1 Samuɛl 13:4 - Kazambale lé Sebe Sauunu 1979

⁴ Izraɛl faa a ’ma léé, wa fena léé, Saul lé guli bɛ dia Filisitinu sunya palu do ta, yé Izraɛl gin dɔ Filisitinu nyé gi. Yé wo munu laa léé, ’wo go Saul va Gilgal.

1 Samuɛl 13:4 ပူးပေါင်းရင်းမြစ်များ

Wepélisiananu 34:30

Jakɔb lé Siméɔn valé Lévi lɛ léé: Ka an sɛrɛ yé ka an gin dɔ tɛrɛ ’ko la munu nyé gi, Kanaannu valé Férézinu nyé gi. An vamunu ’ka kiɛre lo. Wo dan zén lɛ ékeva an ma yé wo dan an bla lɛ yé wo dan an kulu ga lɛ, maa valé anlé munu nya.

Wepélisiananu 46:34

ka panyanama a kaa? ka a fe léma: É sia ko kiéné la bléyi va fɔɔ bléyi ’ko va, ko valé ko tinu, ko a trubɛ tabinmunu nya. Dé ka fe ’bɛ zo, ka dan nyana lɛ Gozɛn tɛrɛ la, naa, trubɛ tabinmunu faa a mi lɛrɛlɛrɛ nya Éjipiti munu yuɛ gi.

2 Samuɛl 10:6

Amɔn munu a ye aan wo léé, ’wo gin dɔ David nyé gi, wo sunyanu laa léé, ’wo da bɔ ’wo va yé ’wo wo banwo; Bɛt‐Réob Sirimunu valé Tesoba Sirimunu lé gane la tawo sunyanu a baa vu; Maaka nwiinzan lé munu a mi wuru soru, yé Tob lé munu a mi baa suiɛdo.

Fwile 5:21

Wo lé wo lɛ léé: Gakelebale ’é ka ye ma, yé é a we ble ma. Ka ko gin dɔ Faraɔn valé é wuomunu nyé gi, yé ka gwɔun pa wo lee ko gyɛle we gi.

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

Jozué 5:9

Gakelebale lé Jozué lɛ léé: Kyɔ maa Éjipiti tɛrɛ la yaragyɛwe si ka ’wuo ma. Woo fɛkona laama Gilgal fɔɔ kyɔ yi nya.

1 Samuɛl 10:8

’Bɛ zuo i dan go lɛ tɛrɛ zia Gilgal an ’lɛ; yé maa dan da lɛ i va, balebanwi lé wa kyɛ blé, a nɔle valé bɔvɔ saraka bole we ma. I dan an lɛbɛn lɛ yi sɔrafié, fɔɔ yé an da i va, yé we lé é a lé bé kɛlɛ, yé maa a fe i lɛ.

1 Samuɛl 27:12

Akis bli vo David lɛ, yé é a fena léé: Ébo gin dɔ élé munu Izraɛl nyé gi, yé é dan kɛlɛ lɛ an wuozan nya lɛɛfaama.