1 Piɛri 5:8 - Kazambale lé Sebe Sauunu 1979

⁸ ’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

1 Piɛri 5:8 ပူးပေါင်းရင်းမြစ်များ

Esitɛɛ 7:6

Esitɛɛ a zi pa léé: Yaamitazan, minyanézan, mi nyané Aman bɛ, yee lé. Di kini Aman gi minwiinzan blɛn valé é na yuɛ va.

JOB (Job) 2:2

Gakelebale lé Satan lɛ léé: I si kyɛɛn? Yé Satan a zi pa Gakelebale lɛ léé: An si giéna tɛrɛ faa la, ’té maa dɔwoo ana.

Lɛrɛvɔ Sɛbɛ 104:21

Golizra boronénu woo siaan wolé fɛblele zuo, Yé wo ’wolé fɛblele ma laan Bale lee.

Lɛrɛvɔ Sɛbɛ 109:6

’I mi ple pla an nyanézan nwiin, Yé mian éé we dɔa a nwiin, ’bɛ ’é dɔ a bɛyila ma.

Wegɔnévɔlenu 19:12

Minwiinzan blɛn lé bliflile a bélé golizra gi gunule zo, yé alé zin a bélé fli vɔle zo lunu ta.

Wegɔnévɔlenu 20:2

Kana lé minwiinzan blɛn a zén‐é mi gi é a bélé golizra gi gunule zo; mi lé éé a bli flian é wenyané kɛlɛ ébo lɛ.

Wegɔnévɔlenu 28:15

Mi naané lé éé plaan nyanégyɛmunu nwiin, é a bélé golizra lé ke wena, é valé urisi lé lɔrɔ ke a gyɛna, wo zo.

Ézai 50:8

Mi lé éé an kɛla mi tegele nya, é a an sɔnɔ; De ɛ dan za vɔ lɛ an vaa? Ko zén ékeva ma, De ɛ ke an mazan nyaa? ’É bié an va ma.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 51:38

Wo dan ’wo gi gunu lɛ ékeva bélé golizranu zo. Wo dan siaa lɛ bélé golizranénu zo.

Ézékiɛl 19:7

Yé é ’wii wolé fuakɔnnu ta, Yé é wolé fla blɛnnu guru zana a gi; Yé a dére wele lé we ma lé Tɛrɛ ’ko valé é tafɛnu faa gi nyɛ kini.

Ézékiɛl 22:25

Ilé balelayemunu woo gi paan mi ma i ta; woo mi boennu blé bélé golizra lé éé wé wigyɛle ta, a zo. Woo fuafɛnu valé fɛwezannu sié wobo zé nya; woo gyɛzaralomu bo bɔa fla.

Daniɛl 6:24

Minwiinzan blɛn léé, munu lé wo we dɔ Daniɛl nwiin, ’wo da wo nya yé ’wo wo vuli golizra guru gi; wo koo, wolé nénu koo, wo nanu koo, woo lé. Dé wo ’ka tan dia lɛ guru wɔlɛ ma lo, golizranu wo kun, yé ’bɛnu wo wɔlɛnu faa ’wii.

OZÉ (Osée) 11:10

Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

OZÉ (Osée) 13:8

Maa dan baa lɛ wo ta bélé urisi lé wo alé nénu si a lee, a zo; ma dan wo zuru zifɛ fia lɛ; maa dan wo ble lɛ bélé golizrada zo; bwigiwinu é dan wo wi kini lɛ ékema.

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Amɔs 1:2

É léé: Gakelebale dére a wena Siɔn bélé golizra zo, ’Té éé wé Jérusalɛm. Trubɛ tabinzannu lé trubɛ blena a gyɛ bona, Kaamɛl gɔ bɛlo nwiin a é gale.

Amɔs 3:4

Dé golizra ’ka tan é blefɛ ye lɛ lo ’naan, éé gi gunuan pɔrɔ gii? Dé golizrané ’ka tan wi gyɛ lɛ lo ’naan, éé siaan é yɛrɛ gii?

Amɔs 3:8

Dé golizra we ’naan, kana ’ka vɔa de ɛ gi loo? Dé Mizan Gakelebale a wena ’naan, de ɛ ’ka kɔɔn balelawe fé loo?

Zakari 11:3

’Blatabinzannu éé siaan wuvɔle nya, Wo kɛlɛle blɛn yi ga, azama; Juudɛn tɔbɔmafɛnu sɛrɛ, Amalé golizra boronénu woo gi gunuan.

Zakari 3:1

Gakelebale a kɛlɛ léé, maa Balebanmunu ’lɛzan Jozué ye, ’té é a é dɔle Gakelebale lé lanje ’lɛ, ’té Satan a é dɔle a bɛyila, we dɔle a nwiin we ma.

Matio 13:39

nyanézan lé é a vɔ, é a yonufaatagɔné nya; a gyɛbléyi a tɛrɛla nyaabléyi nya; a gyɛmunu lé ke lanjenu nya.

Matio 24:42

Yian nya lé kazan é dan da lɛ, ka ’ka a dɔɔa lo, amalé ’ka vo é yuɛma.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 4:1

Kazambale Léli go Jézu nya bwi gi, yonufaatagɔné lé a gi danle we gi.

