1 Samuɛl 15:24 - Kazambale lé Sebe Sauunu 1979

²⁴ Yé Saul lé Samuɛl lɛ léé: An Gakelebale lé bélidɔwe sɛrɛ yé an ’ka i dére lɛdɔ lɛ a ma lo amalé maa wenyané kɛlɛ; an kana munu lee yé an tɔné dɔ wo dére lɛ.

1 Samuɛl 15:24 ပူးပေါင်းရင်းမြစ်များ

Wepélisiananu 3:12

Gɔnézan a zi vɔ léé: Lezan lé bé nɔ an lɛ, yee ɛ yiliporo nɔ an lɛ yé maa a ble.

Wepélisiananu 3:17

Kazambale lé gɔnézan lɛ léé: I tɔné dɔ i na dére lɛ, yé yili lé maa a fe i lɛ léé, té bé poro ble lo, bé ble, bɛwemalé maa dan bale pa lɛ tɛrɛ ma ilé we ma.

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

JOB (Job) 31:34

An kana mi gu lee, Yé an kana léé, migɔnɔnu é dan serele bo lɛ an ma, Amalé an vo kɔn gi yé an ’ka bɔraan loo?

Lɛrɛvɔ Sɛbɛ 51:4

’I an zuru tata yé ’i anlé weple si an ma, ’I anlé wenyané si yé ’i an gi bɔ.

Fwile 10:16

Faraɔn Moizi valé Arɔn laa é kele yé é léé: Maa wenyané kɛlɛ Gakelebale, kalé Bale valé ka ma.

Fwile 23:2

Té i go mi kiɛre zuo wenyané kɛlɛle we gi lo; dé i a wenayezan nya weblena, té i péli vɔ mi kiɛre va we tegele gi sɛrɛle we ma lo.

Fwile 9:27

Faraɔn Moizi valé Arɔn laa, yé é lé wo lɛ léé: Kyɔ maa wenyané kɛlɛ; Gakelebale ɛ ke tegele, yé we a maa valé anlé munu nwiin.

Wegɔnévɔlenu 29:25

Kanale munu lee a mikunsan nya, naa, mi lé ébo bɛ pa Gakelebale lee, a ta béli a é dɔle.

Jérémi 38:5

Minwiinzan blɛn Sédésias a zi pa léé: Ka ye, é a ka lee; naa, minwiinzan blɛn ’ka bɔa we do kɛlɛle lɛ ka lɛ lo.

Mi Nɔnɔle 22:34

Balaam lé Gakelebale lé lanje lɛ léé: An wenyané kɛlɛ. Maa ’ka a gi dɔɔa léé, bii a é dɔle an ’lɛzia lo, yé sin, dé an gole ’ka sɔ lɛ i lɛ lo, an dan diéra lɛ.

Matio 27:4

yé é léé: An wenyané kɛlɛ we?-?anwiinlozan pale nya ka lee. Wo lé a lɛ léé: ’Bɛ é mɛ ɛ kɛla ko lɛɛ? Ilé we bɛ.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

1 Samuɛl 15:15

Saul a zi pa léé: Munu si wo nya Amalɛk munu va; ’blanu valé dirinu lé ke é zima é mini ’wo bɔlunu ta, munu wo tadɔ, saraka bole we gi Gakelebale, ilé Bale lɛ; yé ko a pɔnénu gyɛ.

1 Samuɛl 15:30

Saul lé é ziin léé: An wenyané kɛlɛ! Sin, ilé zanté, ’i an lɛdɔma anlé munu lé mi segelenu yuɛ va, Izraɛl yuɛ va; ’i da an va é ziin yé maa dan dia lɛ an yara Gakelebale ilé Bale ’lɛ.

1 Samuɛl 15:9

Naa, Agaga koo, ’bla zimanu koo, dirigɔné zimanu koo, wi zinnu koo, ’blané nyɔnɔzannu koo, fɛnu faa lé ke é zima koo, Saul valé munu wo tadɔ, wo ’ka a va léé, wa sɛrɛ lo, naa, serelebomafɛnu valé fɛ naane saa lé wa sɛrɛ.

1 Samuɛl 2:29

An banfɛnu valé an bɔvɔ fɛnu lé maa a fe léé, wa nɔ anlé kɔn gi, mɛmalé ka a wo sɛrɛnaa? Yé mɛmalé ’i benu we mini an lɛ, ’té ka buaan anlé munu Izraɛl lé balebanfɛ vininzannu nyaa?

1 Samuɛl 26:21

Saul léé: An wenyané kɛlɛ. An be David, ’i da é ziin, naa, maa ’ka dan wenyané kɛlɛ lɛ i lɛ é dɛrɛ lo, anlé tɛrɛla a fɛwezan nya i yuɛ gi kyɔ, azama. An we kɛlɛ bélé gwegyɛzan zo, yé an saan blɛn.