1 Samuɛl 14:6 - Kazambale lé Sebe Sauunu 1979

⁶ Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 14:6 ပူးပေါင်းရင်းမြစ်များ

2 Samuɛl 1:20

Té ka a fe Gat lo, Té ka we ’ko zuo fe Azkalɔn lé zinu ta lo, Dé Filisitinu lunu gi é da nana, Dé ganedɔlozannu lunu é da mini ko lɛ.

2 Samuɛl 16:12

Dé Gakelebale é dan anlé nyané blele ye lɛ, yé é wezin kɛlɛ an lɛ kyɔ zé bale pale an ma pa gii?

2 Minwiinzannu 19:4

Dérenu lé Rabasaké a fe, ’té azan, Asirimunu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

2 Minwiinmunu lé Wezuofe Sɛbɛ 14:10

Aza Gakelebale, élé Bale laa, yé é léé: Gakelebale, bii do kpen ɛ bɔalɛ yé i bɔ mi tɔɔtɔɔ valé mi plɛplɛ va. Gakelebale, kolé Bale, ’i bɔ ko va. Naa, ko paan bii ɛ ta, yé ko bɔra sunya gu blɛn ’ko yara i tɔ gi. Gakelebale, bii ɛ ke kolé Bale nya; té mi i kele lo ma.

2 Minwiinmunu lé Wezuofe Sɛbɛ 14:11

Gakelebale Étiopinu gyɛ Azanu valé Judanu ’lɛ, yé Étiopinu vɔ fli gi.

Lɛrɛvɔ Sɛbɛ 135:6

We faa lé é sɔ Gakelebale lɛ léé, é a kɛlɛ, éé a kɛla, La gi koo, tɛrɛ la koo, Wɛyi va koo, guru faa wɔlɛ ma koo, wona.

Jérémi 9:23

Gakelebale léma: Té wedɔɔzan ébo tɔ bɔ élé wedɔɔle gi lo; Té mi plɛplɛ ébo tɔ bɔ élé plɛplɛ gi lo; Té fuablezan ébo tɔ bɔ élé fuafɛnu gi lo;

Jérémi 9:25

Ka ye, Gakelebale léma: A yi é dan bɔ lɛ, yé munu faa lé wo gane ke é dɔle, ’té wo bli ’ka é sile ’wo kɛlɛwe kyɛnnu lɛ lo, maa dan we lɛdɔ lɛ wo gi.

Jérémi 9:26

Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Zakari 4:6

Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Mi Nɔnɔle 10:32

Yé dé i da ko va, wezin lé Gakelebale é dan a kɛlɛ lɛ ko lɛ, é dan kɛlɛ lɛ i ginanamawe nya é ziin.

Mi Nɔnɔle 31:4

’Ka mi wuru soru soru si sunya nya Izraɛl bɛnnu faa do do gi.

Matio 19:26

Jézu wo nagini yé é lé wo lɛ léé: Munu ’ka bɔa a kɛlɛle lɛ lo, naa, Kazambale ɛ bɔa we faa kɛlɛle lɛ.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Jozué 14:12

Amalé gɔ ’ko lé Gakelebale alé we fe ’bɛ yi la, bé nɔ an lɛ; naa, bé ’ma lé Anak munu ana, yé ana flanu a blɛn yé wa plɛplɛ. Dé Gakelebale é dan kɛlɛ lɛ an vaa? yé an dan wo bin lɛ, Gakelebale a fe fɛan zo, a zo.

Weblezannu 15:18

’Yiminilɔrɔ a gyɛ é baba yé é Gakelebale laa, yé é léé: Bii ɛ sile we gi ’ko kɛlɛ i wuozan bɛ nya; sin, maa é gan ’yiminilɔrɔ lee, yé ganedɔlozannu an kun?

1 Samuɛl 14:5

A do a yirinwana bɛbolazia Mikimas yara, yé a do a yirinwana bɛyilazia Géba yara.

1 Samuɛl 14:7

Jonatan lé gulidanfɛnu kɔné sizan lé a lɛ léé: Dé wean sɔ i lɛ, bé kɛlɛ, dé fɛana sɔ i lɛ, ’i go ana. Dé i go fɛofɛana, maa go i zuo.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.

1 Samuɛl 17:46

Kyɔ Gakelebale é dan i pa lɛ an lee, an dan i gyɛ lɛ yé an dan i ’wuo kini lɛ; kyɔ an dan Filisitinu galenu nɔ lɛ lagi mianénu valé tɛrɛlawinu lɛ. Yé tɛrɛ faa é dan a gi dɔɔ lɛ léé, Izraɛl lé Bale ana.

1 Samuɛl 17:47

Yé mi gbau ’ko faa é dan a gi dɔɔ lɛ léé, Gakelebale ’ka mi sié we gi gwɔun valé din nya lo. Guliwuo éé voo Gakelebale lɛ. Yé é dan ka pa lɛ ko lee.

1 Samuɛl 31:4

Yé Saul lé élé gulidanfɛnu kɔné sizan lɛ léé: ’Ilé gwɔun si é kɔlɛ gi yé ’i an fɔn a nya, dé ganedɔlomunu ’ko é da maa fɔn yé wo we nana an ma. Kana zén alé gulidanfɛnu kɔnésizan gi yé é ’ka a nyi si lɛ lo. Yé Saul élé gwɔun si yé ébo vɔ a ’léé.