1 Piɛri 5:2 - Kazambale lé Sebe Sauunu 1979

² Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;

1 Piɛri 5:2 ပူးပေါင်းရင်းမြစ်များ

2 Minwiinzannu 12:6

Naa, é kɛlɛ léé, minwiinzan blɛn Joas lɛɛ yɔ do wɔlɛ yaazan nya, Balebanzannu ’ka tan kɔn sɛrɛna ma’lɛrɛ lɛ lo.

Wegɔné Ma Lɛrɛ 1:8

Bii le lé i nɔnɔmi mini lomu faa ta, dé i ’ka ’bɛ gi dɔɔa lo na, ’I ’blanu pa bo, ’I bolinu blena kɛlɛ ’Blatabinzannu nyanana sɔnɔ. —

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 56:11

Wa bélé blénnu lé woo fɛ blé, ’té wo ’ka kaan lo, wo zo. Wa munutabinzannu lé wo ’ka we do kpen maan lo, wo nya. Wo faa wobo lé zi sian, wo faa do do lé tɔnɔ yele we ma.

Ézai 6:8

Maa Mizan dére ’ma, ’té éé a fé léé: Maa dan mi kyɛn ɛ nwunvɔ lɛɛ? Yé de ɛ dan tawo lɛ kolé we gii? Yé maa a zi pa léé: Maa lo, ’i an nwunvɔ.

Ézai 63:11

We lé é kɛlɛ é li kwakwa Moizi bléyi va, a sele dɔ Bale lé munu gi; mi lé é wo si wɛyi va élé trubɛ tabinzan nya, é a kyɛɛn? Mi lé é Léli Sauun pa wo va,

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 13:20

’I yara nwa, yé munu lé wa sina yirinwana bɛbolazia, ’i wo nagini. Trubɛnu lé wa nɔ i lɛ, ’té wo ke ilé fua tɔbɔ trubɛnu nya bɛ, wa kyɛɛn?

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

Ézékiɛl 34:31

’Kaa anlé ’blanu, anlé trubɛ blena ’blanu, ka a blaminu nya; yé maa ɛ ke kalé Bale nya. A zo lé Mizan Gakelebale a fe.

Ézékiɛl 46:24

É lé an lɛ léé: Fɛ dɔnenanu lé, Balekɔn gi nyanamapamunu é dan munu lé sarakabowinu dɔne lɛ ana, wo lé ke bɛ.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Zakari 11:17

Mipazan boazan lé é élé ’blanu vo mi, we tɔntɔn ’é bɔ ’bɛzan ma ma. Gwɔun ’é vɔ a bɛ ma yé gwɔun a bɛyila yuɛ fɔn ma. A bɛ ’é ga a ma ma, yé a bɛyila yuɛ ’é diri ma.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Mi Nɔnɔle 18:7

Bii valé i benu lé wo ke i va, ’ka kalé Bale gi nyanama pa, dé é a balebanna lé nyanama faa nyaoo, dé é a sɔkɔnmi zi lé nyanama nyaoo, ’ka a pa. Nyanama lé é a lé ka a pa, yee lé ke bɛ. Maa balebannyanama nɔ ka lɛ blɛ zin nya. Dé bɛn bié a ma, wo dan a gyɛ lɛ.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

Kelewenu 20:29

Maa gi dɔɔ léé, an gole zuo, glau nyanénu é dan wɔra lɛ ka méléna, yé wo ’ka dan trubɛgimi do kpen vo lɛ lo.

Kelewenu 21:13

Yé é a zi pa léé: Mɛ zoɛ we lé ka ke a kɛlɛna an lɛ ’koo? ’té ka wuvɔa ’té ka an bli gi kyɛ dɔaa? Dé wo an yereoo, dé an ga Jérusalɛm Mizan Jézu tɔ lé we maoo, an ma a é ’lɛrɛle é kyɛn.

Rom munu 1:15

Bɛwemalé é sɔ an lɛ boenwo léé, ’kaa lé ka ke Rom, maa Wenéné ’ko fe ka lɛ é ziin.

1 Korent munu 9:7

Mi kyɛn ɛ sunya kɛla ’té é ébozen banwoo? Yé mi kyɛn ɛ yili suruan, ’té é ’ka a poro blé loo? Mi kyɛn ɛ trubɛ tabin‐é, ’té é ’ka a nyɔyi minian loo?

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

1 Timoté 3:8

Léglizi wuozannu é ziin, é a lé wo kɛlɛ mi tegelenu nya. ’Wo si dabliwenu koo, nwɛ minile baba koo, bli bɔle gɔɔli ma koo, wo ma baa;

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

Tite 1:7

É a lé léglizi tabinzan é kɛlɛ mi wéiin nya; é a Kazambale bɛgizan nya, azama. Té ’é kɛlɛ boblɛnzan koo, blifli?-?zan koo, nwɛminizan koo, ’wiiéwelazan koo, dabli gɔɔli yezan koo, a do kpen nya lo.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Tite 3:1

’Bé sele dɔ munu gi léé, ’wo pla minwiinmunu faa wuo; ’wo wo lɛdɔma; nyanama zin gɔnɔ faa pale ’é sɔ wo lɛ;

Filémɔn 1:14

Naa, é ’ka sɔ lɛ an lɛ léé, an we do kpen kɛlɛ i ma trɔnné va duowo lo, té ilé wezin kɛlɛle é kɛlɛ glawe nya lo we gi; naa, é sɔ an lɛ léé, we ’ko é si ibozen va.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.