1 Samuɛl 13:14 - Kazambale lé Sebe Sauunu 1979

¹⁴ naa, sin, i plale wo nwiin ’ka dan mɔn lɛ lo. Mi do lé é sɔ Gakelebale lɛ a bli gi, é a si a va, yé Gakelebale a dɔ élé munu nwiinzan nya; we lé Gakelebale a fe i lɛ, i ’ka a kɛlɛ lɛ lo, azama.

1 Samuɛl 13:14 ပူးပေါင်းရင်းမြစ်များ

2 Samuɛl 5:2

É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

2 Samuɛl 6:21

David a zi pa Mikal lɛ léé: Gakelebale lé é i ti valé élé kɔn faa vo yé é an si a va an kɛlɛle Gakelebale lé munu, Izraɛl munu nwiinzan nya we gi bɛ, yee Gakelebale ’lɛ lé an ke nɛnɛ bona.

2 Minwiinzannu 20:5

’I diéra, bé fe anlé munu nwiinzan Ézékia lɛ léma: Gakelebale, i tra David lé Bale léma: Maa ilé bazoro dére ’ma, maa i yuɛ’yi ye. Bé ye, maa dan i béli lɛ; a yi yaazan nya i dan go lɛ Gakelebale lé kɔn gi.

Minwiinzannu lé Wezuofe Sɛbɛ 10:13

Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

Lɛrɛvɔ Sɛbɛ 78:70

É ’é wuozan David si a va, Yé é a si ’blanu tabinna;

Wegɔnévɔlenu 27:24

naa, fuafɛnu ’ka voo ana yifaama lo, yé tɔkoro ’ka mɔn‐o lɛɛfaama lo.

Ézai 39:5

Yé Ézai lé Ézékia lɛ léé: ’I tɔné dɔ lai sunyanu lé Gakelebale dére lɛ.

Kelewenu 13:22

’Bɛ zuo, é ’bɛ si ana, yé é David dɔ wo nwiinzan blɛn nya, yé é ’bɛlé we fe ’ko zo léé: Mi lé an gi bli ke a gi, maa ye, Izai be David lé. É dan anlé blibɔmawe faa kɛlɛle lɛ sɔɔ lɛ.

Kelewenu 7:46

David kɛlɛ mi zin nya Kazambale yuɛ gi yé ’bɛ a laa Bale lee léé, ’é kɔn dɔa Jakɔb lé Bale zé nya;

Ébrunu 2:10

Naa, Kazambale lé, fɛnu faa ke azé nya, ’té é wo faa kɛlɛ bɛ, é sɔ a lɛ léé, mi kiɛre ’é kɛlɛ ’é benu nya yé ’é wo kɛlɛ fua nya, yé é a é zima léé, mi lé é wo béliwe bɔra bɛ, Kazambale ’é gun si a ma alé nyanéblele nya.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 15:26

Samuɛl lé Saul lɛ léé: I sɔn vɔ Gakelebale dére ma, yé Gakelebale sɔn vɔ i ma, té i kɛlɛ Izraɛl nwiinzan nya é dɛrɛ lo we gi, amalé an ’ka dan go lɛ i va lo.

1 Samuɛl 15:28

Samuɛl lé a lɛ léé: Gakelebale i kɛlɛle Izraɛl nwiinzan nya se si i lee kyɔ yé é a nɔ mi bɛ lé ’bɛ ke é zima é mini bii ta, a lɛ.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 16:12

Yé Izai mi pa zia a laana. Naa, é a fu yé a yuɛ a é zima yé a yara a é nɔnɔmi. Gakelebale lé Samuɛl lɛ léé: ’I nwa, ’i nyɔnɔ zén a nwiin, naa, yee lé sin bɛ.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.

1 Samuɛl 24:20

Dé mi valé é nyanézan kee ’naan, é a vo tawona drɔɔ élé zi taa? We lé bé kɛlɛ an lɛ kyɔ, Gakelebale ’é i banwo a we ma ma.

1 Samuɛl 25:30

Weboen faa lé Gakelebale a fe i lɛ, dé Gakelebale a faa lɛ sɔɔ anzan lɛ, yé é i pla Izraɛl nwiin,

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.