1 Samuɛl 12:20 - Kazambale lé Sebe Sauunu 1979

²⁰ Samuɛl lé munu lɛ léé: Té ka kana lo. Weboen lé, ka wenyané kɛlɛ; naa, té ka diéra Gakelebale zuo lo, ’ka a bɔ ka bli faa nya;

1 Samuɛl 12:20 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Lɛrɛvɔ Sɛbɛ 101:3

Maa ’ka dan we lɛrɛlɛrɛ do kpen vo lɛ an yuɛ gi lo. Diérazannu lé tawobɛ za a an gi; É ’ka dan vɔ lɛ an lee lo.

Lɛrɛvɔ Sɛbɛ 125:5

Naa, munu lé woo goo san zinu ta, Gakelebale, ’i wo sɛrɛ tata ma, wo valé wenaané kɛlɛzannu nya. Izraɛl munu, ’wo vo drɔɔ ma.

Lɛrɛvɔ Sɛbɛ 40:4

Yé é lɛrɛ dɛrɛ paa an gi, Kolé Bale tɔbɔlɛrɛ lé. Mi kiɛre ’bɛ ye, yé wo kana Gakelebale lee, Yé wo pa a ta.

Fwile 23:25

Ka dan Gakelebale, kalé Bale bɔ lɛ, yé é dan kalé fɛblele valé kalé ’yi drɔɔ vo lɛ, yé maa dan gyɛ si lɛ ka méléna.

Fwile 32:30

’Bɛ é tu kini, Moizi lé munu lɛ léé: Ka wenyané blɛn kɛlɛ. Sin, maa dan go lɛ Gakelebale va loru; dé an zanté vɔ, dé é dan a nyi si lɛɛ?

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Agajé 2:5

Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 11:16

’Ka yuɛ pa kabozen va é zima, dé Bale é da sɛrɛ ka gi yé ka nɔla yé ka bale bɛnu bɔ yé ka dia wo wuo.

Bélidɔwesɛbɛ Fiézan 31:29

Naa, maa a gi dɔɔ léé, an gale zuo, ka dan kabo sɛrɛ lɛ; yé tawobɛ lé maa a gɔɔn ka lɛ, ka dan si lɛ ’bɛ zuo; we lé ke naané Gakelebale yuɛ gi, dé ka ’bɛ kɛlɛ fɔɔ yé ka Bale bli fli ka bɛ kɛlɛfɛnu nya, é dan nyaa lɛ wenaané bɔle nya ka ma.

Jozué 23:6

We faa lé wa gyɛ Moizi lé bélidɔwe sɛbɛ gi, ’ka yara pa a kɛlɛle valé a ta tawole ta tegele, té ka nɔla, dé ka bɛyilazia lé, dé ka bɛbolazia lé, ana lo.

1 Piɛri 3:16

’té kalé wevasibli ’ka we dɔa ka nwiin lo. ’Ka kɛlɛ ’bɛ zo, yé dé munu ka tɔ sɛrɛ, yara é dan kalé Krist zuo tawobɛ sɔnɔzannu gyɛ lɛ.

1 Samuɛl 12:19

Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.