1 Samuɛl 10:5 - Kazambale lé Sebe Sauunu 1979

⁵ ’Bɛ zuo i dan bɔ lɛ Gibéa‐Eloim, fɛana lé Filisitinu lé sunyanu palu do ke, ana. Dé i bɔra fla tɔɔn, ka dan kee lɛ balelayemunu palu do lé wo ke sina loru balebanna, wo nya, ’té kpélégyɛzan koo, poogyɛzan koo, séénfɛnzan koo, kɔnɔgyɛzan koo, wa wo ’lɛ, ’té wobozen éé balelawe fé.

1 Samuɛl 10:5 ပူးပေါင်းရင်းမြစ်များ

1 Minwiinzannu 18:29

Yiéyi gié aan wo, wo vo balelawe fena fɔɔ yé Bale lé saraka bobléyi bɔ. Naa, dére koo, we zi pale koo, tɔné dɔle tɔmase koo, a do kpen ’ka kɛlɛ lɛ lo.

2 Minwiinzannu 2:15

Balelayemunu lé ke Jériko yara, wa ye aan wo, wo léé: Éli léli vɔ Élizé ta. Yé wo go a si lɛ zia yé wo dia ’wo bli la a ’lɛ.

2 Minwiinzannu 2:3

Balelayezannu lé wo ke Bétɛl, wo da Élizé va yé wo lé a lɛ léé: Bé gi dɔɔ léé, Gakelebale é dan go lɛ kyɔ izan nya loruu? Yé é a zi pa léé: Maa a gi dɔɔ é ziin; ’ka tadɔ.

2 Minwiinzannu 2:5

Balelayezannu lé wo ke Jériko, wo bié Élizé va yé wo lé a lɛ léé: Bé gi dɔɔ léé, Gakelebale é dan go lɛ kyɔ izan nya loruu? Yé é a zi pa léé: Maa a gi dɔɔ é ziin; ’ka tadɔ.

2 Minwiinzannu 2:7

Balelayezannu va mi yɔ fié wɔlɛ vu da yé wo dɔ Juudɛn ’lɛ baa sɛ, yé woo mi fié dɔ Juudɛn gɔɔn ma.

2 Minwiinzannu 3:15

Naa, sin, ’ka da kɔnɔgyɛzan do nya an lɛ. Kɔnɔgyɛzan a kɔnɔ gyɛna bléyian va, Gakelebale ’é bɛ pla Élizé ta.

2 Minwiinzannu 4:38

Élizé da Gilgal é ziin, yé lɔrɔ dɔ ana tɛrɛ la. Balelayemunu a é nyanale a ’lɛ, yé é lé é wuozan lɛ léé: ’I bɔ blɛn dɔ kyɛ ta, yé ’i zian dɔne Balelayemunu lɛ.

2 Minwiinzannu 6:1

Balelayemunu lé Élizé lɛ léé: Bé ye, fɛana lé ko ke é nyanale i va ana ’ko, ana a kiéné ko ma.

Minwiinzannu lé Wezuofe Sɛbɛ 11:16

David a guliyɔɔkɔn plɛplɛ gi, ’té Filisitinu lé sunya palu do a é nyanale Bɛtléɛm.

Minwiinzannu lé Wezuofe Sɛbɛ 13:8

David valé Izraɛlnu faa nɛnɛ bo wolé plɛplɛ faa nya Gakelebale ’lɛ, ’té woo lɛrɛ vɔa kɔnɔnu koo, kpélénu koo, flinnu koo, kɔanu koo, bélinu koo, wo va.

Minwiinzannu lé Wezuofe Sɛbɛ 16:42

Éman valé Jédutun a wo va, bélinu koo, kɔanu koo, fɛ bɛnu lé woo lɛrɛ vɔa wo va yé wo Kazambale tɔ bɔ koo, wo ’bɛnu bɛ pa ’bɛnu ɛ lee. Jédutun benu a kɔntayuɛpazannu nya.

Minwiinzannu lé Wezuofe Sɛbɛ 16:5

A vininzan a Azafa nya; ’bɛ é zuo a fiézan a Zakari nya, ’bɛ é zuo Jéiɛl, Sémiramɔt, Jééiɛl, Matitia, Éliab, Bénaja, Obɛd‐Édom valé Jéiɛl. Lɛrɛvɔvafɛnu a wo lee, gitaanu valé kɔnɔnu nya; yé Azafa kɔanu gyɛ.

Lɛrɛvɔ Sɛbɛ 49:4

Wedɔɔdérenu é dan bɔra lɛ an ’léé, Yé an bɔn‐in bɔrɔle a ’wuoatawe saa nya.

Lɛrɛvɔ Sɛbɛ 92:3

Ilé zin zana dɔɔle bladi a é zima, Yé i yara pale we ta zana dɔɔle é béli a é zima,

1 Korent munu 14:1

’Ka kwa kuli yé sɔlɛle ’é kɛlɛ ka gi. ’Bɛ zuo ka bli ’é bɔ Kazambale Léli lé blɛnu ma, naa, blɛ bɛnu faa ta loru, ka bli ’é bɔ balelawefe blɛ ma.

1 Samuɛl 10:10

Wo bɔ Gibéa aan wo, wo kee balelayezannu palu do nya. Bale Léli a kun yé é balelawe fe wo va.

1 Samuɛl 10:4

Wo dan i sina laa lɛ, yé wo dan buru fié nɔ lɛ i lɛ, yé bé si wo lee.

1 Samuɛl 13:2

é Izraɛl munu si a va mi baa do wuru soru; mi baa do a yee ɛ va Mikimas valé Bétɛl gɔ nwiin yé mi wuru soru a Jonatan va Gibéa, Bɛnjamɛn tɛrɛ la. É mi pɔnénu pa zia wolé sɔkɔn ’léé do do.

1 Samuɛl 13:3

Filisitinu sunyanu palu do lé ke Géba, Jonatan bɛ mini wo lɛ, yé Filisitinu a ’ma. Saul léé, ’wo béli fɛn tɛrɛ faa la, a fele nya léé: Ébrunu, ’ka tɔné dɔ ma.

1 Samuɛl 19:20

Saul munu nwunvɔ David kunle we gi. Naa, wo balelayemunu ye balelawe fena aan wo, ’té Samuɛl a wo ’lɛzan nya, Bale Léli Saul lé nwunvɔmunu kun, yé wo é ziin wo kun balelawe fele ma.

1 Samuɛl 9:12

Wa zi pa wo lɛ léé: Iin, é a i ’lɛ miɛ, ’ka go fiéfié, naa, munu a saraka bona balebanna loru na, amalé é da kyɔ.