1 Samuɛl 12:19 - Kazambale lé Sebe Sauunu 1979

¹⁹ Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.

1 Samuɛl 12:19 ပူးပေါင်းရင်းမြစ်များ

Wepélisiananu 20:7

Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

JOB (Job) 37:13

É a bélé vlewɔlɛ lé élé tɛrɛ blaan a nya, a zo. Éé wo bɔraan é ziin élé sɔlɛle tɔmase nya.

JOB (Job) 42:8

Sin, ’ka dirigɔné sɔrafié valé ’blagɔné sɔrafié si, ’ka goan an wuozan Job lɛ, yé ’ka wo nɔ, balebanwi lé wa kyɛ blé, a nya, kabo lé we ma. An wuozan Job é dan bazoro lɛ ka tɔ ma, yé a pli zi lé maa ’ka dan we kɛlɛ lɛ ka lɛ kalé tavowe yɛrama lo; naa, ka ’ka anlé we fe lɛ ’é fena bélé an wuozan Job a fe fɛan zo, a zo lo.

Fwile 10:17

Naa, ’i an ma we vo kyɔ yi do kpen ’ko nya; ’ka bazoro Gakelebale, kalé Bale lɛ léé, ’é dunuvɔmagyɛ ’ko si an ma é ziin.

Fwile 32:30

’Bɛ é tu kini, Moizi lé munu lɛ léé: Ka wenyané blɛn kɛlɛ. Sin, maa dan go lɛ Gakelebale va loru; dé an zanté vɔ, dé é dan a nyi si lɛɛ?

Fwile 9:28

’Ka bazoro Gakelebale lɛ léé, té zagele banle valé goowɔlɛlɛɛ é kɛlɛ é dɛrɛ lo; maa dan daan lɛ ka ma, ’ka go, yé wo ’ka dan kun lɛ ka ma é dɛrɛ lo.

Ézai 26:16

Dé kleblele bɔ munu ma, wo i nagini; Dé i we lɛdɔ wo gi, wo kun bazorole ma.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 27:18

Dé wa balelayezannu nya webozen nya, yé dé Gakelebale dére a wo ’léé webozen nya, ’wo muun pa lai sunyanu lé Gakelebale la léé, nyanamapafɛnu lé woo voo Gakelebale lé kɔn valé Juda nwiinzan blɛn lé kɔn gi valé Jérusalɛm, té ’wo go wo nya Babilɔn lo.

Jérémi 37:3

Minwiinzan blɛn Sédésias Sélémia be Jukal valé Balebanzan Maaséja be Sofoni pa zia balelayezan Jérémi va a fele nya ’bɛ lɛ léé: Ko Gakelebale kolé Bale muun pa i ta.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Malasi 1:9

Sin, ’ka bazoro Gakelebale lɛ léé, a nyanai ’é zén ko ta. É dan ka si lɛ é zimaa? É si ka ɛ va. A zo lé lai sunyanu lé Gakelebale a fe.

Mi Nɔnɔle 21:7

Munu da Moizi va, yé wo léé: Ko wenyané kɛlɛ, naa, ko we fe Gakelebale ma yé ko we fe i ma. ’I bazoro Gakelebale lɛ, ’é méné ’konu si ko ma. Moizi bazoro munu tɔ ma.

Kelewenu 8:24

Simɔn lé a lɛ léé: Kabozen ’é zanté vɔ Mizambale lɛ an lɛ, yé we lé ka a fe, té a do kpen é bɔ an ma lo.

SEBE LÉ JAK A GYE (Épitre de Jacques) 5:15

Yé ba lé wa zoro blipale nya é dan gyɛkɛlɛzan béli lɛ, yé Mizambale é dan a nwa lɛ, yé dé é wenyanénu kɛlɛ, Bale é dan a ma we vo lɛ.

1 Jan 5:16

Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.

1 Samuɛl 12:13

Amalé ka nwiinzan lé ka a si a va, ka nwiinzan lé ka a ma laa, yee lo; ka ye, Gakelebale ka nwiinzan dɔ.

1 Samuɛl 12:17

Buruwɔlɛ gyɛbléyian ke ’ko loo? Maa dan Gakelebale laa lɛ yé é dan zagelenu ban lɛ yé é lɛɛ pa zia, kalé a gi dɔɔle we gi léé, ka wenyané kɛlɛ Gakelebale ma ka nwiinzan ma laale nya.

1 Samuɛl 12:20

Samuɛl lé munu lɛ léé: Té ka kana lo. Weboen lé, ka wenyané kɛlɛ; naa, té ka diéra Gakelebale zuo lo, ’ka a bɔ ka bli faa nya;

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 7:5

Samuɛl léé: ’Ka Izraɛl faa zén ékeva Misipa yé maa dan bazoro lɛ Gakelebale lɛ kalé we ma. Yé wo zén ékeva Misipa.

1 Samuɛl 7:8

yé wo lé Samuɛl lɛ léé: Té i daan siaale ma Gakelebale, kolé Bale lɛ kolé we ma lo, alé ko sile Filisitinu lee we gi.

1 Samuɛl 8:6

We lé wa fena léé, ’i mi do dɔ ’wo nwiinzan blɛn nya yé ’é ’wolé we ble, é ’ka sɔ lɛ Samuɛl lɛ lo, yé Samuɛl bazoro Gakelebale lɛ.