1 Piɛri 4:17 - Kazambale lé Sebe Sauunu 1979

¹⁷ Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?

1 Piɛri 4:17 ပူးပေါင်းရင်းမြစ်များ

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Jérémi 25:29

Naa, ka ye, fla lé wo an tɔ laa ana, ana lé maa kun wenaané kɛlɛle ma, yé ’kaa, maa ’ka dan we lɛdɔ lɛ ka gi loo? We lɛdɔle ka gi ’ka dan vuru lɛ ka ma lo. Naa, maa dan tɛrɛlamunu faa gyɛ lɛ gwɔun nya. Maa, lai sunyanu lé Gakelebale ɛ ke a fena.

Jérémi 49:12

Naa, Gakelebale léma: Bé ye, mi lé é ’ka kɔɔn ’yi ’ko minizan nya lo, é dan a mini lɛ; yé bii, wo ’ka dan we lɛdɔ lɛ i gi loo? Wo dan we lɛdɔ lɛ i gi, i dan a mini lɛ.

Ézékiɛl 9:6

’Ka wo gyɛ; mi kwakwanu koo, pɛniɛnu koo, blɛnnu koo, nénu koo, lomu koo, ’ka wo gyɛ. Naa, dé miomian tɔmase ke a ma, té ka bié ’bɛzan ma lo. Yé ka péli sia anlé fɛna sauun na. Wa péli sia mi segelenu lé wo ke kɔn ’léé, wo ta.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

WENÉNÉ LÉ LUK A GYE (Évangile selon Luc) 23:31

Naa, dé wo we ’konu kɛlɛ yili drɔɔdrɔɔ lɛ ’naan, ’té a gale zé é dan kɛlɛ lɛ kaa?

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

Rom munu 2:9

We tɔntɔn valé nyanéblele kaii é dan bɔ lɛ munu faa lé wo ke wenyané kɛlɛna, wo ma, é bɔa Juifinu ma é vinin, a zuo yé é bɔ Grɛkinu ma.

Galasi munu 3:1

Galasi munuoo, Galasi munu, ’tugyɛzannu! De ɛ ka gyɛ ’tu nyaa? Ka lé wo Jézu Krist bɔra ka yuɛ va é gyɛle yiliblan ta bɛ, de ɛ ka gyɛ ’tu nyaa?

Galasi munu 5:7

É kyɛn ka a vlan buruna é zima; de ɛ ka dɔ léé, té ka webozen lɛdɔma loo?

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 11:8

Kazambale Abraam laa aan wo, é Bale lɛdɔma yé blipale nya lé é go fɛana lé é dan tɔnɔ ble lɛ, ana, yé fɛ lé é ’ka ana dɔɔa lo, é go ana.

Ébrunu 2:2

Naa, dére lé lanjenu a fe, dé a kɛlɛle lɛ sɔɔ, yé dé Bale we lɛdɔ ’é lɛgamamunu faa valé bélidɔwe sɛrɛzannu faa gi tegele, ’té kaa nii?

Ébrunu 2:4

yé Kazambale bozen wolé wenayedére dɔ plɛplɛ tɔmasenu koo, we blɛnblɛnnu koo, gyɛzorowe gɔnɔ faa koo, Léli Sauun lé blɛnu kɛlɛle élé blibɔmale nya koo, wo nya. Amalé, dé kaa yara si silewegi ’ko ta, we é dan si lɛ kaa nwiin kaa?

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 2:8

Misaangɔlɛ nya, Midiéragɔlɛ nya. Munu lé wo ’ka ’wo bli vo lɛ Jézu lɛ lo, Jézu kɛlɛ yee gɔlɛ nya wo lɛ. Wo ’ka dɔ lɛ Bale dére ta lo, amalé misaangɔlɛ ’ko, é wo saan. Kazambale a kɛlɛ é kyɛn, amalé é kɛlɛ a zo.