1 Samuɛl 10:24 - Kazambale lé Sebe Sauunu 1979

²⁴ Samuɛl lé munu faa lɛ léé: Mi lé Gakelebale a si a va, ka yee? A bɔmazan ’ka munu faa méléna lo. Yé munu faa siaa léé: Ko nwiinzan blɛn ’é vo é yuɛma ma!

1 Samuɛl 10:24 ပူးပေါင်းရင်းမြစ်များ

2 Samuɛl 16:16

David béé, Aaki mi Usai bɔ Abusalɔm va aan wo, é lé a lɛ léé: Minwiinzan ’é vo é yuɛma ma! Minwiinzan ’é vo é yuɛma ma!

2 Samuɛl 21:6

bɛwemalé ’ka a benu va mi sɔrafié nɔ ko lɛ yé ko dan wo dun lɛ, Saul lé ke Gakelebale lé mi vabole nya, alé fla Gibéa ta. Yé minwiinzan léé: Maa dan wo pa lɛ ka lee.

1 Minwiinzannu 1:21

Yé dé anzan minwiinzan yi gyɛ é tinu va, wo dan we kɛlɛ lɛ maa valé an be Salomɔn lɛ bélé weanwiinzannu zo.

1 Minwiinzannu 1:25

Naa, é go kyɔ yé dirigɔnénu koo, diriné bualenu koo, ’blanu koo, é wo gyɛ kiɛre; minwiinzan benu koo, sunyanu nwiinzannu koo, Balebanzan Abiataa koo, é wo laa. Yé bé ye, wa fɛblena ’té woo fɛ minian a ’lɛ yé wo léé: Minwiinzan Adonija ’é vo é yuɛma ma!

1 Minwiinzannu 1:34

’Bɛna lé Balebanzan Sadɔk valé balelayezan Natan é dan nyɔnɔ zén lɛ a nwiin a kɛlɛle Izraɛlnu nwiinzan nya we gi. Ka dan béli fɛn lɛ, yé ka dan a fe lɛ léé: Minwiinzan Salomɔn ’é vo é yuɛma ma!

1 Minwiinzannu 1:39

Wibéli lé nyɔnɔ ke a gi, Balebanzan Sadɔk a si sɔkɔn gi yé é a zén Salomɔn nwiin. Wo béli fɛn, yé munu faa léé: Minwiinzan Salomɔn ’é vo é yuɛma ma!

2 Minwiinzannu 11:12

Balebanzan da minwiinzan blɛn be nya, yé é tɔkoro wo a ’wuo ma yé é bélidɔwe pa a lee. Wa dɔ minwiinzan blɛn nya yé wo nyɔnɔ zén a nwiin yé wo ’wo bɛ gyɛ yé wo siaa plɛplɛ léé: Minwiinzan blɛn ’é vo é yuɛma!

2 Minwiinmunu lé Wezuofe Sɛbɛ 23:11

Wo da minwiinzan blɛn be nya. Wo kyankoro wo a ’wuo ma, yé wo bélidɔwe sɛbɛ nɔ a lɛ, yé wa dɔ minwiinzan blɛn nya. Yé Jéojada valé é benu nyɔnɔ zén a nwiin yé wo léé: Minwiinzan blɛn ’é vo é yuɛma ma.

Matio 21:9

Mi gunu lé wo ke tawona Jézu ’lɛ, é valé munu lé wo ke tawona a zuo, wo siaa léé: David Be, ozana! Mi lé é da Mizambale tɔ gi, a drɔɔ ’é vo ma. Lai loru munu, ’ka siaa mi, ozana!

Bélidɔwesɛbɛ Fiézan 17:15

mi lé Gakelebale, kalé Bale é dan a si lɛ a va ka bwenu méléna, ’ka ’bɛzan dɔ ka nwiinzan nya; bɛn bɛ mi lé é ’ka ka bwe nya lo, té ka ’bɛzan si lo.

1 Samuɛl 11:15

Munu faa go Gilgal yé wo Saul dɔ minwiinzan nya Gakelebale ’lɛ, Gilgal. Wo bɔvɔ sarakanu bo Gakelebale lɛ ’bɛna; yé ’bɛna lé Saul valé Izraɛl munu faa wobo nɔ gi nanale baba lɛ.

1 Samuɛl 12:1

Samuɛl lé Izraɛl faa lɛ léé: Bé ye, we faa lé ka a fe an lɛ, maa an tɔné dɔ ka lɛ yé maa ka nwiinzan blɛn dɔ.

1 Samuɛl 12:13

Amalé ka nwiinzan lé ka a si a va, ka nwiinzan lé ka a ma laa, yee lo; ka ye, Gakelebale ka nwiinzan dɔ.

1 Samuɛl 9:2

A be do ana, wa laama Saul; é a mi boroné nɔnɔmi nya, é a é nɔnɔmi é mini Izraɛl lé nénu faa ta yé wo va mi torolenu éé bɔa a puo wuo.