1 Samuɛl 15:11 - Kazambale lé Sebe Sauunu 1979

¹¹ Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.

1 Samuɛl 15:11 ပူးပေါင်းရင်းမြစ်များ

Wepélisiananu 6:6

Gakelebale bli kyɛ dɔ yé a bli nɔla mi kɛlɛle ma tɛrɛ la.

Wepélisiananu 6:7

Yé Gakelebale léé: Mɛmalé maa mi kɛlɛ tɛrɛ laa? Mi lé maa kɛlɛ bɛ, maa dan a si lɛ tɛrɛ la tata; yee koo, winu koo, tawoplɛlawinu koo, lagi mianénu koo, maa dan wo faa si lɛ tɛrɛ la tata.

2 Samuɛl 24:16

Lanje é bɛ soi Jérusalɛm ta a sɛrɛle we gi aan wo, Gakelebale bli nɔla wenyané ’ko ma yé é lé migyɛ lanje lɛ léé: É sɔ! ’I bɛ si ana sin. Gakelebale lé lanje bɔ Jébus mi Aravana lé ’sa sunwona sɔnɔ.

1 Minwiinzannu 11:9

Gakelebale bli fli Salomɔn ma; é bli si Gakelebale Izraɛl lé Bale lé, é bɔra a va gɔnɔ fié bɛ, a lɛ, azama.

Minwiinzannu lé Wezuofe Sɛbɛ 10:13

Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

Minwiinzannu lé Wezuofe Sɛbɛ 21:15

Kazambale lanje do pa zia léé, ’é Jérusalɛm guru zana a gi; é a kɛlɛna bléyian va, Gakelebale a nagini yé é bli nɔla we tɔntɔn kɛlɛle ma, yé é lé fɛ guru zanaagi lanje lɛ léé: É sɔ, ’i bɛ si ana sin. Gakelebale lé lanje a é dɔle Jébusi mi Oonan lé ’sa sunwona sɔnɔ.

JOB (Job) 34:27

Wo si a zuo Yé wo sɔn vɔ alé zinu faa ma,

Lɛrɛvɔ Sɛbɛ 109:4

Wo sɔ an lɛ, naa, wa an nyanézannu nya, Naa, an goo bazoro lɛ.

Lɛrɛvɔ Sɛbɛ 110:4

Gakelebale ébo ’nyɔɔn yé é ’ka dan é dére nɔla lɛ lo; É léé: Bii a Balebanzan nya Mɛlkizédɛk dɔbɛ gi lɛɛfaama.

Lɛrɛvɔ Sɛbɛ 119:136

Wo ’ka ilé bélidɔwenu kɛla lo, Amalé an yuɛyi éé yoroan bélé ’yi zo.

Lɛrɛvɔ Sɛbɛ 125:5

Naa, munu lé woo goo san zinu ta, Gakelebale, ’i wo sɛrɛ tata ma, wo valé wenaané kɛlɛzannu nya. Izraɛl munu, ’wo vo drɔɔ ma.

Lɛrɛvɔ Sɛbɛ 36:3

É ’ébo tɔrɔ paan Élé weple lɛ sɔɔle we ma, ’bɛ valé alé mi zapale lɛ sɔɔle we ma.

Lɛrɛvɔ Sɛbɛ 78:41

Wo ’ka daan lɛ Bale gi danle ma lo, Wo ’ka daan lɛ zɛn vɔle ma Izraɛl lé Mi Sauun lɛ lo.

Lɛrɛvɔ Sɛbɛ 78:57

Wo si Bale ma baa, wa bélé ’wo tranu zo, yé wo ’ka kɛlɛ lɛ yarapawelazannu nya lo, Wo nɔla bélé sawɔlɛ lé é zi buu, a zo.

Fwile 32:11

Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Fwile 32:14

Yé Gakelebale bli nɔla we tɔntɔn lé é a a va léé, é a kɛlɛ élé munu lɛ, a ma.

Jérémi 11:10

Wo nɔla wo tranu vininnu lé wo sɔn vɔ tɔné dɔle ma an dérenu lɛ, wolé weplenu zuo, yé wo go bale bɛnu zuo yé wo ’bɛnu bɔ; anlé gipawe lé maa a kɛlɛ wo tranu va bɛ, Izraɛl munu valé Juda munu a sɛrɛ.

