1 Samuɛl 14:45 - Kazambale lé Sebe Sauunu 1979

⁴⁵ Munu lé Saul lɛ léé: Jonatan lé é Izraɛl si we blɛn gi ’naan, yee ɛ gaan? Monomono lo! Gakelebale a é yuɛma. Yee valé Bale we kɛlɛ ékeva kyɔ, amalé a nwin gɔ do kpen ’ka dan dia lɛ tɛrɛ va lo. ’Bɛ zo lé munu Jonatan béli yé é ’ka ga lɛ lo.

1 Samuɛl 14:45 ပူးပေါင်းရင်းမြစ်များ

2 Samuɛl 14:11

É léé: Gakelebale, ilé Bale sele é dɔ minwiinzan gi ma; té nyɛ lɛipazan é guru zanagiwe lɛ si, yé wo an be gyɛ zamaga nya lo we gi. Yé David léé: Gakelebale a é yuɛma. I be nwin gɔ do kpen ’ka dan dia lɛ tɛrɛ la lo.

1 Minwiinzannu 1:52

Salomɔn léé: Dé ébo nagɔɔn mi tegele nya, a nwiin nwin gɔ do kpen ’ka dan dia lɛ tɛrɛ va lo; naa, dé wo we ple ye a gi, é dan ga lɛ.

2 Minwiinmunu lé Wezuofe Sɛbɛ 19:11

Bé ye, Balebanmunu ’lɛzan Amaria a ka nwiinzan nya Gakelebale lé wenu faa gi, yé Ismaɛl be Zébadia a Judanu nwiinzan nya minwiinzan blɛn lé wenu faa gi. Yé Lévinu a ka ’lɛ dutinu nya. ’Kabo dɔ plɛplɛ yé ’ka we kɛlɛ, yé Gakelebale ’é kɛlɛ wezin kɛlɛzannu va ma.

Néémi 9:27

Yé i wo vo wo nyanézannu lee, ’té ’bɛnu éé yaan wo ta. Naa, wolé kle ble bléyi va, wo siaa i lɛ, yé bii, i wolé siaalenu ’ma i nyanana la gi loru. Yé ilé nyanai zénle blɛn gi i wo tawe kɛlɛzannu nɔ wo lɛ yé ’bɛnu wo si wo nyanézannu lee.

Ézai 13:3

Anlé sunyanu lé maa wo si a va, an dére nɔ wo lɛ; anlé nyanazannu, anlé bliflile lɛsɔɔzannu, maa wo laa. Munu lé wo gi nana an blɛn ma, maa wo laa.

Matio 10:30

Yé é ziin, ka nwin gɔ faa a é nɔnɔle.

WENÉNÉ LÉ LUK A GYE (Évangile selon Luc) 21:18

Naa, ka nwiin nwun gɔ do kpen ’ka dan san lɛ lo;

Kelewenu 14:27

Wo bɔ aan wo, wo léglizigimunu zén ékeva. Yé we faa lé Kazambale a kɛlɛ wo nya, é valé fɛan zo lé Kazambale zi lɛ so bɛnnu lɛ yé wo wɔra alé we gi, wa zuo fe ’bɛnu lɛ.

Kelewenu 15:12

Munu faa lé wo ke é zénle ékeva bɛ, wo vo é tadɔle, yé wo ’wo tɔné dɔ Banabas valé Pɔl lɛ. Gyɛzorowenu faa valé we blɛnblɛnnu faa lé Kazambale a kɛlɛ wo nya bɛn bɛnu méléna, wa zuo fe wo lɛ.

Kelewenu 21:19

Dé Pɔl we wo va faa, wenu lé Kazambale a kɛlɛ bɛn bɛnu méléna alé nyanama ma, é a faa zuo fe wo lɛ.

Kelewenu 27:34

Amalé, maa lé ka lɛ léé, ’ka fɛ ble, é a lé ka ’bɛ kɛlɛ ka sile we gi we ma, naa, ka nwin gɔ do kpen ’ka dan san lɛ ka lee lo.

Rom munu 15:18

Naa, wenu lé Jézu Krist a kɛlɛ maa nya, yé bɛn bɛnu ’é kɛlɛ a lɛdɔmazannu nya, ’bɛ we saa lé maa a fé, maa ’ka we bɛ fé lo. An dére valé an kɛlɛwenu koo,

1 Korent munu 3:9

Naa, konu valé Kazambale éé nyanama paan ékeva. Ka a Kazambale lé féi nya; ka a Kazambale lé kɔn nya.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:14

Lai sunyanu da a zuo wisoonu ta, lɛnsɔ zima fu gibɔle nya ’wo ta.

1 Samuɛl 11:13

Naa, Saul léé: Wo ’ka dan mi do kpen gyɛ lɛ kyɔ lo, Gakelebale Izraɛl si we gi kyɔ, azama.

1 Samuɛl 14:23

Gakelebale Izraɛl si we gi ’bɛ yi nya yé wo go guli danle nya fɔɔ Bɛt‐Avan zi.

1 Samuɛl 14:46

Saul daan Filisitinu zuo binle ma yé Filisitinu go ’wo va.

1 Samuɛl 19:5

é bli si é ga lɛ, é Filisiti mi gyɛ yé Gakelebale Izraɛl faa si we blɛn gi. Bé ye, yé i gi nana a we ma. Mɛmalé i dan wenyané kɛlɛ lɛ mi zin lɛ yé i David gyɛ é boaa?