1 Piɛri 5:5 - Kazambale lé Sebe Sauunu 1979

⁵ É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

1 Piɛri 5:5 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:41

Sin, Gakelebale, ’i nwa, ’i da i flinna, bii valé i tɔbɔma kɛsu nya. Bale, Gakelebale, sile we gi ’é kɛlɛ i banzannu ta bélé varɔ zo, yé i sɔlɛzannu gi é nana wezin yele we ma.

JOB (Job) 22:29

Dé tuawe bɔ i ma, i dan bazoro lɛ yé i dan nwa lɛ é ziin; Mi lé a ’wuo ke é vɔle a wuo, Kazambale éé bɔa ’bɛzan va.

JOB (Job) 29:14

Maa wetegele zén an ta, yé yee ɛ ke anlé varɔ nya. Anlé we drɔle a anlé varɔ blɛn valé an ’wuo ma nɔɔn nya.

Lɛrɛvɔ Sɛbɛ 132:16

Maa dan Siɔn Balebanzannu kɛlɛ lɛ sile we gi zanadɔɔzannu nya, Yé alé yarapawelazannu wo dan siaa lɛ ginanale nya.

Lɛrɛvɔ Sɛbɛ 132:9

Ilé Balebanzannu, ’wo we tegele zén ’wo ta bélé varɔ zo ma, Yé ilé yarapawelazannu ’wo siaa ginanale nya ma,

Lɛrɛvɔ Sɛbɛ 138:6

Gakelebale a loru, ’té éé bokiénémunu yé, Naa, éé boblɛnzannu ma kunna yé, ’té wa baa.

Wegɔnévɔlenu 25:7

dé wa fe i lɛ léé, ’i da ’ko, ’bɛ fila vɔ é mini wolé i zunle minwiinzan lé i ke é dɔle a ’lɛ, a yuɛ va ta.

Wegɔnévɔlenu 3:34

éé we nanaan wenanazannu ma, naa, éé zin kɛla bokiénézannu lɛ;

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Ézékiɛl 26:16

Wɛyi sɔnɔ tɛrɛ la minisinu faa éé sié ’wolé fuablinnu ta yé wo zun tɛrɛ va; woo ’wolé varɔ blɛnnu sié ’wo ta, yé wolé varɔnu lé pɛɛ ke é gyɛle wo ta, woo wo sié ’wo ta. Di éé kinié wo gi, yé woo nyanaan tɛrɛ va, yé wo zuru va nyɛ éé kinié bléyi faa va, yé wo dan dɔ lɛ ’wo gane la ilé we ma.

Daniɛl 11:12

Mi gu blɛn ’ko a boblɛnzannu nya, yé wo nwiinzan blɛn é dan blii lɛ boblɛn nya. É dan mi wuru é wuru gyɛ lɛ, naa, guliwuo ’ka dan vo lɛ a lɛ lo.

Lévinu 19:32

Dé nwanabɔzan bɔ i ma é nyanale, ’i nwa; ’i mi segele lɛdɔma. ’I kana Bale lee. Maa a Gakelebale nya.

WENÉNÉ LÉ LUK A GYE (Évangile selon Luc) 22:26

É ’ka ’bɛ zo ka va lo. Ka va mi blɛn ’é kɛlɛ mi kiéné nya ma, yé ka ta loruzan ’é kɛlɛ ka wuozan nya ma.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

Éfez munu 5:21

yé ’ka pla ka ke wuo Jézu Krist lee kanale nya ma.

Filip munu 2:3

Té ka we do kpen kɛlɛ zakɛlɛle valé kabozen ze vɔle nya lo, naa, ’kabo kɛlɛ kiéné yé ’ka mi bɛnu ye blɛn é mini kabozen ta.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

1 Timoté 5:1

Té i mi segele saanna gɔɔn é lɛ dére plɛplɛ nya lo, naa, ’i we pla a lɛ bélé i ti zo; ’i pɛniɛnu zé we pla bélé i bwenu zo;

Ébrunu 13:17

’Ka ka zilɛzannu lɛdɔma, yé ’ka ’wuo dɔ wo wuo ma; naa, wa ka boennu tabinna, yé wa gi dɔɔ léé, Bale é dan a zuo laa lɛ ’wo lee, amalé wa kɛlɛna ’bɛ yɛrama. Ka kɛla fɛan zo yé wo ka tabin ginanale nya yé é ’ka kɛla wo ma gi kyɛ nya lo, ’ka kɛlɛ. Dé wo bli kyɛ dɔ ka tabinle we ma, ’té kazé tɔnɔ ’ka lo.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.

1 Piɛri 3:8

A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

1 Piɛri 4:1

Krist nyané ble é kɔlɛ gi, bɛwemalé ka é ziin, gi bɔrɔle duo ’é kɛlɛ ka ’wuo gi ma. Naa, mian é nyané ble é kɔlɛ gi, é si wenyané zuo,

1 Piɛri 4:5

Wo dan a zuo fe lɛ mi lé a ma ke é ’lɛrɛle miyuɛmalenu valé migalenu lé we blele we ma bɛ, a lɛ.