lé we ma. A nwiinzan blɛn mini Agaga ta; Yé alé plale mi nwiin é dan kɛlɛ lɛ plɛplɛ.

Jozué 10:39

Fla koo, a nwiinzan koo, fla faa lé wo ke a wuo koo, Jozué wo si; wo wo tamunu gyɛ gwɔun nya, yé mi faa lé wo ke ana wo wo gyɛ tata, é ’ka fɛ do kpen vo lɛ lo; fɛan zo lé é a kɛlɛ Ébrɔn koo, Libina valé é nwiinzan koo, wo lɛ, a zo duo lé Jozué a kɛlɛ Débii valé é nwiinzan lɛ.

Jozué 11:12

Jozué minwiinzannu ’konu valé wolé flanu si, yé é wo gyɛ gwɔun nya yé é wo nɔ bale pale wo ma nya, fɛan zo lé Gakelebale wuozan Moizi a béli dɔ, a zo.

Jozué 8:23

Wo Ai nwiinzan si é yuɛma, yé wo go a nya Jozué va.

1 Samuɛl 15:20

Saul a zi pa Samuɛl lɛ léé: An tɔné dɔ Gakelebale dére lɛ é zima, yé zi lé Gakelebale a gɔɔn an lɛ, maa a ta tawo. An da Amalɛknu nwiinzan Agaga nya yé an Amalɛk munu faa gyɛ;

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.

1 Samuɛl 22:19

Yé Saul Balebanzannu lé fla Nɔb gyɛ gwɔun nya: gɔnénu koo, lomu koo, nénu koo, nyɔmazannu koo, dirinu koo, sokofalenu koo, ’blanu koo, wo wo faa gyɛ gwɔun nya.

1 Samuɛl 30:1

A yi yaazan nya, dé David valé élé munu bɔ Siklag, ’té Amalɛknu da guli dan lɛ yirinwana bɛyilazia munu valé Siklag va. Lomu koo, gɔnénu faa lé ke ana koo, nunukénénénu valé mi segelenu koo, wo wo si luu nya yé wo Siklag guru zana a gi yé wa kyɛ ble. Wo ’ka mi do kpen gyɛ lɛ lo, naa, wo wo faa si yé wo go.