1 Samuɛl 12:9 - Kazambale lé Sebe Sauunu 1979

⁹ Naa, wo gi san Gakelebale wolé Bale ma; yé é wo dan Asɔɔ sunyanu nwiinzan Sizéra koo, Filisitinu koo, Moab nwiinzan koo, wo lee, yé wo guli dan wo nya.

1 Samuɛl 12:9 ပူးပေါင်းရင်းမြစ်များ

2 Samuɛl 7:11

bélé bléyian va lé maa anlé munu Izraɛl taweblezannu dɔ ’bɛ bléyi zo lo. Maa flinle nɔ i lɛ, i sile i nyanémunu lee nya. Yé Gakelebale lé i lɛ léé, ’é dan i fan lɛ.

Lɛrɛvɔ Sɛbɛ 106:21

Wo Siéwegizan Bale lé É we blɛnnu kɛlɛ Éjipiti tɛrɛ la,

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Jérémi 2:32

Blɛnné gi éé saan é ’lɛrɛfɛnu maa? Bosizan gi éé saan élé fɛwezan maa? Naa, anlé munu gi san an ma yi kiɛre boen nya.

Bélidɔwesɛbɛ Fiézan 32:18

Gɔlɛ lé é i kɛlɛ, i sɔn vɔ a ma, Yé Bale lé é i yaa, i gi san a ma.

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?

Weblezannu 10:7

Gakelebale bli fli Izraɛl ma yé é wo dan Filisitinu valé Amɔn benu lee.

Weblezannu 13:1

Izraɛl lé nénu Gakelebale ’namawe kɛlɛ é ziin; yé Gakelebale wo pa Filisitinu lee, lɛɛ yɔ fié wuo.

Weblezannu 2:14

Gakelebale bli fli Izraɛl ma. É wo pa gulizarafɛ sizannu lee, yé ’bɛnu gulizarafɛnu si wo lee. É wo dan wo nyanézannu lé wo ke wo zi, wo lee, yé wo ’ka bɔa lɛ yé wo dɔ wo nyanézannu ’lɛ é dɛrɛ lo.

Weblezannu 3:12

We lé é ’ka sɔ lɛ Gakelebale lɛ lo, Izraɛl lé nénu a kɛlɛ é ziin; Gakelebale plɛplɛ nɔ Moab nwiinzan Églɔn lɛ Izraɛl ma; we lé é ’ka sɔ lɛ Gakelebale lɛ lo, wa kɛlɛ, azama.

Weblezannu 3:31

Éud é zuo, Anat be Samagaa nwa. É Filisitinu gyɛ mi wuru yaa diritabin foroné nya. Yé yee é ziin, é kɛlɛ Izraɛlnu voébomazan do nya.

Weblezannu 4:2

Gakelebale wo dan Kanaan nwiinzan Jabɛn lé é pla munu nwiin Asɔɔ, a lee. Alé sunyanu nwiinzan a Sizéra nya, yé é nyana Arosɛt‐Goim.

1 Samuɛl 12:15

Naa, dé ka ’ka Gakelebale dére lɛdɔ lɛ a ma lo, dé ka sɔn vɔ Gakelebale dére ma, Gakelebale bɛ é dan kɛlɛ lɛ ka ma, é kɛlɛ ka tinu ma fɛan zo, a zo.