1 Samuɛl 1:26 - Kazambale lé Sebe Sauunu 1979

²⁶ Ane léé: Anzan, ’i tɔné dɔ an lɛ. I léli a é yuɛma weboen nya, le lé é dɔ i sɔnɔ yi la ’ko, ’té éé bazoroan Gakelebale lɛ bɛ, maa lé.

1 Samuɛl 1:26 ပူးပေါင်းရင်းမြစ်များ

Wepélisiananu 42:15

Maa dan ka gi dan lɛ fɛan zo, yee lé ke ’ko: Faraɔn tɔ gi, ka ’ka dan bɔra lɛ ’ko pelo fɔɔ, ’té ka zuané da é wo.

2 Samuɛl 11:11

Uri lé David lɛ léé: Bale lé kɛsu koo, Izraɛl valé Juda koo, wa é nyanale sɔkɔnnu wuo; anzan Joab valé é wuomunu a é nyanale bwi la ’naan, yé maa go anlé kɔn gi, fɛblele koo, fɛminile koo, yiile an na va koo, wo we gii? Bii a é yuɛma webozen nya yé i léli a é yuɛma é ziin fɛan zo bɛ, maa ’ka ’bɛ kɛla monomono lo!

2 Samuɛl 14:19

Yé minwiinzan léé: Joab ’ka i nwunvɔ lɛ lo ’naan, i da ibo ’wuo gii? Yé lezan a zi pa léé: Anzan minwiinzan, i léli a é yuɛma fɛan zo bɛ, bé gyɛ é wɔlɛ la, i ’ka paa lɛ a ma lo. Weboen lé, i wuozan Joab ɛ an nwunvɔ yé é dére ’konu faa pa i wuo le ’léé.

2 Minwiinzannu 2:2

Éli lé Élizé lɛ léé: ’I vo ’ko ma, naa, Gakelebale an nwunvɔ Bétɛl. Élizé lé a lɛ léé: Gakelebale a é yuɛma yé i léli a é yuɛma. An ’ka sié i zuo lo. Yé wo go Bétɛl.

2 Minwiinzannu 2:4

Éli lé a lɛ léé: Élizé, ’i vo ’ko ma, naa, Gakelebale an nwunvɔ Jériko. É lé a lɛ léé: Gakelebale a é yuɛma yé i léli a é yuɛma. Maa ’ka sié i zuo lo. Yé wo bɔ Jériko.

2 Minwiinzannu 2:6

Éli lé a lɛ léé: ’I vo ’ko ma, naa, Gakelebale an nwunvɔ Juudɛn. É léé: Gakelebale a é yuɛma yé i léli a é yuɛma. Maa ’ka sié i zuo lo. Yé wo fiénu vo tawona.

2 Minwiinzannu 4:30

Né bu léé: Gakelebale a é yuɛma yé i léli a é yuɛma. Maa ’ka sié i va lo. Yé Élizé nwa yé é go lezan zuo.

Minwiinzannu lé Wezuofe Sɛbɛ 4:10

Jaébɛs bazoro Izraɛl lé Bale lɛ yé é léé: Ilé zanté, ’i an drɔɔ vo, ’i anlé tɛrɛ kɛlɛ blɛn, ’i bɛ zin pa an ta, ’i an takuun we tɔntɔn lee, té maa nyané ble lo. Fɛ lé é a laa, Kazambale a nɔ a lɛ.

1 Samuɛl 17:55

Saul David ye aan wo gona Filisiti mi va, é lé sunyanu nwiinzan Abinɛɛ lɛ léé: Abinɛɛ, pɛniɛ ’ko a de be nyaa? Abinɛɛ a zi pa léé: O minwiinzan, i léli a é yuɛma weboen nya fɛan zo, maa ’ka gi dɔɔa lo.

1 Samuɛl 20:3

David lé é ziin bale ’nyɔɔnle nya léé: I ti a gi dɔɔ é zima léé, maa a mi zin nya i yuɛ gi, yé é léé, té Jonatan a gi dɔɔ lo ma; ’bɛ é dan ’na lɛ a ma. Naa, Gakelebale a é yuɛma yé i léli a é yuɛma. Gane pa do kpen ɛ ke maa valé gale méléna.

1 Samuɛl 25:26

Sin, anzan, é a webozen nya léé, Gakelebale a é yuɛma, yé i léli a é yuɛma fɛan zo, Gakelebale ɛ i bɛ kun yé é nyɛ zanale yi ga i lee. I nyanémunu, munu lé wa a va léé, wo wenaané kɛlɛ anzan lɛ, ’wo kɛlɛ Nabal zo ma.