1 Samuɛl 15:23 - Kazambale lé Sebe Sauunu 1979

²³ Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 15:23 ပူးပေါင်းရင်းမြစ်များ

Wepélisiananu 31:19

Laban a ’élé ’blanu kyɛɛ bɔina aan wo Rasɛl é ti lé miyiliné si kyeen nya,

Wepélisiananu 31:34

Rasɛl miyilinénu si kɔɔn, yé é wo pa nyɔgɔmé punu nyanalafɛ wuo yé é nyana a ta. Laban sɔkɔngi?-?fɛnu faa gi fwi, yé é ’ka fɛ do ye lɛ lo.

2 Samuɛl 12:9

Mɛmalé i sɔn vɔ Gakelebale dére ma, we lé ke é naané a yuɛ gi, a kɛlɛle nyaa? I Éti mi Uri gyɛ gwɔun nya; bé na si izé nya yé bébozen gyɛ Amɔn munu lé gwɔun nya.

2 Samuɛl 7:15

naa, maa ’ka dan anlé zin si lɛ a ta, bélé fɛan zo lé maa a si Saul lé an sɔn vɔ a ma ilé we ma, a ta, a zo lo.

Minwiinzannu lé Wezuofe Sɛbɛ 10:13

Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

JOB (Job) 34:37

Élé sanlenu taa paan wenyané dɛrɛnu nya; Éé bɛ gya ko méléna Yé éé dére kiɛre fé Kazambale ma.

Lɛrɛvɔ Sɛbɛ 107:11

Wo Bale dére lɛga a ma, Wo Loruzan lé weplale ye boawe nya, azama.

Fwile 22:18

Té ka yokɛlɛlezan vo é yuɛma lo.

Ézai 19:3

Éjipiti munu léli fuu é dan si lɛ wo ta, we lé wa plaan ’wo ke lɛ, maa dan ’bɛ faa sɛrɛ lɛ. Wolé miyilinu koo, yokɛlɛzannu koo, miléli laazannu koo, tɛlɛ tɛlama wefezannu koo, wo dan we laa lɛ wo lee.

Ézai 8:19

Dé mi do lé ka lɛ léé: Kaa we laa miléli laamunu valé tɛlɛ tɛlama wefezannu lee, ’monédɔ ’furufɛnzannu valé gungyɛzannu lee, ’ka fe ’bɛzan lɛ léé: Mi ’ka we laan élé Bale lee loo? Woo mi yuɛmalenu lé we laan migalenu lee?

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 28:16

Amalé Gakelebale léma: Bé ye, maa i sié tɛrɛ ’ko la. I dan ga lɛ lɛɛ ’ko gi. Naa, i dérenu a nwa Bale ma dérenu nya.

Jérémi 29:32

amalé Gakelebale léma: Maa dan we lɛdɔ lɛ Nésélamizan Sémaéja gi, yee valé é kulunu nya; a kulu do kpen ’ka dan nyana lɛ munu ’ko va lo, yé we zin lé an dan a kɛlɛ lɛ anlé munu lɛ, wo ’ka dan ana ye lɛ lo. Naa, é nwa Gakelebale ma é dérenu nya. Maa Gakelebale ɛ ke a fena.

OZÉ (Osée) 13:11

Maa ka nwiinzan nɔ anlé bliflile nya, yé maa dan a si lɛ an wɛwɛ nya.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

Lévinu 20:27

Dé gɔné léé, dé le léé, dé woo migale léli laan, ɛɛ, dé woo ’moné dɔa, ’wo we lɛdɔ wo gi ga nya; ’wo wo gyɛ gɔlɛ nya; wo nyɛ a wobo nwiin.

Lévinu 20:6

Dé mi do go miléli laamunu valé ’monédɔmunu va, yé é wo kɛlɛwe kɛlɛ, maa dan dɔ lɛ a ma yé maa dan a si lɛ élé munu va.

Mi Nɔnɔle 14:9

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Kelewenu 13:22

’Bɛ zuo, é ’bɛ si ana, yé é David dɔ wo nwiinzan blɛn nya, yé é ’bɛlé we fe ’ko zo léé: Mi lé an gi bli ke a gi, maa ye, Izai be David lé. É dan anlé blibɔmawe faa kɛlɛle lɛ sɔɔ lɛ.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Galasi munu 5:20

miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo,

Bélidɔwesɛbɛ Fiézan 9:24

Maa ka dɔɔ a pélisia bléyi va fɔɔ kyɔ, ka a tɔnégiplɛplɛzannu nya Gakelebale ma.

Bélidɔwesɛbɛ Fiézan 9:7

Ka Gakelebale, kalé Bale bli fli bwi gi fɛan zo, a sele ’é dɔ ka gi; té ka gi é san ’bɛ ma lo. É sia yian nya lé ka si Éjipiti tɛrɛ la fɔɔ yé ka bɔ fɛkona ’ko, ka a tɔnégiplɛplɛzannu nya.

Jozué 22:15

Wo go Rubɛnnu koo, Gadnu koo, Manasé bɛn lɛgɔnɔ do koo, wo va Galaad tɛrɛ la yé wo lé wo lɛ léé:

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

1 Samuɛl 13:14

naa, sin, i plale wo nwiin ’ka dan mɔn lɛ lo. Mi do lé é sɔ Gakelebale lɛ a bli gi, é a si a va, yé Gakelebale a dɔ élé munu nwiinzan nya; we lé Gakelebale a fe i lɛ, i ’ka a kɛlɛ lɛ lo, azama.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.

1 Samuɛl 28:3

Samuɛl ga turu; Izraɛl faa a wuvɔ yé wa pa élé fla, Rama. Saul blagiézannu valé ’monédɔzannu si turu élé tɛrɛ la.