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 34:16

Naa, ka dére nɔla sin yé ka an tɔ sɛrɛ; yé luugɔnénu valé luudanénu lé ka zi nɔ wo lɛ yé ka wo vo wobo ma bɛ, ka wo si é ziin, yé ka wo kɛlɛ luunu valé ka wuozannu nya wo pa gi gla nya.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi 9:18

’Wo gyɛ wuvɔ ko ta é kele ma, Yé ko yuɛyi ’é bɔra ma, Yé yuɛyi ’é yoro ko yuɛlakɔné gi ma.

Ézékiɛl 18:24

Dé mi tegele é yara si élé we tegele kɛlɛle ta ’té éé weple kɛla, dé é mi nyané lé bozowenu zuosona ’naan, é dan vo lɛ é yuɛmaa? Alé we tegele kɛlɛle sele é dan saan lɛ an gi, naa, é ébo nɔ weple valé wenyané kɛlɛle lɛ, amalé é dan ga lɛ.

Amɔs 7:3

Gakelebale bli nɔla ’bɛ ma. Gakelebale léma: We ’ko ’ka dan bɔ lɛ é dɛrɛ lo.

Jonas 3:10

Bale a ye léé, wa we ’ko kɛlɛna yé wo daan wolé weple kɛlɛle ma, yé we tɔntɔn lé é a a va léé, ’é a kɛla wo lɛ bɛ, é bli si a lɛ, yé é ’ka a kɛlɛ lɛ lo.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Sofoni 1:6

wo lé wo yara si Gakelebale la koo, wo lé wo ’ka maa Gakelebale naginian lo, ’té wo ’ka we laan an lee lo bɛ, maa dan wo faa kulu ga lɛ.

Matio 24:13

Naa, mian éé yara paan anlé we kɛlɛle ta fɔɔ yé é bɔ a ’wuo plana, ’bɛzan é dan si lɛ we gi.

Matio 5:44

Naa, maa lé ka lɛ léé: Ka nyanézannu ’é sɔ ka lɛ ma; munu lé woo bale paan ka ma, ’ka wo drɔɔ vo ma; ’ka wezin kɛlɛ ka zapamunu lɛ ma; munu lé woo nyané valé kle paan ka ta, ’ka bazoro wolé we ma ma.

WENÉNÉ LÉ LUK A GYE (Évangile selon Luc) 6:12

’Bɛ bléyi va Jézu go gɔ nwiin bazorole we gi, yé é tu kini bazorole nya Kazambale lɛ.

Ébrunu 10:38

Yé anlé mi tegele é dan béli lɛ blipale ma, naa, dé é diéra, an gi ’ka dan nana lɛ alé we ma lo.

Jozué 22:16

Gakelebale lé munu faa léma: Tɔnégiplɛplɛwe ’ko lé ka kɛlɛ Izraɛl lé Bale ma, ’bɛ gi lé nɔɔ? Yé mɛmalé ka diéra sin Gakelebale zuo yé ka balebanna kɛlɛ nwale Gakelebale ma we gi kyɔɔ?

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 13:13

Samuɛl lé Saul lɛ léé: Bé kɛlɛ ’tu nya; we lé Gakelebale, ilé Bale a fe i lɛ, i ’ka a kɛlɛ lɛ lo. Dé bé lɛdɔma kɔɔn, Gakelebale ’kanɔ i plale Izraɛl nwiin glɛ dɔa lo,

1 Samuɛl 15:10

Gakelebale we fe Samuɛl lɛ, yé é lé a lɛ léé:

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.

1 Samuɛl 15:35

Samuɛl ’ka go lɛ we lɛ Saul va é dɛrɛ lo fɔɔ yé a gayi bɔ a zo; naa, Gakelebale é bli nɔla Saul kɛlɛle Izraɛlnu nwiinzan blɛn nya ma, amalé Samuɛl Saul ma wuvɔ.

1 Samuɛl 15:9

Naa, Agaga koo, ’bla zimanu koo, dirigɔné zimanu koo, wi zinnu koo, ’blané nyɔnɔzannu koo, fɛnu faa lé ke é zima koo, Saul valé munu wo tadɔ, wo ’ka a va léé, wa sɛrɛ lo, naa, serelebomafɛnu valé fɛ naane saa lé wa sɛrɛ.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 8:6

We lé wa fena léé, ’i mi do dɔ ’wo nwiinzan blɛn nya yé ’é ’wolé we ble, é ’ka sɔ lɛ Samuɛl lɛ lo, yé Samuɛl bazoro Gakelebale lɛ.