Matio 4:11

Yé yonufaatagɔné daan a ma. Yé bé ye, lanjenu da Jézu va, yé wa mawe kɛlɛ.

Maak 4:15

’Sawɔlɛ lé é dia zi sɔnɔ, ’bɛ gi lé ke ’ko: dé mi kenu a dére ’ma, kele tɔɔn Satan éé dan yé Bale dére lé wa nwɛɛn wo bli gi bɛ, éé a sié.

WENÉNÉ LÉ LUK A GYE (Évangile selon Luc) 21:34

’Ka yuɛ pa kabozen va, dé ka zuru bɛn é da dɔ fɛblele kiɛre koo, nwɛ tanle koo, tɛrɛ la gibɔrɔlenu koo, wo nya, yé ’bɛ yi é bɔra ka ma fiaa bélé pɔgyɛséli zanale zo pɔnu ta;

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

WENÉNÉ LÉ LUK A GYE (Évangile selon Luc) 22:31

Mizan léma: Simɔn, Simɔn, é sɔ Satan lɛ léé, ’é i wuo bo bélé ’sawɔlɛ wuobole zo.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

2 Korɛnt Munu 2:11

té Satan é ko kele lo we ma. Naa, ko ’ka ko tanyila wenu lé é sɔ a lɛ léé, ’é a kɛlɛ, wo gi lo.

Éfez munu 4:27

yé té ka zi lɛ so yonufaatagɔné lɛ lo.

Éfez munu 6:11

’Ka Kazambale lé gulidanfɛnu faa zén ka ta, ka dɔle gligli we ma yonufaatagɔné lé gi kinilenu ma.

1 Timoté 2:15

naa, lomu é dan si lɛ we gi né yaale ma duowo, ’té dé wo yara pa blipale koo, sɔlɛle koo, kɛlɛle sauun koo, wo ta yaragyɛle nya.

1 Timoté 2:9

É sɔ an lɛ é ziin léé, lomu ’é sɔ zén wo ta é zima, yaragyɛle nya, té ’wo ’wo ma bɔra lo; té wo ’lɛrɛ nwin tanle koo, kyan koo, wɛɛwɔlɛnu koo, sɔvlɛzannu koo, wo nya lo;

1 Timoté 3:11

A zo duo lé é a lé wo nanu é ziin, ’wo kɛlɛ tegele; té wo kɛlɛ wenaané fezannu nya munu ma lo, naa, ’wo kɛlɛ wobo kun?-?zannu valé yarapawelazannu nya we faa gi.

1 Timoté 3:2

É a lé léglizi tabinzan é kɛlɛ mi wéiin nya, ’té a na a do kpen, yuɛgidozan nya, bokunzan nya, mi zin nya é giébɛ gi, bɛn sɔlɛzan nya, wepaamigizan zin nya.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

Tite 1:8

Naa, ’é kɛlɛ bɛn sɔlɛzan koo, wezin sɔlɛzan koo, ’wuoatazan koo, mi tegele koo, bo nɔ Bale lɛzan koo, bokunzan koo, a nya;

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Tite 2:2

’Bé fe mi segelenu lɛ léé, ’wo ’wobo kun, ’wo kɛlɛ tegele, ’wo kɛlɛ wedrɔzannu nya, yé ’wo kɛlɛ é ziin mi tegelenu nya, blipale koo, sɔlɛle koo, bli tiéé koo, wo gi.

Tite 2:4

É a lé wa paa gɔné na boronénu gi léé, ’bɛnu ’é ’wo zananu valé wolé nénu lɔrɔ pa,

Tite 2:6

A zo duo lé, ’i we pla pɛniɛnu lɛ léé, ’wo ’wobo kun we faa gi,

SEBE LÉ JAK A GYE (Épitre de Jacques) 4:7

Bɛwemalé, ’ka pla Kazambale wuo; ’ka dɔ yonufaatagɔné ma plɛplɛ, yé é dan vlan buru lɛ ka lee baa.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

Wegɔɔnle 12:10

Yé maa dére plɛplɛ ’ma la gi, yé é léé: Bélile koo, kozé Bale lé plɛplɛ valé alé plale munu nwiin koo, alé Krist lé se koo, wo bléyi bɔ sin, naa, ko bwenu tɔfezan, mi lé éé wo tɔ fé kozé Bale lɛ bladi nyanadi, wa vuli, azama.

Wegɔɔnle 12:12

Bɛwemalé, lanu valé ’wo gi munu, ka gi ’é nana ma. Tɛrɛ valé wɛyi, we kɛlɛ ka lɛ. Naa, yonufaatagɔné zun ka va, yé é a gi dɔɔ léé, ézé bléyi ’ka vo lɛ blɛn lo, amalé a bli a flina é baba.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.

Weblezannu 14:5

Samsɔn go tɛrɛ zia Timina, ’té a ti valé a bu a a va. Wo bɔ Timina lé dɔrɔféinu ta aan wo, wo kee golizra boroné do nya, ’té ’bɛ éé wé.