1 Samuɛl 12:21 - Kazambale lé Sebe Sauunu 1979

²¹ té ka diéra lo; dé ’bɛ kaan lo ka dan go lɛ boafɛnu zuo, ’té wo tɔnɔ ’ka lo yé wo ’ka ka sié we gi lo; wa boafɛnu nya, azama.

1 Samuɛl 12:21 ပူးပေါင်းရင်းမြစ်များ

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

Ézai 41:29

Ka ye, wo faa a é boa, Wo kɛlɛwe ’ka lo, Wolé miyilinu a bélé fu zo é pla.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Ézai 46:7

Wa kɔné sié wo bɛapa la, Wa dɔraan é dɔrana yé é vo ana; É ’ka kɔɔma é dɔna lo; Woo siaan a lɛ, naa, é ’ka a zi paan lo, É ’ka wo sié wolé kleblele gi lo.

Jérémi 10:15

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:5

Gakelebale léma: Ka tranu mɛ weple ɛ ye an gi Yé wo si an ma baa Yé wo go boafɛnu zuo yé wobozen kɛlɛ boamunu nyaa?

Jonas 2:8

Bléyian va lé anboen fuu si é ta, Gakelebale sele dɔ an gi, Yé anlé bazoro dére go fɔɔ i va, Ilé kɔn sauun gi.

Jonas 2:9

Munu lé wo ’wobo yere boamiyili ma, Wo ’wobo si mi lé éé zin kɛla wo lɛ, a ma.

Abaku 2:18

Miyili nyaale tɔnɔ a mɛ fɛ nya yé nyanamapazan a nyaan? Yé fɛfoto selele lé éé viéwe paan mi gi, ’bɛ é mɛ we nyian wo mi ma, yé nyanamapazan lé é a sele bɛ, yé éé paan a taa? dɔlé ’té é a bobogyɛ miyilinu ɛ kɛlɛna bɛ.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

1 Korent munu 8:4

Yobanwi blele lé we a ’ko zo: ko a gi dɔɔ léé, miyili ’ka we do nya tɛrɛ la lo, yé Bale a do kpen.

Bélidɔwesɛbɛ Fiézan 11:16

’Ka yuɛ pa kabozen va é zima, dé Bale é da sɛrɛ ka gi yé ka nɔla yé ka bale bɛnu bɔ yé ka dia wo wuo.

Bélidɔwesɛbɛ Fiézan 30:17

Naa, dé ka bli si a lɛ, dé ka ’ka a lɛdɔ lɛ a ma lo, dé ka bli go ka nya yé ka dia bale bɛnu ’lɛ yé ka wo bɔ,

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.