1 Piɛri 4:16 - Kazambale lé Sebe Sauunu 1979

¹⁶ Naa, dé mian kle ble ’é kɛlɛle Krétiɛn nya lé we ma, té yara ’é ’bɛzan gyɛ ’bɛ we ma lo, naa, ’é Kazambale tɔ bɔ Krétiɛn tɔ lé we ma.

1 Piɛri 4:16 ပူးပေါင်းရင်းမြစ်များ

Ézai 24:15

’Ka Gakelebale tɔ bɔ fɛana lé san ke bina, ana; ’ka Gakelebale Izraɛl lé Bale tɔ bɔ wɛyi méléna tɛrɛnu ta.

Ézai 50:7

Naa, Mizan Gakelebale bɔ an va; Amalé an tɔ ’ka dan sɛrɛ lɛ lilo, Amalé an yara kɛlɛ plɛplɛ, Maa gi dɔɔ léé, an gi ’ka dan blin lɛ an ma lo, azama.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Kelewenu 11:26

É a ye aan wo é goan Antiɔs. Wo vo ’bɛna lɛɛ do; dé léglizigimunu zén ékeva ’té wa ’bɛnu va yé wo vo we paana mi kiɛre gi. Antiɔs lé wo zuomunu tɔ pa Krétiɛn é vinin.

Kelewenu 26:28

Yé Agripa lé Pɔl lɛ léé: Pɔl, i we fe é baba. É vo sɛ yé i an kɛlɛ Krétiɛn nya.

Kelewenu 28:22

Naa, é sɔ ko lɛ léé, ko i bɔn gi we ’ma. Ko a gi dɔɔ léé, fɛfaana munu a palu ’ko ma guli nya.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Filip munu 1:20

A zo lé wean an bli ke a lɛ, ’té maa a é pale a ta é baba bɛ, a lɛ é dan sɔɔ lɛ. Yee lé ke lé, té yara an gyɛ we do kpen ma lo. Naa, an dan Krist tɔ bɔ lɛ an kɔlɛ nya bli ta plɛplɛ nya, dé an vo é yuɛmaoo, dé an gaoo, maa dan a tɔ bɔ lɛ an kɔlɛ nya bélé fɛan zo lé maa a kɛla yifaama, a zo.

Filip munu 1:29

Naa, Bale blɛ kɛlɛ ka lɛ Krist pli zi, léé, ka bli ’é vo Krist lɛ, yé ’bɛ saa kaan lo; ’bɛ ta loru, é blɛ kɛlɛ ka lɛ léé, ka nyané ble Krist lé we ma.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

SEBE LÉ JAK A GYE (Épitre de Jacques) 2:7

Tɔ zin lé munu éé ka laan a nya, woan wo ke a sɔnɔna loo?

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Piɛri 4:14

Dé wo ka sɔnɔ Krist tɔ ma, kazé a néné, naa, fuasan Léli, Kazambale Léli, é a ka ta.

1 Piɛri 4:19

Amalé, munu lé wo ke kle blena Kazambale lé blibɔmale yɛrama, é a lé woboen bɛ pa Fɛkɛlɛzan lé é ke yarapawelazan nya, a lee, ’té woo wezin kɛla.